NEHEMIAH 8:10 - Edisana ñwed Abasi Ibom

¹⁰ Ndien enye ɔdɔhɔ mmɔ, ete, Mbufo eka eketa isek, enyuŋ eŋwɔŋ iniŋe, enyuŋ enɔ enɔ esɔk owo eke mitimke baba ŋkpɔ kiet ibeŋe enye: koro mfin emi edide edisana usen Ɔbɔŋ nnyin: mbufo ekufuhɔ ndien; koro idaresit Jehovah edide odudu mbufo.

NEHEMIAH 8:10 Referans Kwoze

MME ŊKE 17:22

Idaresit ɔfɔn owo ke idem: edi esit mfuhɔ aŋwan owo ɔkpɔ.

ECCLESIASTES 9:7

Ka kadia udia fo ke idaresit, nyuŋ ŋwɔŋ wine fo ke inemesit: koro utom fo ama enem Abasi esit ama.

ŊWED MME PSALM 149:2

Yak Israel adat esit abaŋa andibot enye: yak nditɔ Zion ebre ebaŋa edidem mmɔ.

ISAIAH 61:10

Nyedat esit eti-eti ke Jehovah, ukpɔŋ mi eyebre abaŋa Abasi mi: koro enye emesine mi edisine-ŋkpɔ erinyaŋa ke idem, amada ekura edinen ido ofuk mi, kpa nte ɔdɔ-ŋwan ayarade anyanya esiemɔ, ye nte ŋwan ndɔ esinede ŋkpɔ mbana esie ke idem.

ESTHER 9:19

Mmɔdo mme Jew obio iŋwaŋ, eke eduŋde ke mme obio iŋwaŋ, enimde ɔyɔhɔ usen ɔfiɔŋ Adar duopenaŋ ke usen idara, ye udia, ye ufɔn, ye eke owo enɔde enɔ esɔk mbɔhiduŋ mmɔ.

2 ŊWED CORINTH 8:2

ete, ke akwa ukut eke odomode mmɔ, uwak-ŋkan idaresit mmɔ ye ɔkpɔsɔŋ unana mmɔ akanam akwa ntarubɔk mmɔ owut idem uwak-uwak

ESTHER 9:22

ke usen emi mme Jew ekebɔhɔde mme asua mmɔ eduɔk odudu, ye ke ɔfiɔŋ emi ukut akabarede ɔnɔ mmɔ ke idara, ye eseme ke eti usen: ete enim mmɔ ke usen udia ye idara, ye eke owo enɔde enɔ esɔk mbɔhɔiduŋ mmɔ, ye eke efɔnde ido ye mme ubuene.

ECCLESIASTES 3:13

Ndien ŋko ama edi kpukpru owo eke ediade ŋkpɔ enyuŋ eŋwɔŋde, enyuŋ ekutde eti ŋkpɔ ke kpukpru ɔkpɔsɔŋ utom mmɔ, emi onyuŋ edi enɔ Abasi.

ECCLESIASTES 2:24

Baba ŋkpɔ kiet ifɔnke ye owo, ikan ndidia ŋkpɔ, nnyuŋ ŋŋwɔŋ, nnyuŋ nnam ukpɔŋ esie adia se ifɔnde ke utom esiemɔ. Ama edi emi ŋko, ami mmokut nte ke oto Abasi ke ubɔk.

ECCLESIASTES 11:2

Da ubak nɔ itiaba, nɔ itiaita ŋko: koro afo mufiɔkke idiɔk-ŋkpɔ eke edidude ke ererimbot.

ŊWED MBON PHILIPPI 3:4

Ami ke idem mi ŋkponyuŋ mbeberi idem ke obukidem. Edieke owo ekededi esede ete imekeme ndiberi idem ke obukidem, ami ŋkeme ŋkan.

LUKE 11:41

Ekam eda mme ŋkpɔ eke edude ke esit mmɔ enɔ mme ubuene, ndien sese, kpukpru ŋkpɔ esana enɔ mbufo.

IKWƆ SOLOMON 5:1

O EYEN-EKA mi, ŋwan mi, mmoduk ke iŋwaŋ mi: mmɔŋ ntaŋ myrrh mi, ye ufuɔŋkpɔ mi, mmɔŋ ndia aran-ɔkwɔk mi, ye obukpa ɔkwɔk mi; mmɔŋ ŋŋwɔŋ wine mi ye mmɔŋ-eba mi. O mme ufan, mbufo edia: mbufo, mbon ima, eŋwɔŋ, eŋwɔŋ uwak-uwak.

ECCLESIASTES 5:18

Se ŋkpɔ emi ami nsede ke eti ŋkpɔ, ye ke ediye ŋkpɔ, kpa owo ndidia nnyuŋ ŋŋwɔŋ, nnyuŋ ŋkut se ifɔnde ke kpukpru utom esie, eke enye anamde ke idak utin, ke adaŋa ibat mme usen esie eke Abasi ɔnɔde enye: koro udeme esie edi oro.

JOEL 2:23

Mbufo nditɔ Zion ebre ndien mbre, enyuŋ edara Jehovah Abasi mbufo; koro enye ɔnɔde mbufo akpa edim nte enende, onyuŋ anam akpa edim ye akpatre edep ɔnɔ mbufo, kpa nte eke akpa.

ERIYARARE 11:10

Ndien mme andiduŋ ke isɔŋ edat esit ebaŋa mmɔ, enyuŋ enam idara, enyuŋ enɔ enɔ esɔk kiet eken, koro mme prophet iba oro ekɔtuhɔrede mme andiduŋ ke isɔŋ.

1 SAMUEL 25:8

Bup mkparawa fo, ndien mmɔ eyetiŋ enɔ fi. Fɔn ido ndien ye mkparawa emi: koro nnyin idide ke eti usen: mbɔk, da se idukde fi ke ubɔk nɔ ikɔt fo, ye eyen fo David.

NEHEMIAH 8:11

Ntre ke mme Levite enam kpukpru owo eda suŋ, ete, Mbufo edop, koro mfin emi edide edisana; mbufo ekunyuŋ efuhɔ.

NEHEMIAH 8:12

Ndien kpukpru owo eka ndidia ŋkpɔ, nnyuŋ ŋŋwɔŋ, nnyuŋ nnɔ enɔ esɔk owo, nnyuŋ nnam akamba idara: koro mmɔ etimde efiