NEHEMIAH 8:3 - Edisana ñwed Abasi Ibom

³ Ndien enye okot ke esit ke iso aŋwa emi odude ke iso inua-otop mmɔŋ, ɔtɔŋɔde ke usiere tutu osim ufɔt uwemeyo, ke iso iren-owo ye iban, ye mmɔ eke enyenede ibuot: ndien kpukpru owo ekpaŋ utɔŋ enɔ ŋwed mbet.

NEHEMIAH 8:3 Referans Kwoze

ERIYARARE 3:22

Yak owo eke enyenede utɔŋ okop se Spirit ɔdɔhɔde mme ufɔk Abasi.

ERIYARARE 2:29

Yak owo eke enyenede utɔŋ okop se Spirit ɔdɔhɔde mme ufɔk Abasi.

1 ŊWED THESSALONICA 2:13

Ndien ke ntak emi nnyin itreke ndinɔ Abasi ekɔm, ite, ke ini mbufo ebɔde ikɔ emi Abasi ɔnɔde ke ubɔk nnyin esɔk mbufo, mbufo idaha enye nte ikɔ owo, edi eda enye nte ikɔ Abasike akpanikɔ edi oroikɔ oro onyuŋ anam utom ke esit mbufo emi enimde ke akpanikɔ.

UTOM MME APOSTLE 28:23

Ntre ke mmɔ emek usen enim enɔ enye, enyuŋ esaŋa uwak-uwak edi ke ebiet emi enye odude. Ndien tɔŋɔ usenubɔk tutu mbubreyo, enye aŋwaŋade ŋkpɔ ɔnɔ mmɔ, ɔkwɔrɔ Ubɔŋ Abasi, onyuŋ osioŋo ikɔ ke ibet Moses ye mme-prophet, aŋwana ndiwɔŋɔre mmɔ esit mbaŋa Jesus.

UTOM MME APOSTLE 17:11

Mmɔ emi edi enyene-ido ekan mme andiduŋ Thessalonica; mmɔ ekop ikɔ ke erinyime esit, enyuŋ eduŋɔre ŋwed Abasi ke usen ke usen, ete ifiɔk mme mme ikɔ oro ekem ntre.

UTOM MME APOSTLE 16:14

Ndien ŋwan kiet ekere Lydia, emi otode ke obio Thyatira, anyam ididuot ɔfɔŋ, emi okponode Abasi, okop se itiŋde: Ɔbɔŋ onyuŋ eberere enye esit, anam enye ɔbiɔŋ utɔŋ ɔnɔ ikɔ oro Paul etiŋde.

UTOM MME APOSTLE 15:21

Koro toto ke eset Moses ama enyene mmɔ emi ekwɔrɔde enye ke kpukpru obio, ke emi ekotde enye ke mme synagogue kpukpru sabbath.

UTOM MME APOSTLE 13:27

Koro mmɔ emi eduŋde ke Jerusalem, ye mme andikara mmɔ, sia mmɔ mifiɔkke Enye, minyuŋ ifiɔkke mme uyo mme prophet, emi ekotde ke sabbath ke sabbath, enam uyo mmɔ esu ke edibiom Enye.

UTOM MME APOSTLE 13:15

Edi ke ema ekekot mbet ye mme prophet ema, mme etubom synagogue edɔŋ edidɔhɔ mmɔ ete, Nditɔ-ete, edieke mbufo enyenede item eke enɔde mbio-obio, etiŋ.

LUKE 19:48

edi mmɔ ikwe nte ekpanamde; koro kpukpru owo eyirede Enye, ndikop ikɔ Esie.

LUKE 8:18

Etiŋ enyin ekpeme ndien adaŋa nte mbufo ekopde: koro owo ekededi eke enyenede, eyenɔ enye edian; edi owo ekededi eke minyeneke, eyebɔ enye kpa se enye esede ete imɔ inyene.

MARK 12:37

David ke idem esie okot Enye, ete, Ɔbɔŋ, didie ndien ke Enye edi Eyen esie? Ndien mbio-obio ekop ikɔ Esie ye idaresit.

UTOM MME APOSTLE 20:11

Ndien Paul afiak ɔdɔk enyɔŋ okobuŋ uyo, ata; ndien ke enye ama ekeneme nneme ye mmɔ ebigi, osim usiere, enye ɔkpɔŋ mmɔ ɔnyɔŋ.

UTOM MME APOSTLE 20:7

Edi ke akpa usen urua, ke ini nnyin ibonode ɔtɔ kiet ndibuŋ uyo, Paul ɔkwɔrɔ ikɔ ɔnɔ mmɔ, koro enye aduakde ndikpɔŋ mmɔ ke ndaŋ-nsiere; enye onyuŋ etiŋ ikɔ tutu osim ufɔt okoneyo.

NEHEMIAH 8:1

EKEM kpukpru owo esop idem ɔtɔ kiet, nte owo kiet, ke aŋwa emi odude ke iso inua-otop mmɔŋ; ndien mmɔ edɔhɔ Ezra, ɔfiɔk-ŋwed, ete enye ada ŋwed mbet Moses, emi Jehovah okowukde Israel, edi.

NEHEMIAH 8:4

Ndien Ezra ɔfiɔk-ŋwed ada ke enyɔŋ okpokoro obukpɔk, emi ekenamde ebaŋa ŋkpɔ emi; ndien Mattithiah, ye Shema, ye Anaiah, ye Uriah, ye Hilkiah, ye Maaseiah, eda enye ke ŋkaŋ ke ubɔk nnasia; Pedaiah, ye Mishael, ye Malchijah, ye Hashum, ye Hashbad-danah, ye Zechariah, ye Meshullam, enyuŋ eda enye ke ubɔk ufien.

NEHEMIAH 8:5

Ndien Ezra ɔkubɔre ŋwed ke iso kpukpru owo; (koro enye okoŋde akan kpukpru owo) ndien adaŋemi enye ɔkubɔrede ŋwed

DEUTERONOMY 31:9

Ndien Moses ewet ŋwed mbet emi, onyuŋ emen enye ɔnɔ mme oku, nditɔ Levi, emi ebiomde ekebe ediomi Jehovah, onyuŋ ɔnɔ kpukpru mbiowo Israel.

JOSHUA 8:35

Ndien ikɔ ndomo kiet eke Joshua mikotke ke iso ofuri esop Israel, ye iban, ye nditɔwɔŋ, ye isen owo emi esaŋade ke otu mmɔ, iduhe ke otu kpukpru se Moses eketemede.

NEHEMIAH 8:18

Ndien enye etiŋ ŋwed ibet Abasi kpukpru usen, toto ke akpa usen tutu osim ke akpatre usen, ndien mmɔ enim usɔrɔ ke ofuri usen itiaba; ndien ke ɔyɔhɔ usen itiaita, mmɔ enim akamba esop nte ekam esinamde.

NEHEMIAH 10:29

ediana ye nditɔ-ete mmɔ, ye mbɔŋ mmɔ, enyuŋ eduk ke isuŋi, ye ke uŋwɔŋɔ, ete, ke mmimɔ iyesaŋa ke mbet Abasi, emi ekenɔde ke ubɔk Moses owo Abasi, inyuŋ ikpeme, inyuŋ inam kpukpru mbet Jehovah Ɔbɔŋ nnyin, ye mme item esie, ye mme ewuhɔ esie;

NEHEMIAH 13:1

KE usen oro mmɔ etiŋ ŋwed Moses ke utɔŋ kpukpru owo; enyuŋ ekut nte ewetde ke esit, ete eyen Ammon ye eyen Moab ekuduk ke esop Abasi ke nsinsi: