NUMBERS 11:28 - Edisana ñwed Abasi Ibom

²⁸ Ndien Joshua eyen Nun, asaŋa-utom Moses, akparawa esie kiet, ɔbɔrɔ ete, Ɔbɔŋ mi Moses, kpan mmɔ.

NUMBERS 11:28 Referans Kwoze

JOHN 3:26

Ntre ke mmɔ etiene John ekɔdɔhɔ enye ete, Rabbi, Owo oro okodude ye afo ke edem Jordan oko, emi afo okonyuŋ etiede ntiense abaŋa Enye, Sese, Enye ke onim baptism, kpukpru owo enyuŋ etiene Enye.

JOSHUA 1:1

EDIKEM, ke adaŋemi Moses owo Jehovah ama akakpa, Jehovah ɔdɔhɔ Joshua eyen Nun, asaŋutom Moses, ete, Moses owo mi amakpa;

EXODUS 33:11

Ntem ke Jehovah osioŋo nneme ye Moses iso ye iso, nte emi owo osioŋode nneme ye ufan esie. Ndien enye afiak oduk ke nna; edi Joshua, eyen Nun, asaŋutom esie, akparawa, idahake ke tent.

EXODUS 17:9

Ndien Moses ɔdɔhɔ Joshua ete, Mek owo nɔ nnyin, ndien wɔrɔ kaŋwana ekɔŋ ye Amalek; mkpɔŋ ami nyeda ke ibuot obot oro, ye esaŋ Abasi ke ubɔk mi.

NUMBERS 11:27

Ndien akparawa kiet efehe eketiŋ ɔnɔ Moses, ete, Eldad ye Medad ke etiŋ prophecy ke nna.

EXODUS 24:13

Ndien Moses adaha ke enyɔn, ye Joshua asaŋa-utom esie; ndien Moses ɔdɔk ke obot Abasi.

1 CHRONICLES 7:27

ye Nun eyen esie, ye Joshua eyen esie.