NUMBERS 3:38 - Edisana ñwed Abasi Ibom

³⁸ Ndien mme mmɔ emi ediwukde tent ke iso ebiet-iduŋ ke iso efe esop, ke edem usiaha-utin, edidi Moses, ye Aaron ye nditɔ esie, emi ekpemede se ekpekpemede ke edisana ebiet, emi edide se nditɔ Israel ekpekpemede: ndien esen owo eke asaŋade ekpere enyene ndikpa:

NUMBERS 3:38 Referans Kwoze

NUMBERS 3:10

Nyuŋ nim Aaron ye nditɔ esie, ete etiŋ enyin ke idaha oku mmɔ; ndien esen owo eke asaŋade ekpere enyene ndikpa.

NUMBERS 1:53

Ndien yak mme Levite ewuk ekana ebiet-iduŋ ŋkpɔ-ntiense ekuk, man iyaresit okutiene mbon-esop nditɔ Israel: mme Levite enyuŋ etim ekpeme ebiet-iduŋ ŋkpɔ-ntiense.

NUMBERS 2:3

Ndien yak mmɔ emi etienede ɔfɔŋ etak ubom, nna Judah ewuk ke iso, ke edem usiaha-utin, nte mme udim mmɔ edide: ndien Nahshon eyen Amminadab edidi etubom nditɔ Judah.

NUMBERS 3:35

Ndien ŋko Zuriel eyen Abihail edi etubom ufɔk ete oruk Merari: mme mmɔ emi ediwuk ke ŋkaŋ ebiet-iduŋ edem edere.

NUMBERS 3:29

Mme oruk nditɔ Kohath ediwuk tent ke ŋkaŋ ebiet-iduŋ edem usuk.

NUMBERS 3:23

Mme oruk mme Gershonite ediwuk tent ke etak efe, edem emi utin osopde.

NUMBERS 1:51

Ndien ke ini eyomde ndiwuhɔre ebiet-iduŋ, mme Levite ewuri enye: ndien ŋko ke eyomde ebiet-iduŋ ndiwuk, mme Levite enyuŋ eneŋere enye ewuk; ndien esen owo eke asaŋade ekpere enyene ndikpa.

NUMBERS 3:37

Ye mme obubɔk okure emi akande okuk, ye socket mmɔ, ye ɔkpɔhɔ mmɔ, ye uruk mmɔ.

1 CHRONICLES 23:32

man mmɔ enyuŋ ekpeme ukpeme efe esop, ye ukpeme edisana ebiet, ye ukpeme nditɔ Aaron, nditɔ-ete mmɔ, ke erisaŋa ŋkpɔ ufɔk Jehovah.