NUMBERS 14:11 - Edisana ñwed Abasi Ibom

¹¹ Jehovah onyuŋ ɔdɔhɔ Moses, ete, Adaŋa didie ke mbio emi edisin mi ke ndek? Ke adaŋa ewe ini ke mmɔ edinim uyo mi ke akpanikɔ? ebaŋa kpukpru mme utibe ŋkpɔ emi ŋkanamde ke otu mmɔ?

NUMBERS 14:11 Referans Kwoze

ŊWED MME PSALM 106:24

Mmɔ enyuŋ ese ediye isɔŋ oro ke ndek, inyuŋ inimke uyo esie ke akpanikɔ.

ŊWED MME PSALM 78:32

Kpukpru ŋkpɔ emi ikpanke mmɔ ndimana ndiɔk, idem mme utibe ŋkpɔ esie inyuŋ isinke mmɔ enim ke akpanikɔ.

ŊWED MME PSALM 78:22

koro mmɔ minimke uyo Abasi ke akpanikɔ, minyuŋ ibuɔtke idem-mmɔ ke erinyaŋa esie;

DEUTERONOMY 1:32

Edi ikɔ emi isinke mbufo enim uyo Jehovah Abasi mbufo ke akpanikɔ,

MME HEBREW 3:8

Ekusɔŋ esit mbufo nte mmɔ ekesɔŋde, ke ini mmɔ eyatde Abasi esit, Ke usen emi mmɔ ekedomode Enye ke wilderness,

JOHN 12:37

Edi okposuk edi oro Enye akanamde adaŋa uwak-uwak mme idiɔŋɔ ke iso mmɔ, mmɔ ibuɔtke idem ye Enye:

NUMBERS 14:27

Adaŋa didie ke ndidahado nnɔ idiɔk mbon esop emi esukde mi uyo? Mmokop nsukuyo nditɔ Israel, emi mmɔ esukde mi?

NUMBERS 14:23

ke akpanikɔ mmɔ idikwe isɔŋ emi ŋkɔŋwɔŋde nnɔ mme ete mmɔ, baba owo eke osuŋide mi kiet idinyuŋ ikwe enye:

MME HEBREW 3:18

Enye okonyuŋ ɔŋwɔŋɔ ɔnɔ manie ete, mmɔ ididukke ke nduɔk-odudu Imɔ, ke mibɔhɔke mbon ntut-utɔŋ?

MME HEBREW 3:16

Koro manie ekokop enyuŋ eyat Enye esit? nte idige kpukpru mmɔ eke esaŋade ye Moses ewɔŋɔ ke Egypt?

EXODUS 16:28

Ndien Jehovah ɔdɔhɔ Moses ete, Adaŋa didie ke mbufo edisin ndinim mme ewuhɔ mi ye mme mbet mi?

JOHN 15:24

Edieke mmneŋkpesineke ke ufɔt mmɔ nnam mme utom eke akanam owo efen minamke, mmɔ ikpenyeneke idiɔk-ŋkpɔ: edi ke emi mmɔ ekokut enyuŋ esua Mi ye Ete Mi.

JOHN 10:38

Edi edieke nnamde, okposuk edi nte mbufo minimke Mi ke akpanikɔ, enim utom naŋa ke akpanikɔ; man mbufo efiɔk enyuŋ eneŋere ekut ete, Ete odu Mi ke idem, Ami nnyuŋ ndu ke Ete.

MARK 9:19

Edi Jesus ɔbɔrɔ mmɔ ete, O emana emi ananade mbuɔtidem, adaŋa didie ke ndidu ye mbufo? adaŋa didie ke ndime ime ye mbufo? da enye sɔk Mi. Mmɔ eda enye esɔk Jesus.

MATTHEW 17:17

Edi Jesus ɔbɔrɔ ete, O emana unana mbuɔtidem ye emana ukwaŋido, adaŋa didie ke ndidu ye mbufo? adaŋa didie ke ndime ime ye mbufo? Da enye sɔk Mi mi.

ZECHARIAH 8:14

Mbufo ekufeŋe ndik: yak ubɔk mbufo esɔŋɔ. Koro ntem ke Jehovah mme udim ɔdɔhɔ, ete, Kpa nte ŋkerede ndinam idiɔk ye mbufo ke ini mme ete mbufo ekeyatde mi esit, Jehovah mme udim ɔdɔhɔ, ndien utuaha mkpɔfiɔk:

HOSEA 8:5

Samaria, Enye afiari eyen enaŋ fo ɔduɔk; iyaresit mi asak ye mmɔ: adaŋa didie ke mmɔ midikemeke ndisana?

JEREMIAH 4:14

Ɔdɔdiɔk ye nnyin koro emesobo nnyin. O Jerusalem, yet esit fo idiɔk-ŋkpɔ fep, man enyaŋa fi. Adaŋa didie ke mme idiɔk ekikere fo ediduŋ fi ke esit?

MME ŊKE 1:22

Adaŋa didie ke mbufo mme ɔkɔi edima ɔkɔi? Nsahi edinyuŋ enem mbon nsahi, ndisime edinyuŋ esua ifiɔk?

ŊWED MME PSALM 95:8

Mfin emi, mbufo ema eyom ndikop uyo esie, Ekusɔŋ esit mbufo, nte ke Meribah, ye nte ke usen Massah ke wilderness:

EXODUS 10:3

Ndien Moses ye Aaron eka ke ebiet Pharaoh, ekedɔhɔ enye, ete, ntem ke Jehovah Abasi mme Hebrew ɔdɔhɔ ete, adaŋa didie ke afo edisin ndisuk idem ke iso mi? yak ikɔt mi eka, man ekenam ŋkpɔ enɔ mi.

EXODUS 32:9

Jehovah onyuŋ ɔdɔhɔ Moses, ete, Mmokut mbio emi, ndien sese, mmɔ edi mbon nsɔŋ-ibuot:

NUMBERS 32:10

Ndien Jehovah ayat esit ke usen oro, onyuŋ ɔŋwɔŋɔ ete,

JEREMIAH 13:10

Mme idiɔk mbio-obio emi minyimeke ndikop ikɔ mi, emi esaŋade ke itun esit mmɔ, enyuŋ ebinede abasi efen, enyuŋ enam ŋkpɔ mmɔ, enyuŋ etuak ibuot enɔ mmɔ, kpa mmɔ eyebiet ubɔp-isin emi mifɔnke ke baba nkpɔ kiet.

EZEKIEL 20:13

Ndien ufɔk Israel esɔŋ ibuot ye ami ke wilderness: mmɔ isaŋake ke mme ewuhɔ mi, edi esin mme item mi, emi owo ama anam mmɔ, owo eyedu uwem ke esit; mmɔ enyuŋ esabare mme sabbath mi eti-eti: ndien ndɔhɔ nte ke nyeŋwaŋa mmɔ ifuresit mi ke idem ke wilderness man nsobo mmɔ.

EXODUS 23:21

Kpeme idem fo bak enye, nyuŋ kop uyo esie, kuyat enye esit: koro enye midifenke mme idiɔk ido mbufo: koro enyiŋ mi odude enye ke idem.