NUMBERS 23:19 - Edisana ñwed Abasi Ibom

¹⁹ Abasi idige owo eke enye okposude nsu, inyuŋ idige eyen owo eke enye ɔkpɔkpuhɔre. Nte enye ɔdɔhɔ, ndien etre ndinam?

NUMBERS 23:19 Referans Kwoze

1 SAMUEL 15:29

Ndien ŋko Odudu Israel idisuhe nsu, idinyuŋ ikabakere esit: koro enye midige owo eke akabarede esit.

JAMES 1:17

Kpukpru eti erinɔ ye kpukpru enɔ eke efɔnde ema eto ke enyɔŋ, eto ke ubɔk Ete mme uŋwana esuhɔre edi; emi mikemeke ndikpuhɔre, ukpuhɔre itie minyuŋ ikemeke ndimen Enye nsin ke mfut.

MALACHI 3:6

Koro ami ndide Jehovah, ŋkpuhɔkede; ndien isoboke mbufo nditɔ Jacob ima.

MME HEBREW 6:18

man okpoto ke ŋkpɔ iba emi mikemeke ndikpuhɔre, emi Abasi mikemeke ndisu nsu ke esit, nnyin ikpenyene akwa nsɔŋ-esit, kpa nnyin emi ima ifehe iyom ubɔhɔ ke erimum idori-enyin emi enimde nnyin ke iso:

TITUS 1:2

Eke Abasi, emi mikemeke ndisu nsu, ekebemde nsinsi ini iso ɔŋwɔŋɔ;

ŊWED MBON ROME 11:29

Koro Abasi mituaha mkpɔfiɔk ibaŋa enɔ ye ikot Esie.

LUKE 21:33

Enyɔŋ ye isɔŋ eyebe efep: edi ikɔ Mi idibehe ifep.

HABAKKUK 2:3

Koro ŋkukut anade kaŋa ɔnɔ ini emi enimde; ndien enye eyesioro uyo ke utit, idinyuŋ isuhɔ nsu: enye ama ebigi, bet enye; koro enye miditreke ndidi, midinyuŋ ibehe ini.

ŊWED MME PSALM 89:35

Ŋkɔŋwɔŋɔ ŋkpɔ kiet ke edisana ido mi, ndisuhe nsu nnɔ David.

HOSEA 11:9

Ndinamke ke ifiopesit mi, nditɔŋɔke ntak mbiat Ephraim: koro ami ndide Abasi, ndige owo; ndi Edisana (Abasi) ke otu mbufo: ndien ndidukke ke obio.

MICAH 7:20

Afo eyenɔ Jacob akpanikɔ, ɔnɔ Abraham ufɔn oro afo ɔkɔŋwɔŋɔde ɔnɔ mme ete nnyin ke eyo oko.

1 CHRONICLES 17:17

Ndien, O Abasi, afo ese emi ke ekpri ŋkpɔ; afo onyuŋ etiŋ abaŋa ufɔk owo fo tutu osim anyan ini onyuŋ ese mi nte udim owo eke esaŋade edɔk, O Jehovah Abasi.

ŊWED MBON ROME 9:6

Edi idige nte ŋkpɔ eke ikɔ Abasi amakabare edi ikpikpu. Koro idige kpukpru mmɔ emi etode ke ubon Israel edi Israel;

2 ŊWED TIMOTHY 2:13

Edieke nnyin minamke akpanikɔ, Enye osuk edi anam-akpanikɔ; Koro Enye mikemeke ndikpuhɔre ŋkpɔŋ uduot Esie.

MME HEBREW 7:21

(koro ikadaha uŋwɔŋɔ inam nditɔ Levi edi oku; edi Abasi, emi ɔkɔdɔhɔde abaŋa Enye ete, Jehovah omotomo Idem Esie, idinyuŋ ituaha mkpɔfiɔk ete, Afo edi oku ke nsinsi,

JAMES 4:5

Mme ese ete Ŋwed Abasi ababiaŋa ke ini enye ɔdɔhɔde ete, Spirit emi Enye esinde nnyin ke idem ofibe ufup oyom nnyin?

GENESIS 28:15

Ndien, sese, ami ndu ye afo, nyenyuŋ ŋkpeme fi ke kpukpru ebiet eke afo edikade, nnyuŋ nda fi nnyɔŋ ke isɔŋ emi; koro mmendikpɔŋke fi, tutu nnam se ntiŋde nnɔ fi.

NUMBERS 14:35

Ami Jehovah mma ndɔhɔ nte, Nditreke ndinam emi ye ofuri idiɔk esop emi esopde enam ikɔ ye ami; kpa ke wilderness emi ke mmɔ edisobo, edinyuŋ ekpaŋa do.

