NUMBERS 18:31 - Edisana ñwed Abasi Ibom

³¹ Ndien mbufo ye ufɔk mbufo edidia enye ke kpukpru ebiet: koro enye edide ŋkpɔ eyen utom mbufo ke usiene utom mbufo ke efe esop.

NUMBERS 18:31 Referans Kwoze

LUKE 10:7

Edi etie kpa ke ufɔk oro, edia enyuŋ eŋwɔŋ se enimde ke iso mbufo: koro eyen-utom odot ŋkpɔ-eyen-utom esie. Ekukpuhɔre itie-idaŋ mbufo ke erisaŋa ke ufɔk ke ufɔk.

MATTHEW 10:10

ekunyuŋ ekama ekpat isaŋ, me ɔfɔŋidem iba, me ikpa-ukot, me esaŋ: koro eyen-utom odot udia esie.

ŊWED MBON GALATIA 6:6

Yak owo eke ɔbɔde ukpep-ŋkpɔ ke ikɔ Abasi ɔfɔn ido ye andikpep enye ke kpukpru nti enɔ.

2 ŊWED CORINTH 12:13

Ke usuŋ ewe ke ekanam mbufo ekpri ekan mme ufɔk Abasi eŋwen, ke midige ke emi mmendige mbiomo nnɔ mbufo? Edahado enɔ mi ke ndudue emi.

NUMBERS 18:30

Nyuŋ dɔhɔ mmɔ, ete, Ke ini mbufo ediwade ikpɔŋ emi otode ke esit, ndien eyebat enɔ mme Levite, kpa nte se itode ke ɔtɔ ubek ibokpot, ye nte se itode ke ɔtɔ unyimi wine.

NUMBERS 18:32

Ndien mbufo ididuehe isop ke esit, ke adaŋemi mbufo edisiode enye ikpɔŋ ke esit ewa: ke ntre ke mbufo idisabakede edisana ŋkpɔ nditɔ Isreal, idinyuŋ ikpaŋake.