NUMBERS 20:1 - Edisana ñwed Abasi Ibom

¹ EKEM nditɔ Israel, kpa ofuri esop, ekesim wilderness Sin ke akpa ɔfiɔŋ: ndien mmɔ etie ke Kadesh: ndien Miriam akpa do, onyuŋ ɔbuhɔ do.

NUMBERS 20:1 Referans Kwoze

NUMBERS 13:21

Ndien mmɔ edɔk ekeyep isɔŋ oro, ɔtɔŋɔde ke wilderness Zin tutu osim ke Rehob, ke edem emi ekade Hamath.

NUMBERS 33:36

Mmɔ enyuŋ edaŋa ke Ezion-geber, ekena ke wilderness Zin, oro edi Kadesh.

EXODUS 15:20

Ndien Miriam prophet aŋwan, eyen-eka Aaron, emen ekɔmɔ ke ubɔk esie; kpukpru iban enyuŋ eda ekɔmɔ etiene enye ke edem ewɔŋɔ, ke enek unek.

NUMBERS 27:14

Kpa nte mbufo emiomde uyo mi ke wilderness Zin, ke ini mbon esop etɔhɔde, ndien mikponoke mi ke ɔtɔ mmɔŋ oro ke iso mmɔ: oro edi mmɔŋ Meribah ke Kadesh ke wilderness Zin.

NUMBERS 26:59

Ndien Kohath obon Amram, enyiŋ ŋwan Amram ŋko ekere Jochebed, eyen Levi aŋwan emi eka esie amande ɔnɔ Levi ke Egypt. Ndien enye aman Aaron ye Moses, ye Miriam, eyen-eka mmɔ aŋwan, ɔnɔ Amram.

NUMBERS 12:1

NDIEN Miriam ye Aaron esuk Moses uyo ebaŋa ŋwan a Cush emi enye ɔkɔdɔde: koro enye ɔkɔdɔde ŋwan a Cush kiet.

MICAH 6:4

Ŋkɔm ŋkada mbufo ke isɔŋ Egypt ndɔk, nnyuŋ mfak mbufo nsio ke ufɔk ufin; nnyuŋ ndɔŋ Moses ye Aaron ye Miriam, nte ebem mbufo iso.

ŊWED MME PSALM 29:8

Uyo Jehovah enyeŋe wilderness; Jehovah enyeŋe wilderness Kadesh.

DEUTERONOMY 32:51

koro mbufo ekeduede mi ke otu nditɔ Israel ke ikɔ mmɔŋ utɔk Kadesh, ke wildeness Zin; koro mbufo mikekponoke mi ke otu nditɔ Israel.

DEUTERONOMY 2:14

Ndien ini emi nnyin iketode ke Kadesh-barnea, isaŋa tutu idibe itihere Zered, edi isua edip ye efureta; tutu ofuri emana mbon-ekɔŋ ekure ke nna, kpa nte Jehovah ɔkɔŋwɔŋɔde abaŋa mmɔ.

NUMBERS 20:16

Ndien adaŋemi nnyin isemede inɔ Jehovah enye okop uyo nnyin, onyuŋ ɔdɔŋ angel okosio nnyin ke Egypt: ndien sese, nnyin idu ke Kadesh, ke obio emi anade ke adaŋa isɔŋ fo:

NUMBERS 12:15

Ndien mmɔ ekuk Miriam ebaha ke edem nna ke usen itiaba: mmɔ inyuŋ idaŋake tutu eda Miriam eduk.

NUMBERS 12:10

Ndien obubit enyɔŋ odorore ke efe ɔdɔk; ndien sese, Miriam akabare akpa-mfia nte snow. Ndien Aaron ese Miriam, ndien sese, enye eyedi akpa-mfia.

EXODUS 2:7

Ndien, enye atua eyen mbɔm, onyuŋ ɔdɔhɔ, ete, Eyen mme Hebrew kiet edi emi. Ndien eyen-eka esie aŋwan ɔdɔhɔ eyen Pharaoh, ete, Nte ŋka ŋkokot edep kiet ke otu iban mme Hebrew nnɔ fi, man enye ɔbɔk eyen emi ɔnɔ fi?

EXODUS 2:4

Ndien eyen-eka esie aŋwan ada do nsan nsan, ete ifiɔk se idinamde enye.

NUMBERS 13:26

Ekem mmɔ edisim Moses, ye Aaron, ye ofuri esop nditɔ Israel ke wilderness Paran, ke Kadesh; enyuŋ eda mbuk edibuk enɔ mmɔ ye ofuri esop, enyuŋ ewut mmɔ mfri isɔŋ oro.

NUMBERS 20:22

Ndien nditɔ Israel, kpa ofuri esop, ewuhɔre, edaŋa ke Kadesh, edisim ke akamba obot Hor.

DEUTERONOMY 1:46

Ndien mbufo ebigi ke Kadesh ediwak usen, ke adaŋa ibat usen emi mbufo ebigide.

JUDGES 11:16

edi adaŋemi Israel ewɔŋɔde ke Egypt edɔk, mmɔ esaŋa ke wilderness tutu esim ke Ididuot Inyaŋ, ndien esim Kadesh:

GENESIS 14:7

ekperede wilderness. Ndien mmɔ efiak edi ke En-mishpat, enye edi Kadesh, edisuan ofuri isɔŋ mme Amalekite, ye mme Amorite nde emi etiede ke Hazazon-tamar.

NUMBERS 20:28

Ndien Moses osio Aaron edisine-ŋkpɔ esie, ada esine Eleazar eyen esie ke idem; ndien Aaron akpa do ke enyɔŋ obot: ndien Moses ye Eleazar eto ke obot esuhɔre.

EZEKIEL 47:19

Ndien edem usuk ese usuk ɔtɔŋɔ ke Tamar aka ke mmɔŋ Meriboth-kadesh, oto aka ke akpa Egypt tutu osim ke akwa inyaŋ. Ndien emi edi adaŋa edem usuk ese usuk.