NUMBERS 27:19 - Edisana ñwed Abasi Ibom

¹⁹ nyuŋ nim enye ke iso Eleazar oku, ye ke iso ofuri esop; nyuŋ nɔ enye item ke iso mmɔ.

NUMBERS 27:19 Referans Kwoze

DEUTERONOMY 3:28

Nyuŋ teme Joshua, nyuŋ sɔŋ enye esit, nyuŋ sɔŋ enye idem: koro edi enye edibe mbon emi iso, onyuŋ edi enye edida isɔŋ emi afo edikutde edeme ɔnɔ mmɔ.

1ŊWED TIMOTHY 5:21

Mmowuk fi ke iso Abasi, ye Christ Jesus, ye ndimek angel, nte afo ekpeme ndinam uyo emi; okubem iso obiom owo ke unana ntak, okunyuŋ anam baba ŋkpɔ kiet ke uma.

ŊWED MBON COLOSSAE 4:17

Enyuŋ edɔhɔ Archippus ete, Tim kpeme utom emi afo ɔkɔbɔde ke Ɔbɔŋ, man anam enye ama.

DEUTERONOMY 31:23

Enye onyuŋ eteme Joshua eyen Nun, ete, Sɔŋɔ idem, nyuŋ nyene esit: koro afo edidade nditɔ Israel oduk ke isɔŋ emi ŋkɔŋwɔŋɔde nnɔ mmɔ: ami nyenyuŋ ndu ye afo.

NUMBERS 27:20

Nyuŋ da ubak uteŋe fo dori enye ke idem, man ofuri esop nditɔ Israel ekop uyo esie.

DEUTERONOMY 31:3

Edi Jehovah Abasi fo eyebem fi iso ebe, enye eyesobo mme idut emi ke iso fo efep, ndien mbufo eyeda mmɔ enyene: Joshua eyenyuŋ ebem fi iso ebe, kpa nte Jehovah ɔkɔdɔhɔde.