NEHEMIAH 9:5 - Edisana ñwed Abasi Ibom

⁵ Ndien mme Levite, Jeshua, ye Kadmiel, ye Bani, ye Hashabneiah, ye Sherebiah, ye Hodiah, ye Shebaniah, ye Pethahiah, edɔhɔ, ete, Mbufo edaha ke enyɔŋ ekɔm Jehovah Abasi mbufo ke nsinsi nsinsi: yak mmɔ enyuŋ ekɔm enyiŋ ubɔŋ fo, emi okoŋde akan kpukpru ekɔm ye itoro.

NEHEMIAH 9:5 Referans Kwoze

1 PETER 1:3

Itoro enyene Abasi ye Ete Ɔbɔŋ nnyin Jesus Christ, emi, nte asaŋade ekekem ye akwa mbɔm Esie, okobonde nnyin obufa ada esin ke odu-uwem idori-enyin oto ke eriset Jesus Christ ke mkpa;

2 ŊWED CORINTH 4:6

Sia edide Abasi, emi ɔkɔnɔde uyo ete, Yak uŋwana ayama ke ekim, akayama nnyin ke esit, man Enye aŋwaŋare owo enyin ndifiɔk ubɔŋ Abasi ke iso Jesus Christ.

MATTHEW 11:25

Ke ini oro Jesus ɔbɔrɔ ete, Mmɔkɔm Fi, O Ete, Ɔbɔn enyɔŋ ye isɔŋ, koro Afo okodipde mbon eti ibuot ye mme asian mme ŋkpɔ emi, onyuŋ ayararede mmɔ ɔnɔ nsek nditɔ.

EZRA 3:11

Ndien mmɔ ekwɔ, ke etoro, enyuŋ ekɔm Jehovah, koro enye ɔfɔnde, koro ima esie (emi enye amade) Israel odude ke nsinsi. Ndien kpukpru owo efiori akamba mfiori, ke etoro Jehovah, koro etɔŋɔde ndibɔp ufɔk Jehovah.

1 CHRONICLES 29:13

Nnyin imɔkɔm fi, ndien, O Abasi nnyin, inyuŋ itoro enyiŋ ubɔŋ fo.

ŊWED MME PSALM 146:2

Nyetoro Jehovah ke ofuri uwem mi; nyebre nnɔ Abasi mi adaŋa ini nte ndidude uwem.

ŊWED MME PSALM 145:5

Nyetie ŋkere uyai ubɔŋ ubom fo, ye ikɔ mme utibe ŋkpɔ fo.

ŊWED MME PSALM 145:2

Nyekɔm fi ke kpukpru usen; nnyuŋ ntoro enyiŋ fo ke nsinsi-nsinsi.

ŊWED MME PSALM 134:1

SESE, mbufo kpukpru ikɔt Jehovah, emi edade ke ufɔk Jehovah ke okoneyo, etoro Jehovah.

ŊWED MME PSALM 106:2

koro ima esie ebigide ke nsinsi. Anie ekeme nditaŋ ese Jehovah, nnyuŋ mbuk ofuri itoro esie?

ŊWED MME PSALM 16:2

Ukpɔŋ mi, afo ɔmɔdɔhɔ Jehovah, ete, Afo edi Ɔbɔŋ mi;

2 CHRONICLES 20:19

Ndien mme Levite emi etode ke nditɔ mme Kohathite, ye eke mme Korahite, edaha ke enyɔŋ etoro Jehovah Abasi Israel ke ata ɔkpɔsɔŋ uyo.

2 CHRONICLES 20:13

Ndien ofuri Judah ada ke iso Jehovah, ye ŋkpri nditɔwɔŋ mmɔ, ye iban mmɔ, ye nditɔ mmɔ.

1 CHRONICLES 29:20

Ndien David ɔdɔhɔ ofuri esop oro, ete, Mbufo, ndien etoro Jehovah Abasi mbufo. Ndien ofuri esop oro etoro Jehovah Abasi mme ete mmɔ, enyuŋ enuhɔ, etuak ibuot enɔ Jehovah, ye edidem.

