NUMBERS 15:30 - Edisana ñwed Abasi Ibom

³⁰ Edi ama edi owo eke okoide koi anam ŋkpɔ ke ibak, edide amana ke isɔŋ, onyuŋ edide esen owo, enye esuene Jehovah, ndien yak esibe owo oro ke mbio-obio mmɔ efep.

NUMBERS 15:30 Referans Kwoze

MME HEBREW 10:26

Koro edieke nnyin iduede ke nkoi-nnam, ke ini nnyin ima ikɔbɔ ifiɔk akpanikɔ, uwa iduhe aba inɔ idiɔk-ŋkpɔ, edi idori-enyin ikpe eke enyenede ndik,

ŊWED MME PSALM 19:13

Mum owo fo kama, mbak ŋkoi-nnam; kuyak mmɔ ekan mi: ndien nyefɔn mma, nnyuŋ nsana mbɔhɔ ikpɔ mme idiɔk ido.

DEUTERONOMY 1:43

mbak mbufo edisuana ke iso mme asua mbufo. Ami nnyuŋ ndɔhɔ ye mbufo; ndien mbufo inyimeke ndikop, edi eneni uyo Jehovah, enyuŋ ebumere edɔk obot.

MME HEBREW 10:29

mbufo ese ndien ete edibiere ufen ɔsɔŋ adaŋa didie akan enɔ owo, eke edigide Eyen Abasi ke ikpat, onyuŋ abatde iyip ediomi, emi edade enam enye asana, ke ŋkpɔ ndek, onyuŋ esuenede Spirit mfɔn?

MATTHEW 12:32

Ndien owo ekededi eke editiŋde ikɔ adian Eyen Owo, eyefen enye; edi owo ekededi eke editiŋde ikɔ adian Edisana Spirit, idifenke enye, ye edide ke eyo emi ye onyuŋ edide ke eyo emi edidide.

2 PETER 2:10

akpan-akpan mmɔ eke esaŋade ke ndek-ndek idiɔk itɔŋ obukidem edu uwem enyuŋ esinde mme andikara. Mmɔ edi mbon emiom ye mbon nsɔŋ-ibuot, inamke mmɔ ndik ndisuŋi mme akama-itie ubɔŋ:

ŊWED MME PSALM 89:51

emi mme asua fo edade esuene, O Jehovah; emi mmɔ edade esuene ikpat ukot Messiah fo.

ŊWED MME PSALM 79:12

Ndien da esuene emi mbɔhɔiduŋ nnyin esuenede fi, Ɔbɔŋ, yak nɔ mmɔ ke ikpanesit utim ikatiaba.

ŊWED MME PSALM 74:22

Daha ke enyɔŋ, O Abasi, kpe ikpe fo: ti esuene emi ndisime owo esuenede fi ofuri usen.

ŊWED MME PSALM 74:18

Ti emi, usua ke esuene, O Jehovah; mbon ndisime esin enyiŋ fo ke ndek.

NUMBERS 9:13

Edi ama edi owo eke asanade, minyuŋ ikaha idut, ndien etre ndinim passover, yak mmɔ esibe ukpɔŋ oro ke mbio-obio mmɔ efep: owo oro enyene ndibiom idiɔk ido esie, koro enye mikadaha enɔ Jehovah idi ke ekem ini esie.

EXODUS 21:14

Edi owo ama ofut esit etiene mbɔhiduŋ esie, onyuŋ owot enye ke ŋkari; sio enye ke itie-uwa mi fep, man enye akpa.

MME ŊKE 14:31

Owo eke efikde eyen ubuene esue Andibot enye: edi atua ubuene mbɔm okpono Enye.

ŊWED MME PSALM 69:9

Koro ufup ufɔk fo adiade mi; esuene mmɔ eke esuenede fi onyuŋ ɔduɔ mi ke idem.

LEVITICUS 20:10

Ndien ŋko ama edi owo eke okotde ŋwan owo, eke okotde ŋwan mbɔhiduŋ esie, okot ŋwan ye ŋwan emi enye okotde enyene ndikpa.

LEVITICUS 20:6

Ndien ŋko ama edi ukpɔŋ eke akabarede etiene ekpo, ye mbia-idiɔŋ, onyuŋ etienede mmɔ anam use, nyewuk iso mi nse ukpɔŋ oro, nnyuŋ nsibe enye ke otu mbio-obio mmɔ mfep.

LEVITICUS 20:3

Ami nyenyuŋ ŋwuk iso mi nse owo oro, nnyuŋ nsibe enye ke otu mbio-obio mmɔ mfep; koro enye akadade eyen esie ɔnɔ Molech, man enye asabare edisana ebiet mi, onyuŋ abiat edisana enyiŋ mi.

GENESIS 17:14

Ndien ama edi owo edut emi misibeke enye edut ifep, yak esibe ukpɔŋ oro efep ke oruk esie; enye abiat ediomi mi.

1 JOHN 5:16

Edieke owo okutde eyen-ete esie anamde idiɔk-ŋkpɔ eke midaha mkpa idi, enye eyenam mkpe-ubɔk, ndien Abasi eyeda uwem ɔnɔ enye, kpa ɔnɔ mmɔ eke minamke idiɔk-ŋkpɔ mkpa. Idiɔk-ŋkpɔ emi adade mkpa edi odu; ndɔhɔke nte owo anam mkpe-ubɔk abaŋa utɔ idiɔk-ŋkpɔ emi.

NUMBERS 15:29

Mbufo enim ubɔk ewuhɔ kiet ye owo emi abiatde mbet ke ndudue, edide amana ke otu nditɔ Israel, onyuŋ edide esen emi oduŋde ke otu mmɔ.

DEUTERONOMY 32:27

ke mmeŋkpefeheke iyaresit mbon usua, mbak mme andikɔbɔ mmɔ ekpedue, mbak mmɔ ekpedɔhɔ ete, Ubɔk nnyin okokoŋ, inyuŋ idige Jehovah akanam kpukpru ŋkpɔ emi.

1 SAMUEL 2:25

Edieke owo eduede ye owo, Abasi eyekpe ikpe esie; edi edieke owo eduede ye Jehovah, anie edikpe ubɔk inɔ enye? Edi mmɔ ikopke uyo ete mmɔ, koro Jehovah amade ndiwot mmɔ.

ŊWED JOB 38:15

Enyuŋ esin mme idiɔk owo uŋwana mmɔ, enyuŋ ebuŋ edimenere ubɔk.

EZEKIEL 20:27

Neme ndien, eyen owo, ye ufɔk Israel, nyuŋ dɔhɔ mmɔ, ete, Ntem ke Ɔbɔŋ Jehovah ɔdɔhɔ, ete, Ntem ŋko ke mme ete mbufo ekesuene mi ke eridue emi mmɔ ekeduede mi.

EXODUS 30:33

Ama edi owo eke edibuakde se ibietde enye, ye owo ŋko eke adade enye eyet esen owo ke idem, yak esibe enye efep ke otu mbio-obio mmɔ.

1 SAMUEL 3:14

Mmɔdo ŋkɔŋwɔŋɔde mbaŋa ufɔk Eli, nte ke idikemeke ndida uwa ye inuakudia nsio isop oburobut ido ufɔk Eli ke nsinsi.