NEHEMIAH 9:2 - Edisana ñwed Abasi Ibom

² Ubon Israel enyuŋ edia-nare ye kpukpru isen owo, enyuŋ eda eyarare mme idiɔk ido mmɔ, ye mme ukwaŋ-ŋkpɔ mme ete mmɔ.

NEHEMIAH 9:2 Referans Kwoze

NEHEMIAH 13:3

Edikem ndien, adaŋemi mmɔ ekopde ewuhɔ oro, mmɔ edianare kpukpru owo eke ebuahade ye Israel efep.

EZRA 10:11

Mbufo enyime ndien enɔ Jehovah Abasi mme ete mbufo, enyuŋ enam se enye amade: enyuŋ edianare idem mbufo ke mbio idut, ye ke isen iban oro efep.

NEHEMIAH 13:30

Ntre ke nsioŋo kpukpru isen owo mfep, nnam mmɔ (eken) esana, nnyuŋ nda ŋka mme oku, ye eke mme Levite, nnim ke itie-ukpeme, kpukpru owo kiet kiet ke itie utom mmɔ:

DANIEL 9:20

Ndien ke adaŋemi ami nsuk ndɔhɔde ikɔ, nnyuŋ mbɔŋ akam, nnyuŋ ntiŋ idiɔk ido mi, ye mme idiɔk ido oruk mi Israel, nnyuŋ nnim mkpe-ubɔk mi ke iso Jehovah Abasi mi, mbaŋa edisana obot Abasi mi:

HOSEA 5:7

Mmɔ emenam abiaŋa ye Jehovah: koro ebonde isen nditɔ: ke emi ɔfiɔŋ kiet eyedia mmɔ ye mme udeme mmɔ.

ŊWED MME PSALM 144:11

Fabare mi, nyuŋ sio mi fep ke ubɔk nditɔ idut, emi inua mmɔ esude nsu, ubɔk nnasia mmɔ onyuŋ edi nnasia abiaŋa.

EZRA 9:2

Koro mmɔ edade nditɔ-iban mmɔ enɔ idem mmɔ ye nditɔ-iren mmɔ edɔ: ema enyuŋ ebuak edisana mbon ye mbon mme idut: ndien ubɔk mbɔŋ ye eke mme ebierikpe edi etubom ke idiɔk ido emi.

ISAIAH 2:6

Koro afo ɔmɔduɔk ikɔt fo, ufɔk Jacob, koro se itode ke edem usiaha-utin ɔyɔhɔde ke otu mmɔ, mmɔ enyuŋ ebre idiɔŋ, nte mme Philistine; enyuŋ esaŋa ŋkpɔ nte nditɔ mme idut.

ŊWED MME PSALM 144:7

Tie ke enyɔŋ nyan ubɔk fo; fabare mi nyuŋ sio mi ke akwa mmɔŋ, ye ke ubɔk nditɔ esen owo;

NEHEMIAH 1:6

mbɔk, kpaŋ utɔŋ, nyuŋ tat enyin, man okop mkpe-ubɔk owo fo, emi ami ŋkpede ke iso fo mfin, ke uwemeyo ye ke okoneyo, mbaŋa nditɔ Israel ikɔt fo, nnyuŋ nyarare mme idiɔk ido nditɔ Israel, emi nnyin ikenamde ye afo kpa ami ye ufɔk ete mi ikedue.

EZRA 9:15

O Jehovah Abasi Israel, afo emenen: koro nnyin emi ibɔhɔde imesuhɔ, nte edide mfin emi: sese, nnyin imedu ke iso fo ke isop nnyin: koro ŋkpɔ emi miyakke baba owo kiet ekeme ndida fi ke iso.

1 NDIDEM 8:47

edi mmɔ ema ekere ke esit mmɔ ke isɔŋ eke etaŋde mmɔ efep eka do, enyuŋ ekabarede, ekpe fi ubɔk ke isɔŋ mmɔ eke etaŋde mmɔ efep, ete, Nnyin imedue, imonyuŋ inam ukwaŋ - ŋkpɔ, imonyuŋ idiɔk;

EZRA 6:21

Ndien nditɔ Israel oro eketode ke itie ntaŋmfep efiak edi, ye kpukpru mmɔ eke ekedianarede idem mmɔ efep ke mbubiam ido mbon idut oro, ediana ye mmɔ eyom Jehovah Abasi Israel, edia,

EZRA 9:1

EKEM ke mme ŋkpɔ emi ema ekebe, mbɔŋ edi ke etɔ mi, ete, Nditɔ Israel, ye mme oku, ye mme Levite, idianakede idem mmɔ ifep ke mbon idut, edi enim mbubiam ido mmɔ, kpa eke mme Canaanite, ye eke mme Hittite, ye mme Perizzite, ye mme Jebusite, ye mme Ammonite, ye mme Moabite, ye mme Egyptian, ye mme Amorite.

NEHEMIAH 10:28

Ndien kpukpru owo eŋwen, mme oku, ye mme Levite, ye mme etie-usuŋ, ye mme ɔkwɔ-ikwɔ, ye mme Nethinim, ye kpukpru owo eke ekedianarede idem mmɔ ye mbio mme idut efep, enim mbet Abasi, iban mmɔ, ye nditɔ-iren mmɔ, ye nditɔ-iban mmɔ, kpukpru enyene-ibuot ye ɔfiɔkŋkpɔ owo;

MME ŊKE 28:13

Owo eke odipde idiɔk ido esie idikwe unen: edi owo eke ayararede, onyuŋ ɔkpɔŋde mmɔ, eyekut mbɔm.

JEREMIAH 3:13

Diɔŋɔ idiɔk ido fo ikpɔŋ-ikpɔŋ: koro afo emedue Jehovah Abasi fo, onyuŋ asuan usuŋ fo ɔnɔ isen owo ke idak kpukpru awawa eto, mbufo inyuŋ ikopke uyo mi, Jehovah ɔdɔhɔ.

JEREMIAH 14:20

nnyin idori enyin ke emem, ndien eti ŋkpɔ iduhe: idori enyin ke ini ukɔk, ndien, sese, akwa ndik! Nnyin imɔdiɔŋɔ mme idiɔk ido nnyin, O Jehovah, ye mme ukwaŋ-ŋkpɔ mme ete nnyin: koro nnyin imanam idiɔk ye afo.

NEHEMIAH 10:29

ediana ye nditɔ-ete mmɔ, ye mbɔŋ mmɔ, enyuŋ eduk ke isuŋi, ye ke uŋwɔŋɔ, ete, ke mmimɔ iyesaŋa ke mbet Abasi, emi ekenɔde ke ubɔk Moses owo Abasi, inyuŋ ikpeme, inyuŋ inam kpukpru mbet Jehovah Ɔbɔŋ nnyin, ye mme item esie, ye mme ewuhɔ esie;