NUMBERS 33:53 - Edisana ñwed Abasi Ibom

⁵³ Ndien mbufo ebin (mme enyene) isɔŋ efep, enyuŋ eduŋ ke esit: koro mmada isɔŋ emi nnɔ mbufo nte enyene.

NUMBERS 33:53 Referans Kwoze

DEUTERONOMY 11:31

Koro mbufo eyebe Jordan ekeduk, man eda isɔŋ emi Jehovah Abasi mbufo ɔnɔde mbufo, mbufo eyenyuŋ eda enye enyuŋ eduŋ ke esit.

JOSHUA 21:43

Ntem Jehovah ɔnɔ Israel ofuri isɔŋ oro enye ɔkɔŋwɔŋɔde, ete iyenɔ mme ete mmɔ; eda enye enyene, enyuŋ eduŋ ke esit.

DEUTERONOMY 32:8

Ke ini ata Andikoŋ ɔnɔde mme idut udeme mmɔ, ke ini enye abaharede nditɔ owo, enye onim adaŋa mme idut, nte ibat nditɔ Israel asaŋade.

MATTHEW 20:15

Nte inenke ami ndida se inyenede mi nnam nte mmade? me nte enyin fo ɔdiɔk, koro ami mfɔnde ido?

DANIEL 4:32

Ubɔŋ amadaha ɔkpɔŋ fi; ndien mmɔ eyebin fi ke otu owo efep, iduŋ fo eyenyuŋ odu ye mme unam ikɔt; eyebɔk fi ke mbiet nte enaŋ; ndien isua itiaba eyebe fi, tutu afo edifiɔk ete ke Ata Edikoŋ akara ke ubɔŋ ererimbot, onyuŋ ada enye ɔnɔ owo ekededi eke enye amade.

DANIEL 4:25

ndien mmɔ eyebin fi ke otu owo efep, iduŋ fo eyenyuŋ odu ye mme unam ikɔt, eyenyuŋ ebɔk fi ke mbiet nte enaŋ; enyuŋ eda mbara enyɔŋ ebit fi; isua itiaba eyenyuŋ ebe fi, tutu afo ɔfiɔk ete ke Ata Edikoŋ akara ke ubɔŋ ererimbot, onyuŋ ada enye ɔnɔ owo ekededi eke enye amade.

DANIEL 4:17

Ŋkpɔ emi oto ke ewuhɔ mme andikpeme, ikɔ emi onyuŋ oto ke uyo me edisana (angel); man mmɔ eke edude uwem efiɔk ete ke Ata Edikoŋ edi etubom ke ubɔŋ ererimbot, onyuŋ ada enye ɔnɔ owo eke enye amade, onyuŋ emen ata ŋkpri owo odori, ete edi etubom ke esit.

ŊWED MME PSALM 115:16

Enyɔŋ edi heaven Jehovah: edi enye ada isɔŋ ɔnɔ nditɔ owo.

DEUTERONOMY 7:17

Ke afo edidɔhɔde ke esit fo, ete, Mme idut emi ewak ekan mi; ndikeme didie ndibin mmɔ mfep?

DEUTERONOMY 17:14

Ke adaŋemi afo edisimde isɔŋ emi Jehovah Abasi fo ɔnɔde fi, onyuŋ adade enye enyene, onyuŋ oduŋde ke esit, ndien edidɔhɔ ete, Nyenim owo ke edidem mi, ebiet kpukpru mme idut emi akande mi ekuk;

JOSHUA 23:5

Ndien edi Jehovah Abasi mbufo eyebin mmɔ ke iso mbufo efep, eyenyuŋ osioŋo mmɔ ke iso mbufo efep; ndien mbufo eyeda isɔŋ mmɔ, kpa nte Jehovah Abasi mbufo ɔkɔdɔhɔde mbufo.

GENESIS 15:7

Ndien enye ɔdɔhɔ enye, ete, Ami ndi Jehovah emi ŋkosiode fi ke Ur mme Chaldee, nte nnɔ fi isɔŋ emi ada enye enyene.

DEUTERONOMY 3:18

Ndien ŋwuk mbufo ke ini oro, nte, Jehovah Abasi mbufo ɔmɔnɔ mbufo isɔŋ emi ete eda enye enyene: kpukpru mbufo mbon uko ebɔbɔ mbɔbɔ ekɔŋ, ebem nditɔ Israel nditɔ-ete mbufo iso ebe.

JOSHUA 1:6

Sɔŋ ubɔk, nyuŋ sɔŋ esit: koro afo eyeda isɔŋ emi ŋkɔŋwɔŋɔde nnɔ mme ete mbio emi nte ke ndinɔ mmɔ, edeme ɔnɔ mmɔ.