NUMBERS 27:18 - Edisana ñwed Abasi Ibom

¹⁸ Ndien Jehovah ɔdɔhɔ Moses ete, Da Joshua eyen Nun ke idem fo, owo emi spirit odude enye ke esit, nyuŋ da ubɔk fo dori enye ke idem;

NUMBERS 27:18 Referans Kwoze

DEUTERONOMY 34:9

Ndien spirit ɔniɔŋ ɔyɔhɔ Joshua eyen Nun ke idem: koro Moses akadade ubɔk esie odori enye ke idem: ndien nditɔ Israel ekop uyo esie, enyuŋ enam kpa nte Jehovah eketemede Moses.

NUMBERS 27:23

ndien enye ada ubɔk odori enye ke idem onyuŋ ɔnɔ enye item; kpa nte Jehovah eketemede ke ubɔk Moses.

GENESIS 41:38

Ndien Pharaoh ɔdɔhɔ ikɔt esie ete, Nte nnyin iyekut owo eke spirit Abasi odude enye ke esit, nte enye emi?

DEUTERONOMY 31:23

Enye onyuŋ eteme Joshua eyen Nun, ete, Sɔŋɔ idem, nyuŋ nyene esit: koro afo edidade nditɔ Israel oduk ke isɔŋ emi ŋkɔŋwɔŋɔde nnɔ mmɔ: ami nyenyuŋ ndu ye afo.

UTOM MME APOSTLE 19:6

Ndien ke Paul ama okodori mmɔ ubɔk, Edisana Spirit edi edidoro mmɔ ke idem; mmɔ enyuŋ esem nsio-nsio usem, enyuŋ etiŋ prophecy.

JUDGES 3:10

Ndien spirit Jehovah edidoro enye ke idem, ndien enye ekpe ikpe Israel, onyuŋ ɔwɔrɔ aka ekɔŋ, ndien Jehovah emen Cushan-rishathiam edidem Mesopotamia esin enye ke ubɔk: ubɔk esie onyuŋ ɔsɔŋɔ akan Cushan-rishathaim.

DEUTERONOMY 3:28

Nyuŋ teme Joshua, nyuŋ sɔŋ enye esit, nyuŋ sɔŋ enye idem: koro edi enye edibe mbon emi iso, onyuŋ edi enye edida isɔŋ emi afo edikutde edeme ɔnɔ mmɔ.

JOHN 3:34

Koro Enye emi Abasi okosiode ɔdɔŋ etiŋ ikɔ Abasi: koro Abasi idomoke domo Spirit inɔ Enye.

DANIEL 5:14

Mmokop ebaŋa fi ŋko, ete ke spirit Abasi odu fi ke idem, ete ke enyuŋ ekut ete ke ɔniɔŋ, ye eti ibuot, ye eti ifiɔk edu fi ke idem.

JUDGES 11:29

Ekem spirit Jehovah edidoro Jephthah ke idem, ndien enye asaŋa ke Gilead, ye Manasseh ebe, onyuŋ oto aka Mizpeh Gilead, ndien oto ke Mizpeh Gilead ebe aka okosim nditɔ Ammon.

MME HEBREW 6:2

ye eribuɔt idem ye Abasi, ye ukpep-ŋkpɔ mbaŋa uyere-mmɔŋ, ye eridori ubɔk ye eriset mme akpa-mkpa, ye nsinsi ikpe.

1ŊWED TIMOTHY 5:22

Kusɔp udori owo ubɔk umen usin ke itie; kunyuŋ unyene udeme ke idiɔk-ŋkpɔ owo eŋwen. Nim idem edisana-edisana.

1ŊWED TIMOTHY 4:14

Kuyak enɔ eke esinde fi ke idem uduɔk, emi ekadade prophecy ye udori-ubɔk presbytery enɔ fi.

UTOM MME APOSTLE 13:3

Ekem ke mmɔ ema eketre udia enyuŋ ebɔŋ akam, enyuŋ edori mmɔ ubɔk, eyak mmɔ eka.

UTOM MME APOSTLE 6:6

enyuŋ enim mmɔ ke iso mme apostle: ndien ke mmɔ oro ema ekebɔŋ akam, edori mmɔ ubɔk.

UTOM MME APOSTLE 6:3

Edi, nditɔ-ete, emek owo itiaba, emi enyenede eti enyiŋ, enyuŋ eyɔhɔde ye Edisana Spirit ye ifiɔk, esio ke otu idem mbufo, man nnyin inim mmɔ ndise mbaŋa utom emi.

1 SAMUEL 16:18

enyuŋ eda enye esɔk mi. Ndien akaparawa esie kiet ɔbɔrɔ ete, Sese, mma ŋkut eyen Jesse Bethlehemite kiet, emi ɔfiɔkde ndibre, enye onyuŋ edi owo uko, ye owo ekɔŋ, onyuŋ edi asian ke ŋkpɔ, ye owo uyai, Jehovah onyuŋ odu ye enye.

NUMBERS 13:16

Mme mmɔ emi edi enyiŋ mbon oro Moses ɔkɔdɔŋde ekeyep isɔŋ oro. Ndien Moses osio Hoshea eyen Nun enyiŋ Joshua.

NUMBERS 13:8

Eke esien Ekpraim, Hoshea eyen Nun.

NUMBERS 11:17

Ndien nyesuhɔre ndidɔhɔ ye afo do: nyenyuŋ nda ubak spirit emi esinede fi ke idem, nsin mmɔ ke idem; ndien mmɔ eyetiene fi ebiom mbiomo mbio emi, man afo okubiom ke idem fo ikpɔŋ:

EXODUS 17:9

Ndien Moses ɔdɔhɔ Joshua ete, Mek owo nɔ nnyin, ndien wɔrɔ kaŋwana ekɔŋ ye Amalek; mkpɔŋ ami nyeda ke ibuot obot oro, ye esaŋ Abasi ke ubɔk mi.

DEUTERONOMY 1:37

Jehovah onyuŋ ayat esit ye ami ŋko abaŋa mbufo, ete Afo ŋko ududukke do:

DEUTERONOMY 31:3

Edi Jehovah Abasi fo eyebem fi iso ebe, enye eyesobo mme idut emi ke iso fo efep, ndien mbufo eyeda mmɔ enyene: Joshua eyenyuŋ ebem fi iso ebe, kpa nte Jehovah ɔkɔdɔhɔde.

DEUTERONOMY 3:21

Ndien nteme Joshua, ke ini oro, nte, Enyin fo ema ekut kpukpru se Jehovah Abasi mbufo akanamde ye mbɔŋ mbiba emi: kpa ntre ke Jehovah edinam ke kpukpru mme idut emi afo edibede aka do.

DEUTERONOMY 31:14

Ndien Jehovah ɔdɔhɔ Moses, ete, Sese usen mkpa fo emekpere: kot Joshua edi, ndien mbufo edi edida ke efe esop, man nteme enye ŋkpɔ. Ndien Moses ye Joshua eka ekeda ke efe esop.

JOSHUA 1:17

Kpa nte nnyin ikekopde uyo Moses ke kpukpru ŋkpɔ, kpa ntre ke idinyuŋ ikop uyo fo ŋko: edi Jehovah Abasi fo akam odu ye afo, kpa nte okodude ye Moses.

1 CHRONICLES 7:27

ye Nun eyen esie, ye Joshua eyen esie.