NUMBERS 11:13 - Edisana ñwed Abasi Ibom

¹³ Ke mmɔŋ ke ami ndida unam eke nnɔde kpukpru mbio emi? koro mmɔ etuade enɔ mi, ete, Nɔ nnyin unam eke itade.

NUMBERS 11:13 Referans Kwoze

MARK 8:4

Ndien mbet Esie ebɔrɔ Enye ete, Owo edikeme ndida uyo ke mmɔŋ nyuhɔ mme owo emi mi ke ebiet desert?

MATTHEW 15:33

Ndien mbet edɔhɔ Enye ete, Ke mmɔŋ ke nnyin idinyene uyo eke awakde ke desert emi ekem ndiyuhɔ adaŋa akwa otu owo emi?

MARK 9:23

Jesus ɔbɔrɔ enye ete, Edieke ekemede ndibuɔt idem! Kpukpru ŋkpɔ ekeme ndiwɔrɔ nnɔ enye emi ɔbuɔtde idem.

NUMBERS 11:21

Ndien Moses ɔdɔhɔ ete, Mbio emi ami ndude ke otu mmɔ esim tɔsin owo ke itie ikie itiokiet emi esaŋade ke ikpat; ndien afo ɔdɔhɔ ete, Nyenɔ mmɔ unam eke etade ofuri ɔfiɔŋ kiet.

NUMBERS 11:22

Nte eyewot kpukpru ŋkpri ufene ye enaŋ enɔ mmɔ, man ekem mmɔ?

NUMBERS 11:20

edi ke ofuri ɔfiɔŋ, tutu eyewɔrɔ mbufo ke odudu ibuo, onyuŋ anam mbufo ntek-esit: koro mbufo esuenede Jehovah emi odude ke otu mbufo, enyuŋ etuade eyet ke iso esie, ete, Nsinam nnyin ikɔwɔrɔde ke Egypt?

2 NDIDEM 4:43

Ndien owo esie ɔdɔhɔ ete, Ndinam didie nnim emi ke iso owo ikie? Ndien enye ete, Nɔ kpukpru owo, ete edia: koro ntem ke Jehovah ɔdɔhɔ ete,

2 NDIDEM 7:2

Ndien adidaha owo oro edidem eberede enye ke ubɔk, ɔbɔrɔ owo Abasi, ete, Sese, Jehovah ɔmɔŋ anam window ke ikpa-enyɔŋ! nte ŋkpɔ emi eyesu? Ndien enye ɔdɔhɔ ete, Sese, afo eyekut ke enyin fo, edi ududiaha ke esit.