8 Ami ndisuŋi didie se Abasi misuŋike?
Koro idiɔŋ miduhe ke Jacob, mfa inyuŋ iduhe ke Israel; ke ekem ini mmɔ emen se Abasi anamde, etiŋ ɔnɔ Jacob ye Israel.
Enye abiat mme idiɔŋɔ mbon nsu, onyuŋ anam mbia-idiɔŋ edama idat; anam mme ɔfiɔk ŋkpɔ owo efiak edem, onyuŋ onim ifiɔk mmɔ ke ndisime:
Nte enye ɔŋwɔŋɔ, ndien etre ndinam osu? Sese, ewuk mi ete ndɔdiɔŋ: enye omonyuŋ ɔdiɔŋ; ndien ami ŋkwe nte ŋkabarede enye.
Ndien Abasi ɔdɔhɔ Balaam, ete, Kuka ye mmɔ; kusuŋi mmɔ oro: koro ɔfɔfɔn ɔnɔ mmɔ.
Mbɔk, ndien, di suŋi mbon emi nɔ mi: koro mmɔ esɔŋde ekan mi: mme nyekeme ndikan mmɔ, nnyuŋ mbin mmɔ ke edem emi mfep: koro mmɔfiɔk nte ɔfɔfɔn ɔnɔ owo eke afo ɔdiɔŋde, onyuŋ ɔdɔdiɔk ɔnɔ owo eke afo osuŋide.
Ndien enye (Balaam) emen uyo esie, onyuŋ ɔdɔhɔ ete, Balak edidem Moab ada mi ke Aram, ke ikpɔ obot edem usiaha-utin, edi ete, “Di disuŋi Jacob nɔ mi, nyuŋ di ditɔk Israel.”
Nte ntarusuŋ oyode, ye nte akaraŋ Abasi efede, kpa ntre isuŋi eke minyeneke ntak isuhɔ.
