NUMBERS 25:6 - Edisana ñwed Abasi Ibom

⁶ Ndien, sese, owo Israel kiet ada ŋwan a Midian kiet etiene nditɔ ete esie ke iso Moses, ye ke iso ofuri esop nditɔ Israel, emi etuaŋade eyet ke enyin-usuŋ efe esop.

NUMBERS 25:6 Referans Kwoze

JOEL 2:17

Yak mme oku, mme anam-ŋkpɔ Jehovah, etua eyet ke ufɔt etehe ye itie-uwa; yak mmɔ enyuŋ edɔhɔ ŋko, ete, O Jehovah tua ikɔt fo mbɔm, kunyuŋ uda udeme fo usin ke ŋkpɔ but, man mme idut ekara mmɔ: mmɔ ekpenam didie edɔhɔ ke otu mme idut, ete, Enye Abasi mmɔ?

NUMBERS 22:4

Ndien Moab ɔdɔhɔ ye mbiowo Midian, ete, Ke emi ke udim emi edita kpukpru se ikande nnyin ikuk, kpa nte enaŋ atade mbiet isɔŋ. Balak eyen Zippor onyuŋ edi edidem Moab ke eyo oro.

JUDE 1:13

mmɔ ebiet aya inyaŋ ibom, esioŋo esuene mmɔ nte mmɔŋ osioŋode efot; mmɔ ebiet nyoŋ ntantafiɔŋ, eke enimde ata obubit ekim enɔ mmɔ ke nsinsi.

JEREMIAH 36:23

Edikem ke ini Jehudi ama okokot mbak ita mme inaŋ, enye (Jehoiakim) ada ikwa ewet ŋwed osibe mmɔ efep, ada otop ke ikaŋ oro odude ke eso, tutu ofuri ŋwed ama ata ke ikaŋ emi odude ke eso.

JEREMIAH 8:12

But akpanam mmɔ koro mmɔ enamde ŋkpɔ mbubiam: edi but inamke mmɔ baba ŋko, mmɔ inyuŋ ifiɔkke but iso: mmɔdo mmɔ eyeduɔŋɔ ke otu mmɔ eke ediduɔŋɔde; ke ini eke edade ufen mmɔ eyeduɔŋɔ.

JEREMIAH 3:3

Mmɔdo ekekpande ukwɔ, ukperedem edim mikonyuŋ idige; ndien afo emenyene ɔkpɔ-iso akpara, unyimeke ndikut but.

ISAIAH 22:12

Ndien ke usen oro Ɔbɔŋ Jehovah mme udim okot eyet, ye eseme, ye ibɔ, ye ukune ɔfɔŋ-ikpo.

JUDGES 2:4

Edikem, ke ini angel Jehovah eketiŋde ikɔ emi ɔnɔ kpukpru nditɔ Israel, kpukpru owo emenere uyo mmɔ etua eyet.

NUMBERS 31:2

Sio usiene ye nditɔ Midian nɔ nditɔ Israel: ndien afo eyebono ye oruk fo.

GENESIS 37:28

enyime. Ekem, mme Midianite, mbon mbubine, edibe, ndien mmɔ ekot Joseph esio ke obube oro, eda Joseph, enyam enɔ mme Ishmaelite, ke mbak silver edip: ndien mmɔ eda Joseph edi ke Egypt.

NUMBERS 16:47

Ndien Aaron ada oro, kpa nte Moses ɔkɔdɔhɔde, onyuŋ efehe oduk ke ufɔt mbon esop; ndien, sese, udɔŋɔ ɔmɔtɔŋɔ ke otu mmɔ: ndien enye esin incense, onyuŋ osio isop ɔnɔ mmɔ.

1 NDIDEM 11:18

Ndien mmɔ eto ke Midian eka ke Paran; ndien eda owo ke Paran eke esaŋade ye mmɔ, eka ke Egypt ke ɔtɔ Pharaoh edidem Egypt; ndien enye (Pharaoh) ɔnɔ enye ufɔk, onyuŋ onim udia ɔnɔ enye, onyuŋ ɔnɔ enye iŋwaŋ.

ŊWED MME PSALM 94:16

Anie editiene mi aŋwana ye mme idiɔk owo? Anie edida ye ami aŋwana ye mme anam oburobut?