NUMBERS 23:7 - Edisana ñwed Abasi Ibom

⁷ Ndien enye (Balaam) emen uyo esie, onyuŋ ɔdɔhɔ ete, Balak edidem Moab ada mi ke Aram, ke ikpɔ obot edem usiaha-utin, edi ete, “Di disuŋi Jacob nɔ mi, nyuŋ di ditɔk Israel.”

NUMBERS 23:7 Referans Kwoze

DEUTERONOMY 23:4

koro mmɔ mikedaha uyo ye mmɔŋ isobo ye mbufo ke usuŋ, ke ini mbufo etode ke Egypt ewɔŋɔ; koro mmɔ ekenyuŋ edade okuk enɔ Balaam eyen Beor emi otode ke Pethor ke Mesopotamia, ebaŋa fi, ete enye edisuŋi fi.

NUMBERS 24:3

Ndien enye emen uyo esie, onyuŋ ɔdɔhɔ ete, Uyo Balaam eyen Beor, uyo owo emi enyin esie etarade:

NUMBERS 23:18

Ndien enye emen uyo esie, onyuŋ ɔdɔhɔ ete, Daha ke enyɔŋ, Balak, kop; kpaŋ utɔŋ ke ikɔ mi, O eyen Zippor:

MICAH 2:4

Ke usen oro owo eyetop ŋke abaŋa mbufo, onyuŋ eseme ata eseme mbɔm, ɔdɔhɔ ete, Nnyin imabiara kpukpru: enye ɔkpuhɔre udeme ikɔt nnyin: enye anam didie adaha ɔkpɔŋ mi? onyuŋ edeme iŋwaŋ nnyin ɔnɔ owo nsɔŋ ibuot.

ŊWED MME PSALM 78:2

Nyeda parable ntat inua mi; nyetop ŋke eke etode ke eset:

ŊWED JOB 29:1

JOB onyuŋ amana etiŋ ikɔ esie, ete, Ŋkpakam ntie nte ke mme ɔfiɔŋ oko,

NUMBERS 24:23

Ndien enye emen uyo esie, ete, Ho! anie edidu uwem ke ini Abasi edinamde ntem?

NUMBERS 24:15

Ndien enye emen uyo esie, onyuŋ ɔdɔhɔ ete, Uyo Balaam eyen Beor, ye uyo owo emi enyin esie etarade:

MARK 12:12

Ndien mmɔ eyom ndimum Enye, edi mmɔ efehe otu owo; koro mmɔ efiɔkde ete, Enye ama otop ŋke emi adian mme imɔ. Mmɔ enyuŋ ekpɔŋ Enye enyɔŋɔ.

MATTHEW 13:33

Enye otop ŋke efen ɔnɔ mmɔ ete, Obio Ubɔŋ Heaven ebiet leaven, eke ŋwan emende esin ke udomo ndom-uyo ita, tutu leaven asuana ɔyɔhɔ ofuri ndom-uyo.

MME ŊKE 26:2

Nte ntarusuŋ oyode, ye nte akaraŋ Abasi efede, kpa ntre isuŋi eke minyeneke ntak isuhɔ.

ŊWED JOB 27:1

NDIEN Job ɔtɔŋɔ ntak emen mbuk esie, onyuŋ ɔdɔhɔ ete, Ma uwem Abasi emi emende ikpe mi efep;

2 SAMUEL 23:9

Ndien Eleazar, eyen Dodai eyen Ahohi adiana enye, enye okodu ke otu mbon-uko ita ye David, ke ini mmɔ esahide mme Philistine oro ebonode ke itie-ekɔŋ, ndien nditɔ Israel edɔk edi:

MATTHEW 13:35

man osu nte prophet ekewetde, ete, Nyetat inua Mi ntiŋ ikɔ ke ŋke, Nyetiŋ ŋkpɔ eke ekodibede toto ke eritɔŋɔ ererimbot.

HABAKKUK 2:6

Nte mme mmɔ emi kpukpru idimenke ikwɔ ibaŋa enye, imen ŋke nsahi ituk enye, inyuŋ idɔhɔ, ite, Osuk ɔdiɔk ɔnɔ owo eke ɔkɔde ediwak ŋkpɔ eke minyeneke enye: adaŋa didie? onyuŋ adade mbiomo ŋkpɔ ubɔŋ odori idem esie.

EZEKIEL 20:49

Ndien ami ndɔhɔ nte, Ah, Ɔbɔŋ Jehovah, mmɔ edɔhɔ mi ete, Nte enye itopke ŋke?

EZEKIEL 17:2

Eyen owo, top ŋke, nyuŋ tiŋ parable nɔ ufɔk Israel; nyuŋ dɔhɔ ete,

2 SAMUEL 21:21

Ndien adaŋemi enye esinde Israel ke ndek, Jonathan eyen Shimei eyen-eka David owot enye.

1 SAMUEL 17:45

Ndien David ɔdɔhɔ Philistine, ete, Afo ada ofut, ye eduat, ye onyim etiene mi: edi ami nda enyiŋ Jehovah mme udim, Abasi mbon-ekɔŋ; Israel, emi afo esinde ke ndek, ntiene fi.

1 SAMUEL 17:36

Owo fo okowot lion ye bear; ndien edut Philistine emi eyebiet mmɔ kiet, koro enye emesin mbon-ekɔŋ Abasi uwem ke ndek.

1 SAMUEL 17:10

Ndien Philistine oro ɔdɔhɔ ete, Ami nsin mbon-ekɔŋ mme Israel ke ndek mfin emi: mbufo enɔ mi owo man nnyin iwana ye enye.

NUMBERS 24:21

Ndien enye ese mme Kenite, onyuŋ emen uyo esie, ɔdɔhɔ ete, Iduŋ fo ɔsɔsɔŋ, afo omonyuŋ odori efɔk fo ke akamba itiat;

NUMBERS 22:17

koro nyefori fi eti-eti, nnyuŋ nnam kpukpru se afo edidɔhɔde mi: mbɔk di, ndien, di suŋi mbio emi nɔ mi.

NUMBERS 22:11

ɔmɔdɔŋ edidɔhɔ mi ete, Sese, mbio emeto ke Egypt edi, emi efukde iso isɔŋ: mbɔk, di ndien, di suŋi mmɔ nɔ mi; mme nyekeme ndikan mmɔ, nnyuŋ mbin mmɔ mfep.

GENESIS 28:7

nditɔ-iban Canaan; nte Jacob okonyuŋ okopde uyo ete esie ye eka esie, onyuŋ akade ke Paddan-

GENESIS 28:2

Daha ka ke Paddan-aram, ke ufɔk Bethuel ete uka; nyuŋ da ŋwan ke idem fo do ke otu nditɔ-iban

GENESIS 10:22

Nditɔ-iren Shem; Elam, ye Asshur, ye Arpachshad, ye Lud, ye Aram.

NUMBERS 23:6

Ndien enye afiak etiene enye, ndien, sese, enye ke adada ke ɔtɔ uwa esie, enye, ye kpukpru mbɔŋ Moab.

ŊWED MME PSALM 49:5

Ŋkpedikhe didie ke idiɔk usen, ke ini idiɔk ido mmɔ eke edibede ebet mi, edikande mi okuk?