NUMBERS 11:4 - Edisana ñwed Abasi Ibom

⁴ Ndien idiɔk itɔŋ ɔdɔŋ mbuaha udim owo emi edude ke otu mmɔ: nditɔ Israel enyuŋ etɔŋɔ ntak etua eyet, ete, Anie edinɔ nnyin unam eke itade?

NUMBERS 11:4 Referans Kwoze

1 ŊWED CORINTH 10:6

Mme ŋkpɔ emi edi uwut-ŋkpɔ enɔ nnyin, ndikpep nnyin ete, ikudiɔk itɔŋ ibine se idiɔkde, nte mmɔ ekanamde.

EXODUS 12:38

Ndien ŋko mbuaha udim owo esaŋa ye mmɔ edɔk; ye ŋkpri ufene, ye enaŋ, kpa ata ediwak ufene ŋkpɔ eti-eti.

ŊWED MME PSALM 106:14

Ndien idiɔk itɔŋ ɔdɔŋ mmɔ ke wilderness; mmɔ enyuŋ edomo Abasi ke desert.

1 ŊWED CORINTH 15:33

Ekubiaŋa idem mbufo ke ŋkpɔ emi. Idiɔk nsaŋa ababiat eti ido.

NEHEMIAH 13:3

Edikem ndien, adaŋemi mmɔ ekopde ewuhɔ oro, mmɔ edianare kpukpru owo eke ebuahade ye Israel efep.

ŊWED MBON ROME 13:14

Emen Ɔbɔŋ Jesus Christ esine, ekunyuŋ ebeŋe ŋkpɔ enim enɔ idiɔk udɔŋ obukidem.

EXODUS 16:3

nditɔ Israel enyuŋ edɔhɔ mmɔ ete, Akpakam ɔfɔn nnyin ndikpa ke ubɔk Jehovah ke isɔŋ Egypt, ke nnyin iketiede ke ɔtɔ eso unam, inyuŋ idiade udia iyuhɔ! koro mbufo emeda nnyin edi ke wilderness emi, ndiwot ofuri udim owo emi ke biɔŋ.

NUMBERS 14:22

Koro kpukpru mmɔ eke ekutde ubɔŋ mi, ye mme utibe ŋkpɔ mi emi ŋkanamde ke Egypt, ye ke wilderness, ema ekedomo mi utim ikoduop emi, ema enyuŋ esin uyo mi ndikop:

NUMBERS 16:13

Nte emi afo okosiode nnyin ke isɔŋ emi ɔfiɔrɔde mmɔŋ-eba ye aran-ɔkɔk, ndiwot nnyin ke wilderness, ikemke fi, ibɔhɔke ini afo onyuŋ ada ubɔŋ ke otu nnyin ŋko?

JEREMIAH 42:14

ete, Ih ih; edi nnyin iyeka isɔŋ Egypt, eke nnyin midikwe ekɔŋ, midinyuŋ ikopke uyom ukorowo, minyuŋ inanake udia, ndien iyetie do:

EXODUS 16:12

Mmokop nsuk-uyo nditɔ Israel; tiŋ nɔ mmɔ ete, Ke adaŋa mbubreyo, mbufo eyeta unam, ndien ke usenubɔk, eyeyuhɔ uyo; ndien mbufo eyefiɔk ete ke ami ndi Jehovah Abasi mbufo.

NUMBERS 11:18

Nyuŋ dɔhɔ kpukpru owo, ete, Enam idem mbufo esana ebeŋe mkpɔŋ, ndien mbufo eyeta unam; koro mbufo eketuade Jehovah ke utɔŋ, ete, Anie edinɔ nnyin unam eke itade? koro ɔkɔfɔnde ye nnyin ke Egypt: Jehovah ndien eyenɔ mbufo unam eke etade,

NUMBERS 14:1

NDIEN ofuri esop emenere uyo mmɔ eseme: kpukpru owo enyuŋ etua eyet ŋko ke okoneyo oro.

DEUTERONOMY 9:22

Mbufo ekenyuŋ eyat Jehovah esit ke Taberah, ye ke Massah, ye ke Kibroth-hattaavah.