NUMBERS 16:41 - Edisana ñwed Abasi Ibom

⁴¹ Ndien mkpɔŋ kpukpru mbon esop nditɔ Israel esuk Moses ye Aaron uyo, ete, Mbufo emewot ikɔt Jehovah.

NUMBERS 16:41 Referans Kwoze

ŊWED MME PSALM 106:23

Ndien enye ɔdɔhɔ, ete ke imɔ ikposobo mmɔ, ke mikpedige Moses edimek owo esie akada enye ke iso ke ɔtɔ ŋwure, onyuŋ akabare iyaresit esie efep, mbak edisobo mmɔ.

NUMBERS 14:2

Ndien kpukpru nditɔ Israel esuk Moses ye Aaron uyo: ofuri esop enyuŋ edɔhɔ mmɔ, ete, Nnyin ikpekam ikpaŋa ke isɔŋ Egypt!

UTOM MME APOSTLE 21:28

Emi edi owo oro ekpepde kpukpru owo ke kpukpru ebiet ete, eŋwana ye mbio-obio ye ibet ye ebiet emi: enye omonyuŋ ada mme Greek oduk ke temple ŋko-ŋko edisabare edisana ebiet emi.

UTOM MME APOSTLE 5:28

Ndien akwa oku obup mmɔ ete, Nnyin ima isɔŋ uyo ikpan mbufo, ite ekukpep aba ŋkpɔ ke enyiŋ emi: ndien sese, emɔyɔhɔ Jerusalem ye ukpep-ŋkpɔ mbufo, enyuŋ eyom iyip owo emi ɔkɔbɔ nnyin.

MATTHEW 5:11

Ɔfɔfɔn ɔnɔ mbufo ke adaŋemi owo edisuŋide mbufo, enyuŋ enam mbufo isin-enyin, enyuŋ etiŋ kpukpru oruk idiɔk-ŋkpɔ ke nsu edian mbufo kabaŋa Mi.

AMOS 7:10

Ndien Amaziah oku ke Bethel ɔdɔŋ ekedɔhɔ Jeroboam edidem Israel, ete, Amos omoduk odu abaŋa fi ke ufɔt Israel; isɔŋ ikemeke ndiyɔ kpukpru ikɔ esie.

ISAIAH 26:11

Jehovah, afo ememenere ubɔk fo; mmɔ ikwe enye; mmɔ eyekut, enyuŋ etimere ke ufup emi afo ofibede ɔnɔ ikɔt fo; idem ikaŋ eyeta mme asua fo.

ŊWED MME PSALM 106:13

Mmɔ esɔp ndifre se enye akanamde; mmɔ ibetke item esie.

1 NDIDEM 18:17

Edikem ke ini Ahab okutde Elijah, Ahab ɔdɔhɔ enye, ete, Nte edi afo odutuhɔ Israel?

2 ŊWED CORINTH 6:8

ke ini ukpono ye ke ini esuene, ke idiɔk etop eke esiode nnyin, ye ke eti etop; ebat nnyin ke owo abiaŋa, edi nnyin idi owo akpanikɔ;

JEREMIAH 43:3

Edi Baruch eyen Neriah edemere fi ɔnɔ nnyin, man enye ada nnyin esin mme Chaldean ke ubɔk, man mmɔ ewot nnyin, enyuŋ etaŋ nnyin enyɔŋɔ ke Babylon.

JEREMIAH 38:4

Ndien mbɔŋ oro edɔhɔ edidem, ete, Mbɔk, yak ewot owo emi: koro ntem ke enye anam ubɔk emem mbon-ekɔŋ emi esuhɔde ke obio emi, onyuŋ anam ubɔk emem kpukpru mbio-obio, ke eritiŋ oruk ikɔ emi nnɔ mmɔ: koro owo emi miyomke ifure mbio-obio emi, edi oyom idiɔk.

1 ŊWED CORINTH 10:10

Mbufo ekunyuŋ esuk uyo, nte ndusuk mmɔ ekesukde, enyuŋ etakde ke ubɔk andisobo.

JUDE 1:16

Mmɔ emi edi mbon nsuk-uyo; mmɔ esuk Abasi uyo ebaŋa itie emi Enye okonimde mmɔ; mmɔ esaŋa nte idiɔk itɔŋ mmɔ adade mmɔ aka, inua mmɔ onyuŋ etiŋ ikɔ iseri-iseri, mmɔ enyuŋ ekpek mme owo, eyom mfɔn enɔ idem.