NUMBERS 20:2 - Edisana ñwed Abasi Ibom

² Ekem mbon esop ikwe mmɔŋ: ndien mmɔ esop idem enam ikɔ ye Moses ye Aaron.

NUMBERS 20:2 Referans Kwoze

NUMBERS 16:19

Korah onyuŋ obon kpukpru mbon esop, man enam ikɔ ye mmɔ, ke usuŋ efe esop: ndien kpukpru mbon esop ekut ubɔŋ Jehovah.

NUMBERS 16:42

Ndien edikem, ke ini esop ebonode enam ikɔ ye Moses ye Aaron, mmɔ ekabare ese efe esop: ndien, sese, obubit enyɔŋ ofuk enye, mmɔ enyuŋ ekut ubɔŋ Jehovah.

NUMBERS 21:5

Ndien kpukpru owo enam ikɔ ye Abasi ye Moses, ete, Nsinam mbufo edade nnyin ke Egypt ewɔrɔ, ete nnyin idikpaŋa ke wilderness emi? koro uyo ye mmɔŋ miduhe; obukpo uyo emi onyuŋ efek nnyin.

NUMBERS 16:3

Ndien mmɔ esop idem enam ikɔ ye Moses ye Aaron, ekedɔhɔ mmɔ, ete, Eke mbufo ekem ke adaŋa oro: koro ofuri esop kpukpru edide edisana, Jehovah onyuŋ odu ke otu mmɔ ŋko: nsinam ndien mbufo emende idem mbufo ke enyɔŋ ntre ekan esop Jehovah.

EXODUS 16:12

Mmokop nsuk-uyo nditɔ Israel; tiŋ nɔ mmɔ ete, Ke adaŋa mbubreyo, mbufo eyeta unam, ndien ke usenubɔk, eyeyuhɔ uyo; ndien mbufo eyefiɔk ete ke ami ndi Jehovah Abasi mbufo.

EXODUS 16:7

ndien ke usenubɔk, mbufo eyekut ubɔŋ Jehovah; koro enye okopde uyo emi mbufo esukde Jehovah; ndien nnyin idi mme anie, eke mbufo esukde nnyin uyo?

EXODUS 16:2

Ndien ofuri udim nditɔ Israel esuk Moses ye Aaron uyo ke wilderness:

ŊWED MME PSALM 106:32

Mmɔ enyuŋ eyat enye esit ke ɔtɔ mmɔŋ Meribah, ndien ɔdiɔk ye Moses abaŋa mmɔ:

NUMBERS 14:2

Ndien kpukpru nditɔ Israel esuk Moses ye Aaron uyo: ofuri esop enyuŋ edɔhɔ mmɔ, ete, Nnyin ikpekam ikpaŋa ke isɔŋ Egypt!

NUMBERS 14:9

Edi mbufo ekutun itun ye Jehovah, ekunyuŋ efehe nditɔ isɔŋ oro: koro mmɔ edi udia nnyin: iberedem mmɔ amakabare ɔkpɔŋ mmɔ, ndien Jehovah odu ye nnyin; mbufo ekufehe mmɔ.