NUMBERS 23:18

Ndien enye emen uyo esie, onyuŋ ɔdɔhɔ ete, Daha ke enyɔŋ, Balak, kop; kpaŋ utɔŋ ke ikɔ mi, O eyen Zippor:

ŊWED MME PSALM 89:34

Ndibiatke ediomi mi, ndinyuŋ ŋkpuhɔke se iwɔrɔde mi ke inua.

ŊWED MME PSALM 110:4

Jehovah ɔmɔŋwɔŋɔ, idinyuŋ ituaha mkpɔfiɔk, Afo edi nsinsi oku, nte utɔ Melchizedek asaŋade.

ISAIAH 21:17

Ndien ibat mme utiga emi esuhɔde, kpa eke mbon uko ke otu nditɔ Kedar, eyekabare edi esisit: koro uyo Jehovah Abasi Israel ɔdɔhɔde.

ISAIAH 31:2

Edi enye ŋko ɔfiɔk ŋkpɔ, onyuŋ ada idiɔk-ŋkpɔ edi, enye ikabakede uyo esie; edi adaha ke enyɔŋ ɔtɔhɔ ye ufɔk mme oburobut owo, ye mmɔ emi eŋwamde mme anam-idiɔk.

ISAIAH 40:8

Mbiet amasat, ediye ikɔŋ onyuŋ akpa: edi ikɔ Abasi nnyin eyeda ke nsinsi.

ISAIAH 46:11

Ŋkot ntrukpom, nte oto ke edem usiaha-utin edi; ŋkot owo uduak esie, nte oto ke anyan idut edi: ŋkɔm mma ndɔhɔ, nyenyuŋ nnam enye edi ŋko; mma mbot, nyenyuŋ nnam enye.

ISAIAH 55:11

kpa ntre ke ikɔ mi emi ɔwɔrɔde mi ke inua editie: idifiakke itiene mi ubɔk-ubɔk, tutu enye anam se mmade, onyuŋ okut unen ke utom emi ndɔŋde enye.

JEREMIAH 4:28

Emi eyesin isɔŋ atua, esin ikpa-enyɔŋ ke enyɔŋ ebire: koro mmɔdɔhɔ, mmaduak, ndien ndituaha mkpɔfiɔk, ndinyuŋ ŋkabakede ŋkpɔŋ enye.

DANIEL 4:28

Ofuri ŋkpɔ emi edisim Nebuchadnezzar edidem.

GENESIS 26:3

Daŋ ke idut emi, ndien nyedu ye afo, nyenyuŋ ndiɔŋ fi: nnyuŋ nda mme idut emi kpukpru nnɔ fi ye ubon fo; nyenyuŋ nnam ke uŋwɔŋɔ emi ŋkɔŋwɔŋɔde nnɔ Abraham usɔ;

JOSHUA 21:45

Baba ikɔ kiet ke kpukpru nti ikɔ oro Jehovah ɔkɔdɔhɔde ye ufɔk Israel ikpuho; kpukpru esu.

1 SAMUEL 3:12

Ke usen oro nyenam Eli kpukpru se ŋkɔdɔhɔde mbaŋa ufɔk esie: mma ntɔŋɔ, nyenam mma.

1 NDIDEM 14:11

Mme ebua eyeta owo Jeroboam eke akpade ke obio, mme inuen enyɔŋ eyenyuŋ eta owo eke akpade ke iŋwaŋ: koro edi Jehovah ɔdɔhɔ.

2 NDIDEM 7:2

Ndien adidaha owo oro edidem eberede enye ke ubɔk, ɔbɔrɔ owo Abasi, ete, Sese, Jehovah ɔmɔŋ anam window ke ikpa-enyɔŋ! nte ŋkpɔ emi eyesu? Ndien enye ɔdɔhɔ ete, Sese, afo eyekut ke enyin fo, edi ududiaha ke esit.

2 NDIDEM 15:12

Emi edi uyo Jehovah oro enye ɔkɔdɔhɔde Jehu, ete, Ubon fo eke emana inaŋ eyetie ke ebekpo Israel. Ntre ke onyuŋ osu.

ŊWED MME PSALM 77:9

Nte uyo esie emetre ke ofuri emana? Nte Abasi emefre ufɔn? Nte enye ada iyaresit okubi mbɔm esie? [Selah.]

ŊWED MME PSALM 132:11

Jehovah ɔmɔŋwɔŋɔ ɔnɔ David ke akpanikɔ; enye idiwɔŋɔkede ikpɔŋ enye; “Nyeda mfri idem fo ndori ke ebekpo fo.