NUMBERS 10:33 - Edisana ñwed Abasi Ibom

³³ Ekem mmɔ edaŋa ke obot Jehovah, esaŋa isaŋ usen ita; ekebe ediomi Jehovah onyuŋ ebem mmɔ iso ke isaŋ usen ita, ndiyom ebiet nna nnɔ mmɔ.

NUMBERS 10:33 Referans Kwoze

DEUTERONOMY 1:33

emi ekebemde mbufo iso aka usuŋ, man enye oyom ebiet nna ɔnɔ mbufo, ke ikaŋ ke okoneyo, ete iwut mbufo usuŋ eke mbufo ekpesaŋade ke esit, ye ke obubit enyɔŋ ke uwemeyo.

EXODUS 3:1

NDIEN Moses ɔbɔk ufene Jethro, oku Midian, ete ŋwan esie; ndien enye ada ufene oro aka ke edem wilderness, onyuŋ osim ke Horeb obot Abasi.

MME HEBREW 13:20

Ndien Abasi emem, emi akanamde akwa Ekpeme-erɔŋ asaŋa ye iyip nsinsi ediomi eset ke mkpa,

EZEKIEL 20:6

Ke usen oro ke ŋkemenere ubɔk mi nnɔ mmɔ, nte, Nyesioŋo mmɔ ke isɔŋ Egypt, nda nduk ke isɔŋ emi ŋkeyepde nnɔ mmɔ, emi ɔfiɔrɔde mmɔŋ eba ye aran-ɔkwɔk; enye eyekan kpukpru mme idut.

JEREMIAH 6:16

Ntem ke Jehovah ɔdɔhɔ ete, Mbufo eda ke mme usuŋ, enyuŋ ese, enyuŋ ebup ebaŋa mme ɔkpɔ-usuŋ eset, ete, Eti usuŋ, enye? ndien mbufo esaŋa ke esit, enyuŋ ekut nduɔk-odudu ukpɔŋ mbufo. Edi mmɔ edɔhɔ ete, “Nnyin idisaŋake.”

JEREMIAH 3:16

Jehovah onyuŋ ɔdɔhɔ, ete, Ama ekem, koro mbufo eyewak enyuŋ esiaha ke isɔŋ ke eyo oro, mmɔ ididɔhɔke aba, ite, “Ekebe ediomi Jehovah”: enye idinyuŋ idukke aba mmɔ esit: mmɔ idinyuŋ itihi aba enye; inyuŋ iyomke; inyuŋ inamke aba.

ISAIAH 66:1

NTEM ke Jehovah ɔdɔhɔ, ete, Enyɔŋ edi ebekpo mi, isɔŋ onyuŋ edi udorukot mi: nso ufɔk ke mbufo edibɔp enɔ mi? Nso ebiet ke mbufo edinim ke nduɔk-odudu mi ŋko?

ISAIAH 28:12

emi enye ɔkɔdɔhɔde ye mmɔ, ete, Emi edi nduɔk-odudu, mbufo eyak mbon mba eduɔk odudu; emi onyuŋ edi nsukidem: edi mmɔ inyimeke ndikop.

ŊWED MME PSALM 95:11

Emi ŋkɔŋwɔŋɔde ke iyaresit mi mbaŋa, nte ke mmɔ ididukke ke nduɔk-odudu mi.

1 SAMUEL 4:3

Ndien adaŋemi mmɔ edukde ke nna - ekɔŋ, mbiowo Israel edɔhɔ ete, Nsinam Jehovah asuande nnyin mfin emi ke iso mme Philistine? Eyak nnyin idɔŋ ekeda ekebe ediomi Jehovah ke Shiloh esɔk nnyin, man enye edi ke otu nnyin, onyuŋ anyaŋa nnyin osio mme asua nnyin ke ubɔk.

JUDGES 20:27

Ndien nditɔ Israel ebup Jehovah (ekebe ediomi Abasi onyuŋ odu do ke usen oro;

JOSHUA 4:7

Ndien mbufo edibɔrɔ mmɔ ete, Mmɔŋ Jordan ama ekekpehe ke iso ekebe ediomi Jehovah; adaŋaemi enye ebede Jordan, mmɔŋ Jordan ekpehe: ndien mme itiat emi eyena ke editi ŋkpɔ nditɔ Israel ke nsinsi.

DEUTERONOMY 31:26

Mbufo eda ŋwed mbet emi ekediɔk ke ŋkaŋ ekebe ediomi Jehovah Abasi mbufo, man enye ana do nte ntiense abaŋa fi.

DEUTERONOMY 9:9

Ke adaŋemi ŋkɔdɔkde obot ŋka ndibɔ itiat-ŋwed ediomi emi Jehovah odiomide ye mbufo, ntie ke obot ke ofuri uwemeyo aba ye okoneyo aba, ndiaha udia, nnyuŋ ŋŋwɔŋke mmɔŋ,

NUMBERS 10:12

Ndien nditɔ Israel edaŋa isaŋ mmɔ ekpɔŋ wilderness a Sinai: ndien obubit enyɔŋ oro atuak ada ke wilderness a Paran.

EXODUS 19:3

Ndien Moses ɔdɔk etiene Abasi, ndien Jehovah etie ke obot okot enye edi, ete, Ntem ke afo edidɔhɔ ye ufɔk Jacob, onyuŋ etiŋ ɔnɔ nditɔ Israel, ete;

ISAIAH 11:10

Ndien ama ekem ke usen oro, mme idut eyetiene oruŋ Jesse emi adade nte banner mme idut: ndien itie nduɔk-odudu esie eyedi ubɔŋ.

JEREMIAH 31:2

Ntem ke Jehovah ɔdɔhɔ, ete, Mmɔ oro ekebɔhɔde ofut ekut mfɔn ke wilderness; ami ŋkasaŋa nte nnɔ Israel nduɔk-odudu.