NUMBERS 21:25 - Edisana ñwed Abasi Ibom

²⁵ Israel onyuŋ ada kpukpru obio emi, Israel onyuŋ oduŋ ke kpukpru obio mme Amorite, ke Heshbon, ye ke kpukpru obio iŋwaŋ mmɔ.

NUMBERS 21:25 Referans Kwoze

AMOS 2:10

Ami ŋkonyuŋ nda mbufo ke isɔŋ Egypt ndɔk, nnyuŋ nda mbufo ke usuŋ wilderness ke isua aba, man eda isɔŋ mme Amorite enyene.

EZEKIEL 16:53

Ndien ami nyeyak mbon ntaŋ-mfep mmɔ efiak, kpa mbon ntaŋ-mfep Sodom ye nditɔ-iban esie, ye mbon ntaŋ-mfep Samaria, ye nditɔ-iban esie, ye ntaŋ-mfep ke otu mbon ntaŋ-mfep fo ke otu mmɔ ŋko:

EZEKIEL 16:49

Sese, emi ekedi idiɔk ido Sodom eyen-uka, iseri, ke uyuhɔ udia, ye ata ifure ekenyene enye ye nditɔ-iban esie, ndien enye isɔŋke eyen ukut ye ubuene ubɔk.

EZEKIEL 16:46

Ndien akamba eyen-uka edi Samaria, ye nditɔ-iban esie emi eduŋde fi ke ubɔk ufien: ndien eyen-uka emi ekpride akan fi, onyuŋ oduŋde fi ke ubɔk nnasia, edi Sodom ye nditɔ-iban esie.

JEREMIAH 48:45

Mbon itɔk eda ke mfut Heshbon enana odudu: koro ikaŋ otode ke Heshbon, edemikaŋ onyuŋ oto ke ufɔt Sihon, ndien enye eyeta inuk Moab, ata nditɔ ndutime etiŋe-ibuot.

JEREMIAH 48:34

Mmɔ esioro uyo ɔtɔŋɔde ke eseme Heshbon tutu osim ke Elealeh, ye ke Jahaz: ɔtɔŋɔde ke Zoar tutu osim ke Horonaim, Eglath-shelishiyah: koro mmɔŋ Nimrim ŋko eyekabare asat.

JEREMIAH 48:2

Itoro Moab iduhe aba: mmɔ eduak idiɔk-ŋkpɔ ebaŋa enye ke Heshbon; ete, mbufo edi nnyin isibe enye ifep, man okudi aba idut. Eyenyuŋ ebiat fi, O Madmen; ofut eyebine fi ke edem.

ISAIAH 15:4

Heshbon onyuŋ eseme, ye Elealeh: ekop uyo mmɔ tutu esim ke Jahaz: oro esin mbon-ekɔŋ Moab efioride; ukpɔŋ oyomo mmɔ ke idem mmɔ.

IKWƆ SOLOMON 7:4

enyin fo edi mkpɔdiɔhɔ-mmɔŋ ke Heshbon, ke inua otop Bath-rabbim: ibuo fo ebiet tower Lebanon emi asakde iso ese Damascus.

DEUTERONOMY 2:12

Ndien mme Horite ekeduŋ ke Seir akpa; edi nditɔ Esau ebɔ mmɔ itie, enyuŋ esuan mmɔ ke iso mmɔ efep, ndien eduŋ ke itie mmɔ: kpa nte Israel enamde ye isɔŋ udeme mmɔ emi Jehovah ɔnɔde mmɔ.

NUMBERS 21:31

Ntem ke Israel etie ke isɔŋ mme Amorite.

NUMBERS 21:26

Koro Heshbon ekedide obio Sihon ɔbɔŋ mme Amorite, enye okonyuŋ aŋwana ekɔŋ ye akpa edidem Moab, onyuŋ ɔbɔ enye ofuri isɔŋ esie ke ubɔk, tutu osim ke Arnon.

JUDGES 11:26

Emi Israel eduŋde ke Heshbon ye ke mme obio iŋwaŋ esie, ye ke Aroer ye ke kpukpru mme obio emi edude edem Armon, ke ofuri isua ikie ita, nsinam mbufo ndien mikebɔhɔ mmɔ ke ofuri ini oro?

NUMBERS 32:3

ye Jazer, ye Nimrah, ye Heshbon, ye Elealeh, ye Sebam, ye Nebo, ye Beon,

JOSHUA 24:8

Ndien nda mbufo nduk ke isɔŋ mme Amorite, emi eduŋde ke edem Jordan oko; ndien mmɔ eŋwana ekɔŋ ye mbufo: ndien mmen mmɔ nsin mbufo ke ubɔk, mbufo enyuŋ eda isɔŋ mmɔ enyene; ami nnyuŋ nsobo mmɔ ke iso mbufo mfep.