NUMBERS 21:16 - Edisana ñwed Abasi Ibom

¹⁶ Ndien mmɔ edaŋa do eka Beer: oro edi obube mmɔŋ emi Jehovah ɔkɔdɔhɔde Moses abaŋa, ete, Nam kpukpru owo esop ke ɔtɔ kiet, ndien nyenɔ mmɔ mmɔŋ.

NUMBERS 21:16 Referans Kwoze

NUMBERS 20:8

nyuŋ bon mbon esop, afo, ye Aaron eyen-uka, ndien mbufo edɔhɔ itiat emi ke iso mmɔ; ndien enye eyewɔrɔ mmɔŋ esie, afo eyenyuŋ anam mmɔŋ ɔwɔrɔ ke itiat oro ɔnɔ mmɔ. Ntem ke afo edinɔ esop ye ufene mmɔ mmɔŋ eŋwɔŋ.

ISAIAH 12:3

Ndien mbufo eyekot mmɔŋ ke idaresit ke mme obube mmɔŋ erinyaŋa.

ERIYARARE 22:17

Spirit ye ŋwan-ndɔ edɔhɔ ete, Di. Owo eke onyuŋ okopde, yak enye ɔdɔhɔ ete, Di. Owo eke itɔŋ asatde, yak enye edi. Owo eke amade, yak edi edibɔ mmɔŋ uwem ke ikpikpu.

ERIYARARE 22:1

EKEM angel owut mi akpa mmɔŋ uwem, emi asakde nte crystal, emi otode ke ebekpo Abasi ye eke Eyen-erɔŋ, asaŋa ebe ke ufɔt efak obio.

ERIYARARE 21:6

Enye ɔdɔhɔ mi ŋko ete, Kpukpru ŋkpɔ ema esu ema. Ami ndi Alpha ye Omega, ntɔŋɔ ye utit. Owo eke okopde nsat-itɔŋ, Ami nyekoi mmɔŋ ke idim mmɔŋ uwem nnɔ enye ɔŋwɔŋ ke ikpikpu.

ISAIAH 43:20

Unam ikɔt eyetoro mi, mme jackal ye mme ostrich: koro mmɔnɔ mmɔŋ ke wilderness, ye akpa mmɔŋ ke desert, nte ndinɔ; ndimek ikɔt mi se eŋwɔŋde.

JUDGES 9:21

Ndien Jotham efehe, ɔbɔhɔ, aka Beer, onyuŋ oduŋ do abak Abimelech eyen-ete esie.

EXODUS 17:6

Sese ami mmɔŋ mbem fi iso nda do ke akamba itiat oro ke Horeb; ndien afo oyibi itiat oro, ndien mmɔŋ eyewɔrɔ ke esit, man kpukpru owo eŋwɔŋ. Ndien Moses anam ntre ke iso mbiowo Israel.

JOHN 4:14

edi owo ekededi eke ɔŋwɔŋde mmɔŋ emi Ami ndinɔde enye idikopke nsat-itɔŋ aba: edi mmɔŋ oro ndinɔde enye eyekabare edi idim mmɔŋ ke esit esie eke otopde akabare ɔwɔrɔ edi nsinsi uwem.

JOHN 4:10

Jesus ɔbɔrɔ enye ete, Edieke afo ɔkpɔfiɔkde enɔ Abasi, ye owo emi obupde fi ete, Nɔ Mi mmɔŋ ŋŋwɔŋ, afo ekpebeŋe Enye, ndien Enye ɔkpɔnɔ fi odu-uwem mmɔŋ.

ISAIAH 49:10

Biɔŋ ididɔŋke mmɔ, itɔŋ idinyuŋ isatke mmɔ; eyo ye utin idibɔŋke mmɔ: koro anditua mmɔ mbɔm eyeda mmɔ usuŋ, eyeda mmɔ aka ke ɔtɔ eke mmɔŋ otopde ɔwɔrɔ.

GENESIS 21:19

Ndien Abasi atat enye enyin, ndien enye okut obube mmɔŋ: ndien aka ekesin mmɔŋ ke ikpa ɔyɔhɔ, ada ɔnɔ eyenɔwɔŋ.

NUMBERS 33:46

Ndien mmɔ edaŋa ke Dibon-gad, ekena ke Almon diblathaim.

ISAIAH 15:8

Koro eseme mmɔ akanarede adaŋa Moab okuk; ntuaŋa esie omosim ke Eglaim, ntuaŋa esie omonyuŋ osim ke Beer-elim.