NUMBERS 16:10 - Edisana ñwed Abasi Ibom

¹⁰ Enye ama onyuŋ ada fi ye kpukpru nditɔ usɔ, nditɔ Levi ŋko, adian ke idem: ndien mbufo emɔŋ eyom itie oku ŋko.

NUMBERS 16:10 Referans Kwoze

3 JOHN 1:9

Mma ŋwet ekpri ŋwed nnɔ esɔk ufɔk Abasi: edi Diotrephes, emi amade ndidi ebe-iso ke otu mmɔ, inyimeke ndidara nnyin.

ŊWED MBON PHILIPPI 2:3

Ekunam baba ŋkpɔ kiet ke ndomo-idem mme ke ntaŋ-idem, edi yak owo kiet kiet ada nsuhɔre-esit abat ete, owo eŋwen ɔfɔn akan imɔ.

ŊWED MBON ROME 12:10

Eda ima nditɔ-ete ema kiet eken; esɔp ndikpono kiet eken;

LUKE 22:24

Ndomo-idem onyuŋ otibe ke otu mmɔ, ete, mme ekpebat anie ke otu mme imɔ nte andikpon-ŋkan.

MME ŊKE 13:10

Edi iseri ikpɔŋ esin utɔk: edi mmɔ eke ekopde item enyene ibuot.

NUMBERS 18:7

Edi afo ye nditɔ fo ŋko edikpeme ndinam utom idaha oku mbufo, ke kpukpru ŋkpɔ itie-uwa, ye ke edem ukara; mbufo enyuŋ enam ŋkpɔ: mmada idaha oku nnɔ mbufo ke utom enɔ: ndien esen owo eke asaŋade ekpere enyene ndikpa.

NUMBERS 3:10

Nyuŋ nim Aaron ye nditɔ esie, ete etiŋ enyin ke idaha oku mmɔ; ndien esen owo eke asaŋade ekpere enyene ndikpa.

NUMBERS 18:1

EKEM Jehovah ɔdɔhɔ Aaron, ete, afo ye nditɔ iren fo, ye ufɔk usɔ ŋko, ebiom ukwaŋ-ŋkpɔ edisana ebiet: afo ye nditɔ-iren fo enyuŋ ebiom ukwaŋ-ŋkpɔ itie oku mbufo.

JUDGES 17:12

Micah onyuŋ ɔyɔhɔ Levite ubɔk: ndien akparawa oro akabare edi oku esie; enye onyuŋ oduŋ ke ufɔk Micah.

NUMBERS 3:6

ete, Da esien Levi di ken, nyuŋ nim mmɔ ke iso Aaron oku, man enam ŋkpɔ enɔ enye.