NUMBERS 27:3 - Edisana ñwed Abasi Ibom

³ Ete nnyin akakpa ke wilderness, ndien enye ikoduhe ke udim mmɔ emi ekesopde enam ikɔ ye Jehovah ke udim Korah; edi enye ekekpa ke idiɔk ido esiemɔ, inyuŋ inyeneke nditɔ-iren.

NUMBERS 27:3 Referans Kwoze

EZEKIEL 18:4

Sese, kpukpru ukpɔŋ enyene mi; ukpɔŋ ete ebiet eke eyen, mmɔ edi okimmɔ: ukpɔŋ eke anamde idiɔk eyekpa mkpa.

NUMBERS 14:35

Ami Jehovah mma ndɔhɔ nte, Nditreke ndinam emi ye ofuri idiɔk esop emi esopde enam ikɔ ye ami; kpa ke wilderness emi ke mmɔ edisobo, edinyuŋ ekpaŋa do.

ŊWED MBON ROME 6:23

Koro ŋkpɔ-eyen-utom idiɔk-ŋkpɔ edi mkpa, edi enɔ Abasi edi nsinsi uwem ke Christ Jesus Ɔbɔŋ nnyin.

ŊWED MBON ROME 5:21

man nte idiɔk-ŋkpɔ akadade ubɔŋ ke mkpa, kpa ntre ŋko mfɔn akpada ubɔŋ oto ke edinen ido, ɔwɔrɔ nsinsi uwem oto ke Jesus Christ Ɔbɔŋ nnyin.

ŊWED MBON ROME 5:12

Mmɔdo, nte idiɔk-ŋkpɔ okotode owo kiet oduk ke ererimbot, mkpa onyuŋ otode ke idiɔk-ŋkpɔ oro oduk; mkpa onyuŋ ebe osim kpukpru owo, koro kpukpru owo ema enam idiɔk-ŋkpɔ;

JOHN 8:24

Mmɔdo ndɔhɔ mbufo nte, Mbufo eyekpaŋa ke mme idiɔk-ŋkpɔ mbufo. Koro ke mbufo minimke ke akpanikɔ ite Ami ndi Enye, mbufo eyekpaŋa ke mme idiɔk-ŋkpɔ mbufo.

JOHN 8:21

Ntre ke Jesus ɔtɔŋɔ ntak ɔdɔhɔ mmɔ ete, Ami mmɔŋ ndinyɔŋ, ndien mbufo eyeyom Mi, edi eyekpaŋa ke mme idiɔk-ŋkpɔ mbufo; ɔtɔ nte Ami ŋkade, mbufo ikemeke ndika do.

NUMBERS 26:33

Ndien Zelophehad eyen Hepher ikenyeneke eyen-eren baba kiet, ibɔhɔke nditɔ-iban: ndien enyiŋ nditɔ iban Zelophehad ekere Mahlah, ye Noah, ye Hoglah, ye Milcah, ye Tirzah.

NUMBERS 16:49

Ndien mmɔ emi ekpaŋade ke udɔŋɔ oro edi tɔsin owo duopenaŋ, ye ikie itiaba, ekɔrɔ ye mme mmɔ emi ekpaŋade ke ikɔ Korah.

NUMBERS 16:19

Korah onyuŋ obon kpukpru mbon esop, man enam ikɔ ye mmɔ, ke usuŋ efe esop: ndien kpukpru mbon esop ekut ubɔŋ Jehovah.

NUMBERS 27:2

Ndien mmɔ edida ke iso Moses, ye Eleazar oku, ye ke iso ikpɔ owo, ye ofuri mbon esop, ke usuŋ efe esop, ete,

NUMBERS 27:4

Edinam didie esio enyiŋ ete nnyin ke oruk esie efep, koro enye mikenyeneke eyen-eren? Kam nɔ nnyin udeme ke otu nditɔ-ete ete nnyin.