NUMBERS 11:12 - Edisana ñwed Abasi Ibom

¹² Nte edi ami ŋkaman kpukpru mbio emi? nte ami ŋkobon mmɔ, eke esinde afo ɔdɔhɔ mi, ete, Kama mmɔ ke ikpanesit fo, kpa nte edep akamade eyennsek, ka ke isɔŋ, emi afo ɔkɔŋwɔŋɔde ɔnɔ mme ete mmɔ?

NUMBERS 11:12 Referans Kwoze

ISAIAH 49:23

Ndien ndidem eyedi mme andikɔ fi, iban mmɔ eyenyuŋ enɔ fi eba: mmɔ eyetuk iso ke isɔŋ enɔ fi, enyuŋ edei ɔkɔp ukot fo; ndien afo eyefiɔk ete ke ami ndi Jehovah, emi but midinamke mmɔ eke eberede idem ye ami.

ISAIAH 40:11

Enye eyebɔk ikɔt esiemɔ nte ɔbɔk ufene: eyetaŋ nditɔ erɔŋ ke ubɔk esie, akama ke ikpanesit esie, onyuŋ ada mme ɔnɔ-mmɔŋeba usuŋ.

1 ŊWED THESSALONICA 2:7

Edi nnyin iketie suŋ-suŋ ke otu mbufo, nte emi eka ɔbɔkde nditɔ esie mmɔ.

EXODUS 13:5

Ndien ama ekem ke ini Jehovah edidade mbufo oduk ke isɔŋ mme Canaanite, ye mme Hittite, ye mme Amorite, ye mme Hivite, ye mme Jebusite, emi enye ɔkɔŋwɔŋɔde ɔnɔ mme usɔ, ete iyenɔ mbufo, isɔŋ emi ɔfiɔrɔde mmɔŋ-eba ye aran-ɔkwɔk, ndien mbufo enam utom emi ke ɔfiɔŋ emi.

GENESIS 50:24

Ndien Joseph ɔdɔhɔ nditɔ-ete esie, ete, Ami mmɔŋ ŋkpa: ndien Abasi eyedi ndise mbufo, eyenyuŋ osio mbufo ke isɔŋ emi, ɔdɔk aka ke isɔŋ emi Enye ɔkɔŋwɔŋɔde ɔnɔ Abraham, ye Isaac, ye Jacob.

GENESIS 26:3

Daŋ ke idut emi, ndien nyedu ye afo, nyenyuŋ ndiɔŋ fi: nnyuŋ nda mme idut emi kpukpru nnɔ fi ye ubon fo; nyenyuŋ nnam ke uŋwɔŋɔ emi ŋkɔŋwɔŋɔde nnɔ Abraham usɔ;

ŊWED MBON GALATIA 4:19

Ŋkpri nditɔ mi, emi ntɔŋɔde ntak ndu ke ubiak uman mbaŋa mbufo, tutu Christ oboro mbufo ke esit;

JOHN 10:11

Ami ndi eti ekpeme-erɔŋ; eti ekpeme-erɔŋ ayak uwem Esie ɔduɔk kabaŋa mme erɔŋ.

EZEKIEL 34:23

Ndien nyenam ɔbɔk kiet eke edibɔkde mmɔ adaha ada akan mmɔ, kpa owo mi David; enye eyebɔk mmɔ, ndien mmɔ eyenyene enye ke andibɔk.

ISAIAH 49:15

Nte ŋwan ekeme ndifre eyen-nsek esiemɔ, nnyuŋ ntre nditua eyen emi enye amande mbɔm? Idem mmɔ ekeme ndifre, edi ami ndifreke fi.

GENESIS 13:15

ye nnasia; koro nyeda ofuri isɔŋ emi afo okutde, nnɔ fi ye ubon fo ke nsinsi.

1 ŊWED CORINTH 4:15

Koro mbufo ekpenyenyene mme andikpep thousand duop ke Christ, mbufo inyeneke ediwak ete; koro edi ami ŋkada gospel mbon mbufo ke Christ Jesus.

GENESIS 24:7

Jehovah Abasi enyɔŋ, emi akadade mi ke ufɔk ete, ye ke idut emana mi efep, emi okonyuŋ ɔdɔhɔde mi onyuŋ ɔŋwɔŋɔde ɔnɔ mi, ete, Nyenɔ ubon fo idut emi; Enye eyedɔŋ angel esie ebem fi iso, ndien afo eyeda ŋwan ko ɔnɔ eyen mi.

EXODUS 13:11

Ndien ama ekem, ke adaŋemi Jehovah edidade fi oduk ke isɔŋ mme Canaanite, nte emi enye ɔkɔŋwɔŋɔde ɔnɔ fi ye mme usɔ,

EXODUS 33:1

EKEM Jehovah ɔdɔhɔ Moses, ete, Afo ye mbio emi afo akadade ke isɔŋ Egypt ɔwɔrɔ, daha ke ɔtɔ emi, dɔk ke isɔŋ oro ŋkɔŋwɔŋɔde nnɔ Abraham, ye Isaac, ye Jacob, nte ke nyeda enye nnɔ ubon fo:

2 NDIDEM 10:1

NDIEN nditɔ Ahab owo ata ye duop edu ke Samaria. Ekem Jehu ewet ŋwed ɔnɔ esɔk mme etubom Jezreel ke Samaria, ye mbiowo, ye mme andibɔk ubon Ahab,

2 NDIDEM 10:5

Ndien etubom ufɔk, ye etubom obio, ye mbiowo, ye mme andibɔk, edɔŋ ekedɔhɔ Jehu, ete, Nnyin idi ikɔt fo, iyenyuŋ inam kpukpru se afo edidɔhɔde nnyin; nnyin idinimke baba owo kiet ke edidem: nam se ifɔnde fi ke enyin.

EXODUS 6:8

Nyenyuŋ nda mbufo nduk ke isɔŋ oro ŋkɔŋwɔŋɔde mbaŋa, nte, Nyeda enye nnɔ Abraham, ye Isaac, ye Jacob; Nyenyuŋ mmen enye nnɔ mbufo nte eda enyene: ami ndi Jehovah.

DEUTERONOMY 1:31

ye ke wilderness emi afo okokutde nte Jehovah Abasi fo akamade fi, kpa nte owo akamade eyen esiemɔ, ke ofuri usuŋ emi mbufo esaŋade, tutu mbufo edisim ke ebiet emi.