NUMBERS 11:2 - Edisana ñwed Abasi Ibom

² Ndien kpukpru owo eseme enɔ Moses; ndien ke ini Moses ekpede Jehovah ubɔk, ikaŋ oro onime.

NUMBERS 11:2 Referans Kwoze

NUMBERS 21:7

Ndien kpukpru owo etiene Moses, ekedɔhɔ ete, Nnyin imenam idiɔk: koro nnyin inamde ikɔ ye Jehovah ye afo; kpe Jehovah ubɔk ete enye ɔbɔ nnyin urukikɔt emi efep.

JAMES 5:16

Mmɔdo eyarare idiɔk-ŋkpɔ mbufo enɔ kiet eken, enyuŋ ebɔŋ akam ebaŋa kiet eken, man ekɔk udɔŋɔ mbufo. Mkpe-ubɔk edinen owo enyene odudu eti-eti ndinam ŋkpɔ.

1 JOHN 5:16

Edieke owo okutde eyen-ete esie anamde idiɔk-ŋkpɔ eke midaha mkpa idi, enye eyenam mkpe-ubɔk, ndien Abasi eyeda uwem ɔnɔ enye, kpa ɔnɔ mmɔ eke minamke idiɔk-ŋkpɔ mkpa. Idiɔk-ŋkpɔ emi adade mkpa edi odu; ndɔhɔke nte owo anam mkpe-ubɔk abaŋa utɔ idiɔk-ŋkpɔ emi.

MME HEBREW 7:26

Emi edi oruk Akwa Oku emi ekemde ye nnyin, emi asanade, minyeneke ŋkari, minyuŋ iduehe, emi misaŋake ye mme anam-idiɔk, emi ema enyuŋ emen enim okoŋ akan mme heaven;

UTOM MME APOSTLE 8:24

Edi Simon ɔbɔrɔ ete, Ekpe Ɔbɔŋ ubɔk enɔ mi, ete, se mbufo etiŋde baba kiet okusim mi.

JEREMIAH 42:2

edidɔhɔ Jeremiah prophet, ete, Mbɔk, yak mkpe-ubɔk nnyin ɔsuhɔre ana fi ke iso, nyuŋ kpe Jehovah Abasi fo ubɔk baŋa nnyin, baŋa kpukpru mmɔ eke esuhɔde mi: koro nnyin emi ikewakde isuhɔde esisit, kpa nte enyin fo okutde nnyin:

JEREMIAH 37:3

Ndien edidem Zedekiah ɔdɔŋ Jehucal eyen Shelemiah, ye Zephaniah eyen Maaseiah oku, utom ke ɔtɔ Jeremiah prophet, ete, Mbɔk, kpe Jehovah Abasi nnyin ubɔk nɔ nnyin.

JEREMIAH 15:1

NDIEN Jehovah ɔdɔhɔ mi, ete, Moses ye Samuel ekpedu ke iso mi, ukpɔŋ mi ikpamaŋa mbio emi: sio mmɔ ke iso mi duɔk, yak mmɔ enyuŋ ewɔŋɔ.

ISAIAH 37:4

Mme Jehovah Abasi fo eyekop ikɔ Rabshakeh emi ete esie edidem Assyria ɔkɔdɔŋde ndisuene Abasi uwem; onyuŋ asua ɔnɔ ikɔ emi Jehovah Abasi fo okopde: menere ndien mkpeubɔk baŋa nsuhɔ emi edude mi.

ŊWED MME PSALM 106:23

Ndien enye ɔdɔhɔ, ete ke imɔ ikposobo mmɔ, ke mikpedige Moses edimek owo esie akada enye ke iso ke ɔtɔ ŋwure, onyuŋ akabare iyaresit esie efep, mbak edisobo mmɔ.

EXODUS 34:9

Enye onyuŋ ɔdɔhɔ ete, Mbɔk, edieke afo enende iso ye ami, O Ɔbɔŋ, mbɔk, yak Ɔbɔŋ mi asaŋa ke otu nnyin; koro mmɔ edide mbon nsɔŋibuot; nyuŋ fen ukwaŋ-ŋkpɔ nnyin, ye idiɔk ido nnyin, nyuŋ da nnyin nim ke udeme fo.

NUMBERS 12:11

Ndien Aaron ɔdɔhɔ Moses, ete, Ɔbɔŋ mi, mbɔk, kudori nnyin idiɔk ido emi, emi nnyin inamde ndisime, emi nnyin inyuŋ iduede.

NUMBERS 12:13

Ndien Moses eseme ɔnɔ Jehovah ete, Mbɔk, Abasi, nam udɔŋɔ okure enye ndien.

EXODUS 10:18

Ndien enye ɔwɔrɔ ɔkpɔŋ Pharaoh, ekekpe Jehovah ubɔk.