NUMBERS 25:11 - Edisana ñwed Abasi Ibom

¹¹ eyen Aaron oku, omosuk mi iyaresit ye nditɔ Israel, ke ufup emi enye okofibede ke otu mmɔ ɔnɔ mi, ndien ami ntre ndisobo nditɔ Israel ke ufup mi.

NUMBERS 25:11 Referans Kwoze

ŊWED MME PSALM 78:58

Enyuŋ eyat enye esit ke edikoŋ ebiet mmɔ, enyuŋ esin enye ofibe ufup ke edisɔi mbiet mmɔ.

DEUTERONOMY 32:21

Mmɔ ema eda se midige Abasi esin mi mfibe ufup; ema eda mbukpo ŋkpɔ mmɔ eyat mi esit: ami ŋko nyeda se midige idut nsin mmɔ efibe ufup; nyeda ndisime obio nyat mmɔ esit.

DEUTERONOMY 32:16

Mmɔ eda isen abasi esin enye ofibe ufup, eyat enye esit ke mbubiam ŋkpɔ mmɔ.

2 ŊWED CORINTH 11:2

Koro mmenyene ufup Abasi mbaŋa mbufo; koro ŋkada mbufo nnɔ ebe kiet, man ŋkpemen mbufo nte edisana eyen-aŋwan nnɔ Christ.

1 ŊWED CORINTH 10:22

Mme, nte nnyin inanam Ɔbɔŋ ofibe ufup? Nte imenyene odudu ikan Enye?

ZEPHANIAH 3:8

Jehovah ɔdɔhɔ, ete, Mbufo ebet mi ndien, tutu osim ke usen eke ndidahade ke enyɔŋ nda mbume. Koro mmaduak ndisop mme idut, nnyuŋ mbon mme obio ndidem, man ŋŋwaŋa mmɔ ifuresit mi ke idem, ofuri ikaŋ iyaresit mi: koro ofuri ererimbot eyeta ikaŋ ufup mi.

ZEPHANIAH 1:18

Ndien silver mmɔ ye gold mmɔ idikemeke ndinyaŋa mmɔ baba ke usen ifuresit Jehovah: edi ofuri idut eyeta ikaŋ ufup esie; koro enye eyenam kpukpru mme andiduŋ isɔŋ ama ke iwiwa.

1 NDIDEM 14:22

Judah enyuŋ enam idiɔk ke iso Jehovah enyuŋ esin enye ofibe ufup akan kpukpru se mme ete mmɔ ekenamde, ke idiɔk ido mmɔ eke mmɔ ekenamde.

EXODUS 20:5

kunuhɔ unɔ mmɔ, kunyuŋ unam ŋkpɔ mmɔ: koro ami Jehovah Abasi fo ndi Abasi ufup, nda ukwaŋkpɔ mme ete ndori nditɔ ke idem, ndori ɔyɔhɔ emana mmɔ eke esuade mi ita ye inaŋ;

JOHN 3:36

Owo eke ɔbuɔtde idem ye Eyen enyene nsinsi uwem; edi owo eke mibuɔtke idem ye Eyen idikwe uwem, edi iyaresit Abasi osuk ɔkɔbɔ enye.

NAHUM 1:2

Jehovah edi Abasi ufup ye usiene: Jehovah osio usiene onyuŋ ɔyɔhɔ ifuresit. Jehovah osio usiene ye mme asua esie, onyuŋ ɔkɔhɔrɔ mbon utɔk esie.

EZEKIEL 16:38

Ndien nyekpe ikpe ye afo, kpa nte ekpede ikpe ye iban eke esinde efibe enyuŋ eduɔkde iyip; nnyuŋ nnɔ fi iyip ifuresit ye ufup.

ŊWED MME PSALM 106:30

Ndien Phinehas adaha ke enyɔŋ ekpe-ikpe: ntre ke ufen odop.

ŊWED MME PSALM 106:23

Ndien enye ɔdɔhɔ, ete ke imɔ ikposobo mmɔ, ke mikpedige Moses edimek owo esie akada enye ke iso ke ɔtɔ ŋwure, onyuŋ akabare iyaresit esie efep, mbak edisobo mmɔ.

2 SAMUEL 21:14

Ndien mmɔ eda mme ɔkpɔ Saul ye mme ɔkpɔ Jonathan eyen esie, ebuk ke isɔŋ Benjamin ke Zelah, ke udi Kish ete esie: ntre ke mmɔ enam kpukpru se edidem okowukde. Ndien ke ini oro ebede, Abasi okop mkpeubɔk emi ekpede enɔ idut oro.

JOSHUA 24:19

Ndien Joshua ɔdɔhɔ kpukpru owo, ete, Mbufo ikwe nte enamde ŋkpɔ enɔ Jehovah: koro enye edide edisana Abasi; enye edi Abasi ufup; enye idifenke mme ukwaŋ-ŋkpɔ mbufo ye mme idiɔk ido mbufo.

DEUTERONOMY 29:20

Jehovah idinyimeke ndidahado nnɔ enye: koro iyaresit Jehovah ye ufup esie eyebubere nsuŋikaŋ enam owo oro, ndien kpukpru mme idiɔk-ŋkpɔ emi ewetde ke ŋwed emi eyebiomo enye ke idem, Jehovah eyenyuŋ ɔsɔhi enyiŋ esie efep ke idak enyɔŋ.

DEUTERONOMY 4:24

Koro Jehovah Abasi fo edide edisak ikaŋ ye Abasi ufup.

EXODUS 34:14

kunyuŋ utuak ibuot unɔ abasi efen baba kiet: koro Jehovah, emi enyiŋ esie ekerede Ufup, edi Abasi ufup:

EXODUS 22:5

Edieke owo esinde ete eta iŋwaŋ mme iŋwaŋ vine, onyuŋ ebin ufene esie esin, aka akata ke iŋwaŋ owo efen; yak enye ada ŋkpɔ eke edide ata eti ke iŋwaŋ esie, ye ke iŋwaŋ vine esie ɔnɔ ke usiene.

NUMBERS 25:10

Ndien Jehovah ɔdɔhɔ Moses ete, Phinehas eyen Eleazar,

JOSHUA 22:13

Ndien nditɔ Israel edɔŋ Phinehas, eyen Eleazar oku utom ke ɔtɔ nditɔ Reuben, ye eke nditɔ Gad, ye eke ubak esien Manasseh,

ŊWED MME PSALM 106:31

Ndien ebat oro ke eti ido enɔ enye, ke ofuri emana ke nsinsi.