NUMBERS 3:41 - Edisana ñwed Abasi Ibom

⁴¹ Ndien da mme Levite sɔk mi, (ami ndi Jehovah) ke ibuot kpukpru akpan ke otu nditɔ Israel; ye ufene mme Levite ke ibuot kpukpru akpan nditɔ ufene nditɔ Israel.

NUMBERS 3:41 Referans Kwoze

NUMBERS 3:12

Ndien, sese, ami mma nda mme Levite ke otu nditɔ Israel ke ibuot kpukpru akpan eke esirerede itie-eyen ke otu nditɔ Israel: mmɔdo mme Levite edidide okim;

NUMBERS 3:45

Da mme Levite ke ibuot kpukpru akpan ke otu nditɔ Israel, nyuŋ da ufene mme Levite ke ibuot ufene mmɔ; ndien mme Levite eyedi okim: Ami ndi Jehovah.

1ŊWED TIMOTHY 2:6

emi ɔkɔnɔde Idem Esie, ete idi ufak kpukpru owo. Ekɔnɔ mbuk ebaŋa ŋkpɔ emi ke edikem ini;

MATTHEW 20:28

kpa nte Eyen Owo mikedige, man enam ŋkpɔ enɔ Enye edi man Enye anam ŋkpɔ ɔnɔ owo, onyuŋ ɔnɔ uwem Esie ndifak ediwak owo.

NUMBERS 18:15

Kpukpru se isirerede itie-eyen ke otu kpukpru se idide obukidem eke edade esɔk Jehovah, edide owo, onyuŋ edide mme unam, edidi okuo: edi kutre ndifak akpan owo, nyuŋ fak akpa eyen unam eke midige edisana.

NUMBERS 8:16

Koro emesio mmɔ ke otu nditɔ Israel enɔ mi; mmada mmɔ ke idem mi ke ibuot kpukpru mme mmɔ emi esirerede itie-eyen, kpa mme akpan kpukpru nditɔ Israel.

NUMBERS 3:42

Ndien Moses abat kpukpru akpan ke otu nditɔ Israel, kpa nte Jehovah eketemede enye.

NUMBERS 3:13

koro kpukpru akpan edide okim: ke usen ami ŋkowotde kpukpru akpan ke isɔŋ Egypt, ndianare kpukpru akpan Israel nda ke idem mi, ye owo ye unam: mmɔ edidi okim: ami ndi Jehovah.