NUMBERS 17:8 - Edisana ñwed Abasi Ibom

⁸ Edikem ke eyo esierede, Moses ediduk ke efe ntiense; ndien, sese, esaŋ Aaron eke ufɔk Levi esehe, onyuŋ asiaha ikɔŋ, onyuŋ osioŋo mfri, ndien oŋwum almond.

NUMBERS 17:8 Referans Kwoze

EZEKIEL 17:24

ndien kpukpru eto ikɔt eyefiɔk ete ke ami Jehovah nduɔk edikoŋ eto, mmenere edinuhɔ eto ke enyɔŋ, nnam nsehe eto asat, nnyuŋ nnam edisat eto esehe: ami Jehovah ndɔhɔ nnyuŋ nnam.

NUMBERS 17:5

Ndien ama ekem esaŋ owo eke ndimekde, eyesehe: ntem ke ndisuk nsukuyo nditɔ Israel emi mmɔ esukde mbufo, nnam enye ɔkpɔŋ mi.

ISAIAH 4:2

Ke usen oro ŋkɔk Jehovah eyekabare edi uyai ye ubɔŋ, mfri isɔŋ eyenyuŋ edi ubom ye mbana nditɔ Israel eke ebɔhɔde.

EZEKIEL 19:14

Ndien ikaŋ omoto ke esaŋ ŋkɔk esie, amata mfri esie, ŋkpɔsɔŋ esaŋ ke eke mmɔnyɔ ɔbɔŋ inyuŋ iduhe enye ke esit. Emi edi eseme, eyenyuŋ edi se edisemede.

ŊWED MME PSALM 110:2

Jehovah eyetie ke Zion ɔnɔ esaŋ odudu fo esɔk fi: da ubɔŋ ke otu mme asua fo.

GENESIS 40:10

vine oro onyuŋ asiaha ubɔk ita: enye onyuŋ etie nte esesehe, asiaha mfri; etuek esie enyuŋ eŋwum ndat-ndat mfri;

MME HEBREW 9:4

emi enyenede ŋkpɔ ufɔp-incense o-gold, ye ekebe ediomi emi edade gold efuk ekanare ekuk, emi eso o-gold emi mana esinede ke esit,

EZEKIEL 19:12

Ndien mmɔ edibere enye ke ifuresit, emen enye eduɔk ke isɔŋ, ofum ikɔrabak onyuŋ asat mfri esie: mkpɔsɔŋ esaŋ esie emebuŋɔ, emenyuŋ esat: ikaŋ amata enye.

IKWƆ SOLOMON 2:3

Nte apple ke otu eto akai, kpa ntre ke ama mi etie ke otu mkparawa. Mmama nditie ke mfut esie, mfri esie onyuŋ eniŋe mi ke nsiŋ.

NUMBERS 16:5

Ndien ɔdɔhɔ Korah, ye kpukpru nsaŋa esie, ete, Eyo esiere, Jehovah eyewut eke edide esiemɔ, ye eke onyuŋ asanade: eyenyuŋ ada enye adian ke idem: enye eyeda owo eke enye edimekde adian ke idem.

NUMBERS 17:9

Ndien Moses ataŋ kpukpru esaŋ oro ke iso Jehovah ɔwɔrɔ edisɔk kpukpru nditɔ Israel: ndien mmɔ ese, kpukpru owo enyuŋ eda esaŋ mmɔ.