NUMBERS 15:35 - Edisana ñwed Abasi Ibom

³⁵ Ndien Jehovah ɔdɔhɔ Moses, ete, Owo oro enyene ndikpa: yak ofuri esop eketɔŋɔ enye ke itiat ke edem nna.

NUMBERS 15:35 Referans Kwoze

UTOM MME APOSTLE 7:58

ndien mmɔ ebin enye esio ke obio, enyuŋ etɔŋɔ enye ke itiat: mme ntiense enyuŋ enim ɔfɔŋidem mmɔ ke ukot akparawa kiet emi ekerede Saul.

1 NDIDEM 21:13

ata mme oburobut owo, eduk eketie ke iso Naboth: ndien mme oburobut owo oro etiŋ ikɔ ntiense edian enye Naboth, ke iso mbio-obio, ete, Naboth okosuŋi Abasi ye edidem. Ndien mmɔ esio enye eka ke edem obio, eketɔŋɔ enye ke itiat, ewot.

DEUTERONOMY 21:21

Ndien yak kpukpru mbio-obio mmɔ etɔŋɔ enye ke itiat ewot. Ntem ke afo edisio idiɔk ke otu fo efep; ndien ofuri Israel eyekop, enyuŋ edikhe.

LEVITICUS 24:23

Ndien Moses ɔdɔhɔ nditɔ Israel ete eda owo oro okosuŋide ewɔrɔ ke edem nna, eketɔŋɔ enye ke itiat. Ndien nditɔ Israel enam kpa nte emi Jehovah eketemede Moses.

LEVITICUS 20:2

Owo ekededi ke otu nditɔ Israel, ye ke otu isen emi eduŋde ke Israel, eke adade eyen esie ɔnɔ Molech, enyene ndikpa: yak mbio-obio etɔŋɔ enye ke itiat.

LUKE 4:29

mmɔ enyuŋ ebumere edaha ke enyɔŋ ebin Enye ɔwɔrɔ ke obio, enyuŋ eda Enye edi ke ibuot obot emi ebɔpde obio mmɔ ke esit, man esio Enye eduɔk.

LEVITICUS 20:27

Ndien ŋko eren mme ŋwan, eke ekpo odude mmɔ ke idem, mme eke edide abia-idiɔŋ, enyene ndikpa mkpa: yak etɔŋɔ mmɔ ke itiat; iyip mmɔ ɔsɔp mmɔ.

NUMBERS 15:36

Ndien ofuri esop emum enye ewɔŋɔ eka ke edem nna, eketɔŋɔ enye ke itiat, ewot; kpa nte emi Jehovah eketemede Moses.