1 CHRONICLES 29:11

O Jehovah, ubom, ye odudu, ye ubɔŋ, ye akakan, ye uteŋe edi okuomɔ: koro kpukpru ŋkpɔ ke enyɔŋ ye ke isɔŋ emenyene fi; O Jehovah, itie edidem edi okuo, afo onyuŋ okoŋ nte etubom kpukpru.

1 NDIDEM 8:27

Nte Abasi eyeduŋ ke isɔŋ ndien ke akpanikɔ? Sese, enyɔŋ ye ata enyɔŋ ikemke fi, kpaŋ ɔfiɔk ufɔk emi ŋkɔbɔpde.

1 NDIDEM 8:22

Ndien Solomon ada ke iso itie-uwa Jehovah, ke iso ofuri esop Israel, ndien emenere ubɔk esie ke enyɔŋ: onyuŋ ɔdɔhɔ ete,

1 NDIDEM 8:14

Ndien edidem akabare iso esie, onyuŋ ɔdiɔŋ ofuri esop Israel: ndien ofuri esop Israel edaha eda.

DEUTERONOMY 28:58

Edieke afo mukpemeke ndinim kpukpru ikɔ mbet emi ewetde ke ŋwed emi, ndinyuŋ mbak enyiŋ ukpono ye ndik emi, JEHOVAH ABASI FO;

EXODUS 15:11

Anie, ke otu mme abasi ebiet fi O Jehovah? Anie ebiet fi, emi okponde ubɔŋ ke edisana ido, emi eteŋede ke itoro, anamde mme utibe ŋkpɔ?

EXODUS 15:6

Ubɔk nnasia fo, O Jehovah omokpon ke odudu: ubɔk nnasia fo, O Jehovah, amanuak mme asua fo mbai-mbai.

1 NDIDEM 8:15

Ndien enye ɔdɔhɔ, ete, Ekɔm Jehovah Abasi Israel, emi akadade inua esie etiŋ ɔnɔ David ete mi, okonyuŋ adade ubɔk esie anam osu, ete,

NEHEMIAH 9:4

Mme Levite enyuŋ edaha eda ke ɔtɔ eke edɔkde, kpa Jeshua ye Bani, ye Kadmiel, ye Shebaniah, ye Bunni, ye Sherebiah, ye Bani, ye Che-nani, enyuŋ eseme enɔ Jehovah Abasi mmɔ ke ɔkpɔsɔŋ uyo.

NEHEMIAH 9:6

Afo edi enye, O Jehovah, afo ikpɔŋ: edi afo akanam ikpa-enyɔŋ, ye ata enyɔŋ, ye kpukpru udim mmɔ, ye isɔŋ, ye kpukpru se idude ke esit, ye inyaŋ ye kpukpru se idude ke esit, afo onyuŋ onim kpukpru mmɔ uwem; udim enyɔŋ enyuŋ etuak ibuot enɔ fi.

JUDGES 13:18

Ndien angel Jehovah ɔdɔhɔ enye, ete, Nsinam afo obupde enyiŋ mi? ŋkɔm enye edi utibe.

1 CHRONICLES 16:36

Mbufo ekɔm Jehovah Abasi Israel ke nsinsi nsinsi. Ndien kpukpru owo ebɔ, ete, Amen, enyuŋ etoro Jehovah.

ŊWED JOB 1:21

Enye onyuŋ ɔdɔhɔ ete: Ŋkoto iferi ke idibi eka mi ŋwɔrɔ, nyenyuŋ mfiak do iferi: edi Jehovah ɔkɔnɔ, Jehovah onyuŋ ɔbɔ; ekɔm enyiŋ Jehovah.

ŊWED MME PSALM 66:2

Ekwɔ ubɔŋ enyiŋ esie: enim itoro esie ke ŋkpɔ ubɔŋ.

ŊWED MME PSALM 99:3

Mmɔ eyetoro akwa enyiŋ ndik fo: enye edi edisana.

DANIEL 2:20

Ndien Daniel ɔkɔm Abasi enyɔŋ. Daniel ɔbɔrɔ ete, Yak ekɔm enyiŋ Abasi ke nsinsi nsinsi: koro ifiɔk ye odudu enyenede enye: