NUMBERS 22:5 - Edisana ñwed Abasi Ibom

⁵ Ndien enye ɔdɔŋ mme isuŋtom ke ɔtɔ Balaam eyen Beor ke Pethor, emi odude ke mben akpa, ke isɔŋ nditɔ obio mmɔ, ete, ekot enye edi, ete, Sese mbio emeto ke Egypt edi: sese, mmɔ efuk iso isɔŋ, mmɔ enyuŋ etie esak iso ese mi.

NUMBERS 22:5 Referans Kwoze

DEUTERONOMY 23:4

koro mmɔ mikedaha uyo ye mmɔŋ isobo ye mbufo ke usuŋ, ke ini mbufo etode ke Egypt ewɔŋɔ; koro mmɔ ekenyuŋ edade okuk enɔ Balaam eyen Beor emi otode ke Pethor ke Mesopotamia, ebaŋa fi, ete enye edisuŋi fi.

MICAH 6:5

O ikɔt mi, mbɔk, mbufo eti se Balak edidem Moab okodiomide, ye se Balaam eyen Beor ɔkɔbɔrɔde enye, ɔtɔŋɔde ke Shittim tutu osim ke Gilgal: man mbufo efiɔk edinen ido Jehovah.

JOSHUA 24:9

Ekem Balak eyen Zippor, ɔbɔŋ Moab, adaha ada ediŋwana ye Israel, enye onyuŋ ɔdɔŋ ekekot Balaam eyen Beor,

JUDE 1:11

Idifɔnke fɔn inɔ mmɔ! koro mmɔ ekasaŋade ke afaŋ Cain, enyuŋ eduɔkde idem ke nduyo Balaam ke ntak udori, enyuŋ etak ke nsɔŋ-ibuot Korah.

ERIYARARE 2:14

Edi mmenyene ndusuk ŋkpɔ eke ndade mbiom fi, ete, emenyene ndusuk owo do eke emumde ukpep-ŋkpɔ Balaam ekama, emi ekekpepde Balak ndinim ŋkpɔ-iduɔ ke iso nditɔ Israel, ete edia se ekewade enɔ ndem, enyuŋ enam use:

JOSHUA 13:22

Nditɔ Israel enyuŋ ewot Balaam eyen Beor abia-idiɔŋ ke ofut ke otu mmɔ eke ekpaŋade afai.

NUMBERS 23:7

Ndien enye (Balaam) emen uyo esie, onyuŋ ɔdɔhɔ ete, Balak edidem Moab ada mi ke Aram, ke ikpɔ obot edem usiaha-utin, edi ete, “Di disuŋi Jacob nɔ mi, nyuŋ di ditɔk Israel.”

ŊWED MME PSALM 105:24

Ndien enye anam ikɔt esiemɔ etɔt eti-eti; onyuŋ anam mmɔ esɔŋɔ ekan mme asua mmɔ.

GENESIS 13:16

Nyenyuŋ nsin ubon fo edi nte ntan isɔŋ: koro ini owo ekeme ndibat ntan isɔŋ, ndien ekeme ndibat ubon fo nde.

EXODUS 10:15

Ndien mmɔ efuk ofuri iso isɔŋ, isɔŋ onyuŋ okim; mmɔ enyuŋ eta kpukpru mbiet iŋwaŋ, ye kpukpru mfri eto eke edim-itiat ɔkɔsuhɔde; ndien mmɔ isuhɔke baba se idide awawa ke eto, ye ke mbiet inwaŋ, ke ofuri isɔŋ Egypt.

NUMBERS 31:8

Mmɔ enyuŋ ewot mbɔŋ Midian, ekɔrɔ ye mmɔ (efen) emi mmɔ ekewotde; Evi, ye Rekem, ye Zur, ye Hur, ye Reba, mbɔŋ Midian ition: mmɔ enyuŋ ewot Balaam eyen Beor ke ofut.

DEUTERONOMY 23:5

Edi Jehovah Abasi fo ikonyimeke ndikop nnɔ Balaam; edi Jehovah Abasi fo ama ɔkpuhɔre isuŋi esin ke eridiɔŋ ɔnɔ fi: koro Jehovah Abasi fo amade fi.