NUMBERS 16:3 - Edisana ñwed Abasi Ibom

³ Ndien mmɔ esop idem enam ikɔ ye Moses ye Aaron, ekedɔhɔ mmɔ, ete, Eke mbufo ekem ke adaŋa oro: koro ofuri esop kpukpru edide edisana, Jehovah onyuŋ odu ke otu mmɔ ŋko: nsinam ndien mbufo emende idem mbufo ke enyɔŋ ntre ekan esop Jehovah.

NUMBERS 16:3 Referans Kwoze

ŊWED MME PSALM 106:16

Mmɔ enyuŋ efube ye Moses ke nna, ye Aaron edisana owo Jehovah ŋko.

NUMBERS 14:14

ɔdɔk;) Ema enyuŋ etiŋ enɔ mmɔ emi eduŋde ke edem emi: mmɔ ema ekekop ete ke afo Jehovah ama ayarare idem fo ke enyin mmɔ, ete ke obubit enyɔŋ fo onyuŋ adada mmɔ ke enyɔŋ; ke afo onyuŋ ebem mmɔ iso asaŋa ke adaha ikaŋ ke okoneyo.

EXODUS 19:6

Mbufo eyenyuŋ enyene mi nte obio oku, ye nte edisana idut. Mme ikɔ emi ke afo editiŋ ɔnɔ nditɔ Israel.

NUMBERS 16:7

Enyuŋ esin ikaŋ ke esit, enyuŋ eda incense edori ke esit ke iso Jehovah, mkpɔŋ: ndien ama ekem, owo eke Jehovah edimekde, enye eyedi edisana: eke mbufo ekem ke adaŋa oro, nditɔ Levi.

UTOM MME APOSTLE 7:51

Mbufo mbon nsɔŋ-ibuot, emi minaŋa mbobi ke esit ye utɔŋ, mbufo etak ndiŋwaŋwana ye Edisana Spirit kpukpru ini: nte mme ete mbufo ekenamde kpa ntre ke mbufo enam.

UTOM MME APOSTLE 7:39

Edi mme ete nnyin inyimeke ndisuk ibuot nnɔ enye, edi enuk enye efep ɔkpɔŋ mmɔ, ewɔŋɔre efiak eka Egypt ke esit mmɔ, enyuŋ edɔhɔ Aaron ete,

ŊWED MME PSALM 68:17

Mme chariot Abasi edi tɔsin edip, ye utɔŋɔ ntak tɔsin tɔsin:

EZRA 9:2

Koro mmɔ edade nditɔ-iban mmɔ enɔ idem mmɔ ye nditɔ-iren mmɔ edɔ: ema enyuŋ ebuak edisana mbon ye mbon mme idut: ndien ubɔk mbɔŋ ye eke mme ebierikpe edi etubom ke idiɔk ido emi.

NUMBERS 35:34

Ekunyuŋ esabare isɔŋ emi mbufo eduŋde ke esit, emi ami ntiede enye ke ufɔt: koro ami Jehovah nduŋde ke otu nditɔ Israel.

NUMBERS 16:11

Edi emi esin fi ye nsaŋa fo esop idem enam ikɔ ye Jehovah: ndien Aaron edi anie eke mbufo esukde enye uyo?

NUMBERS 5:3

mbufo esioŋo eren ye ŋwan efep enim ke edem nna; man ekusabare mme nna mmɔ emi ami nduŋde ke otu mmɔ.

NUMBERS 16:41

Ndien mkpɔŋ kpukpru mbon esop nditɔ Israel esuk Moses ye Aaron uyo, ete, Mbufo emewot ikɔt Jehovah.

NUMBERS 23:21

Enye isehe idiɔk ke Jacob, inyuŋ ikwe ŋkwaŋa ke Israel: Jehovah Abasi esie odu ye enye, mkpo edidem onyuŋ odu ke otu mmɔ.