NUMBERS 15:25 - Edisana ñwed Abasi Ibom

²⁵ Ntem ke oku edisio isop ɔnɔ ofuri esop nditɔ Israel, ndien eyedahado enɔ mmɔ: koro enye edide ndudue: ntem ke mmɔ edida enɔ mmɔ, kpa uwa ikaŋ Jehovah, ye uwa idiɔk ido mmɔ ŋko-ŋko, edi ke iso Jehovah, ke ikɔ ndudue mmɔ:

NUMBERS 15:25 Referans Kwoze

LEVITICUS 4:20

Yak enye onyuŋ anam enaŋ emi, kpa nte emi enye anamde enaŋ uwa idiɔk ido (eken); yak enye anam kpasuk ntre ye enye emi: ntem yak oku osio isop mmɔ, ndien eyefen mmɔ.

MME HEBREW 2:17

Mmɔdo odotde nte enam Enye ebiet nditɔ-ete Esie kpukpru ŋkpɔ, man Enye ekpedi Akwa Oku emi atuade owo mbɔm, onyuŋ anamde akpanikɔ ke ŋkpɔ eke abaŋade Abasi, okponyuŋ osio isop abaŋa mme idiɔk-ŋkpɔ mbio-mbio.

ŊWED MBON ROME 3:25

emi Abasi okosiode onim ete edi uwa emem ke iyip Esie, oto ke mbuɔtidem; man Abasi ayarare edinen ido Esie, sia Enye ke ime osioŋode idem efep ke mme idiɔk-ŋkpɔ emi owo ekenamde ke ini eke ebede;

1 JOHN 2:2

Enye onyuŋ edi usio-isop mme idiɔk-ŋkpɔ nnyin, inyuŋ idige eke nnyin ikpɔŋ, edi eke ofuri ererimbot nde.

UTOM MME APOSTLE 13:39

ndien edi Enye anam kpukpru mmɔ emi enimde ke akpanikɔ enyene utebe-ikpe ke kpukpru ŋkpɔ eke ibet Moses mikemeke nditebe owo ikpe.

LUKE 23:34

Edi Jesus ete, Ete, dahado nɔ mmɔ koro mmɔ mifiɔkke se mmɔ enamde. Mmɔ esin afia edeme edisine-ŋkpɔ Esie ke otu idem mmɔ.

LEVITICUS 4:26

Ndien yak enye ɔfɔp ofuri ikpɔŋ esie ke itie-uwa, kpa nte efɔpde ikpɔŋ uwa emem; oku onyuŋ osio isop idiɔk ido esie, ndien eyefen enye.

MME HEBREW 9:7

edi akwa oku ikpɔŋ-ikpɔŋ akam esiduk ke udiana Ataya ini kiet ke isua; idukke ke misaŋake ye iyip, eke enye awade abaŋa idem esie ye ndudue mbio-obio:

DEUTERONOMY 21:21

Ndien yak kpukpru mbio-obio mmɔ etɔŋɔ enye ke itiat ewot. Ntem ke afo edisio idiɔk ke otu fo efep; ndien ofuri Israel eyekop, enyuŋ edikhe.

ECCLESIASTES 5:6

Kuyak inua fo esin obukidem fo anam idiɔk: kunyuŋ udɔhɔ ke iso isuŋtom, ete ke ekedi ndudue: ke didie ke Abasi ediyaresit ye uyo fo, ndien abiat se ubɔk fo anamde?

LEVITICUS 4:31

Ndien yak enye osio ofuri ikpɔŋ esie efep, kpa nte esiode ikpɔŋ uwa emem; ndien oku ada enye ɔfɔp ke itie-uwa ɔnɔ Jehovah ke edinem utebe; ntre ke oku edisio isop esie, ndien eyefen enye.

LEVITICUS 4:35

Ndien enye osio ofuri ikpɔŋ esie, kpa nte esiode ikpɔŋ eyen erɔŋ uwa emem; ndien yak oku ɔfɔp mmɔ ke itie-uwa, adian ye uwa ikaŋ Jehovah: ntem ke oku edisio isop ndudue esie eke enye anamde, ndien eyefen enye.

LEVITICUS 15:15

ndien yak oku awa mmɔ, kiet ke uwa idiɔk ido, kiet eken ke edifɔp uwa; ke ntre ke oku edisio isop inɔ enye ke iso Jehovah, abaŋa udɔŋɔ esie.