NUMBERS 14:14 - Edisana ñwed Abasi Ibom

¹⁴ ɔdɔk;) Ema enyuŋ etiŋ enɔ mmɔ emi eduŋde ke edem emi: mmɔ ema ekekop ete ke afo Jehovah ama ayarare idem fo ke enyin mmɔ, ete ke obubit enyɔŋ fo onyuŋ adada mmɔ ke enyɔŋ; ke afo onyuŋ ebem mmɔ iso asaŋa ke adaha ikaŋ ke okoneyo.

NUMBERS 14:14 Referans Kwoze

EXODUS 15:14

Mme idut eyekop, enyuŋ enyek idem: mbɔribɔ eyemum mme andiduŋ Philistia.

DEUTERONOMY 5:4

Jehovah etie ke obot oro ke ufɔt ikaŋ, ɔdɔhɔ ikɔ ye mbufo iso ye iso

EXODUS 33:11

Ntem ke Jehovah osioŋo nneme ye Moses iso ye iso, nte emi owo osioŋode nneme ye ufan esie. Ndien enye afiak oduk ke nna; edi Joshua, eyen Nun, asaŋutom esie, akparawa, idahake ke tent.

JOHN 1:18

Akanam baba owo kiet ikwe Abasi; ikpoŋ-ikpɔŋ Eyen emi Abasi obonde, emi odude ke ikpanesit Ete, kpa Enye amayarare Abasi.

ŊWED MME PSALM 78:14

Onyuŋ ada obubit enyɔŋ eteme mmɔ usuŋ ke uwemeyo, onyuŋ ada edisak ikaŋ eteme mmɔ ke ofuri okoneyo.

NEHEMIAH 9:19

ndien akwa mbɔm fo iyakke fi ɔkpɔŋ mmɔ ke wilderness: adaha obubit enyɔŋ idorokede ikpɔŋ mmɔ ke uwemeyo, itre ndida mmɔ usuŋ; adaha ikaŋ inyuŋ idorokede ke okoneyo itre ndiŋwaŋa usuŋ eke mmɔ esaŋade ke esit nnɔ mmɔ.

NEHEMIAH 9:12

Ndien ŋko afo ada mmɔ usuŋ ke adaha obubit enyɔŋ ke uwemeyo; ye ke adaha ikaŋ ke okoneyo, ndiŋwaŋa ɔkpɔ-usuŋ eke mmɔ esaŋade ke esit nnɔ mmɔ.

JOSHUA 5:1

EDIKEM, adaŋemi kpukpru mbɔŋ mme Amorite, emi edude ke edem usop-utin Jordan, ye kpukpru mbɔŋ mme Canaanite, emi edude ke mben inyaŋ, ekopde nte Jehovah akanamde mmɔŋ Jordan asat ke iso nditɔ Israel, tutu nnyin ibe, ndien nsia oyomo mmɔ, uko onyuŋ okure mmɔ ke idem, abaŋa nditɔ Israel.

NUMBERS 12:8

Nneme ye enye ke inua ke inua; ke atatai, idige ke ŋke ikɔ; enye eyenyuŋ okut mbiet Jehovah: mbufo enam naŋa didie mifeheke ndisuk owo mi Moses uyo?

NUMBERS 10:34

Ndien obubit enyɔŋ Jehovah odoro mmɔ ke uwemeyo, ke ini mmɔ edaŋade ke ebiet nna.

EXODUS 40:38

Koro obubit enyɔŋ Jehovah odorode ke ebiet-iduŋ ke uwem-eyo, ikaŋ onyuŋ odoro ke esit ke okoneyo, ke iso ofuri ufɔk Israel, ke ofuri isaŋ mmɔ.

GENESIS 32:30

Jacob do. Ndien Jacob osio ebiet oro enyiŋ Peniel: koro mma ŋkut Abasi iso ye iso, enye onyuŋ onim mi uwem.

1 ŊWED CORINTH 13:12

Idahemi nnyin imokut ŋkpɔ ntre ntimere-ntimere, nte owo okutde ŋkpɔ ke ukuriso: edi adaŋoro iyekut ŋkpɔ iso ye iso; idahemi mmɔfiɔk ŋkpɔ ubak-ubak, edi adaŋoro nyefiɔk ɔyɔhɔ-ɔyɔhɔ, kpa nte efiɔkde mi.

JOHN 14:9

Jesus ete enye, Nte mmodu ye mbufo adaŋa anyan ini emi, ndien udiɔŋɔke Mi, Philip? Owo eke okokutde Mi okokut Ete; anam didie ndien ɔdɔhɔ ete, Wut nnyin Ete?

ŊWED MME PSALM 105:39

Enye ebri obubit enyɔŋ ke ufuhɔ-ŋkpɔ; ye ikaŋ eke ayamade ke okoneyo.

DEUTERONOMY 34:10

Ndien baba prophet kiet, ebietde Moses, idahake aba ida ke otu Israel, emi Jehovah ɔfiɔkde iso ke iso,

1 JOHN 3:2

Ndima, nnyin idi nditɔ Abasi ke emi; ndien iyarakere kaŋa iwut se nnyin ididide. Edi nnyin ifiɔk ite, edieke Enye ediwɔrɔde owut idem nnyin iyebiet Enye, koro nnyin iyekut Enye nte Enye edide.

EXODUS 33:16

Edinam didie, ndien, efiɔk ete ke afo enen iso ye ami ye ikɔt fo? Nte idige ke erika emi afo akade ye nnyin? Ntre ke eyedianare mi ye ikɔt fo ke kpukpru owo emi edude ke isɔŋ?

DEUTERONOMY 1:19

Ekem nnyin idaŋa ke Horeb, isaŋa ibe ke ofuri akwa akpakop wilderness oro mbufo ekekutde ke usuŋ obot mme Amorite, kpa nte emi Jehovah Abasi nnyin okowukde nnyin; ndien nnyin idisim ke Kadesh-barnea.

DEUTERONOMY 5:24

ndien mbufo edɔhɔ, ete, Sese, Jehovah Abasi nnyin ama owut nnyin ubɔŋ esiemɔ, ye akwa ubom esiemɔ, nnyin ima inyuŋ ikop uyo esie emi okotode ke esit ikaŋ: nnyin inyuŋ ikut mfin emi nte Abasi ɔdɔhɔde ikɔ ye owo, ndien owo odu uwem