NUMBERS 31:28 - Edisana ñwed Abasi Ibom

²⁸ ndien bɔ mbon ekɔŋ emi ekewɔŋɔde eka ekɔŋ, utomo nɔ Jehovah: ukpɔŋ kiet ke itie ikie ition, ke owo, ye ke enaŋ, ye ke mme ass, ye ke ŋkpri ufene:

NUMBERS 31:28 Referans Kwoze

NUMBERS 18:26

ete mmɔ, Ke adaŋemi mbufo ebɔde nditɔ Israel ɔyɔhɔ ubak duop emi ŋkɔbɔde mmɔ nnɔ mbufo ke udeme mbufo, mbufo esio ndien ɔyɔhɔ ubak duop ke esit, kpa ke ɔyɔhɔ ubak duop oro, emen enɔ Jehovah ke edimenere uwa.

NUMBERS 31:47

kpa ke udeme nditɔ Israel Moses osio kiet ke itie aba ye duop, ke owo, ye ke unam, ndien ada mmɔ ɔnɔ mme Levite emi etiŋde enyin ke ebiet-iduŋ Jehovah; kpa nte Jehovah eketemede Moses.

NUMBERS 31:30

Ndien ŋko, ama edi udeme nditɔ Israel, sio kiet ke itie aba ye duop, ke owo, ye ke enaŋ, ye ke mme ass ye ke ŋkpri ufene, ye ke kpukpru oruk unam, ndien da mmɔ nɔ mme Levite emi enyenede nditiŋ enyin ke ebiet-iduŋ Jehovah.

MATTHEW 22:21

Mmɔ ete, Enyene Caesar. Ekem Enye ɔdɔhɔ mmɔ ete, Enɔ Caesar ndien ŋkpɔ eke enyenede Caesar; enyuŋ enɔ Abasi ŋkpɔ eke enyenede Abasi.

ISAIAH 60:9

Koro mme isuo ke ebet mi, mme ubom mbakara Tarshish ebet ke mbemiso, man eda nditɔ mi ke anyan idut edi, silver mmɔ ye gold mmɔ ŋko, esɔk enyiŋ Jehovah Abasi fo, ye Edisana Abasi Israel; koro enye abanade fi.

ISAIAH 23:18

Ndien utip esie ye udori esie eyekabare edi edisana ŋkpɔ Jehovah: mmɔ idinimke enye, idinyuŋ ibonke enye: koro udori esie eyekabare edi se mmɔ eke eduŋde ke iso Jehovah edade edia eyuhɔ, enyuŋ esine ata eti edisine-ŋkpɔ.

ISAIAH 18:7

Ke ini oro mmɔ eyeda mbio emi ekoŋde idaha enyuŋ edɔnɔde idem, kpa obio emi enyenede ndik toto nte ɔkɔtɔtɔŋɔ, tutu osim mfin emi, ata ɔkpɔsɔŋ idut emi edigide (mme idut efen), emi mme akpa mmɔŋ ebaharede isɔŋ mmɔ, edi edisɔk Jehovah mme udim ke enɔ, ke ebiet enyiŋ Jehovah mme udim ke obot Zion.

1 CHRONICLES 18:11

Edidem David onim mme mmɔ emi ŋko ɔnɔ Jehovah, ɔkɔrɔ ye silver, ye gold oro enye ɔkɔbɔde kpukpru mme idut, ada edi, kpa Edom, ye Moab, ye nditɔ Ammon, ye mme Philistine, ye Amalek.

JOSHUA 6:24

Ndien mmɔ efɔp obio, ye kpukpru se idude ke esit ke ikaŋ: edi mmɔ eda silver, ye gold, ye ŋkpɔ okpoho, ye ukwak, esin ke unim-ŋkpɔ ufɔk Jehovah.

JOSHUA 6:19

Ndien kpukpru silver, ye gold, ye ŋkpɔ okpoho, ye ukwak, edi ndisana ŋkpɔ Jehovah: mmɔ eyeduk ke ebiet unim-ŋkpɔ Jehovah.

NUMBERS 18:21

Ndien, sese, mmada ɔyɔhɔ ubak kpukpru ŋkpɔ ke Israel duop, nnɔ nditɔ Levi eda enyene, ke usiene utom mmɔ emi mmɔ enamde, kpa utom efe esop.

GENESIS 14:20

enyuŋ etoro Abasi Ibom, emi adade mme asua fo, esin fi ke ubɔk. Ndien enye osio ubak kpukpru ŋkpɔ kiet kiet ke itie duop ɔnɔ enye.

NUMBERS 31:29

mbufo esio enye ke udeme mmɔ, ndien da enye nɔ Eleazar oku, ke edimenere uwa Jehovah.

JOSHUA 9:27

Ndien ke usen oro Joshua onim mmɔ ke mme asiak-ifia, ye mme okoi mmɔŋ ɔnɔ mbon esop ye itie-uwa Jehovah tutu osim esop ye itie-uwa Jehovah tutu osim mfin emi, ɔnɔ ebiet eke enye edimekde.

2 CHRONICLES 15:11

Ndien ke ini oro mmɔ ewa uwa enɔ Jehovah ke mbume oro ekedade edi, enaŋ ikie itiaba, ye tɔsin ŋkpri ufene itiaba.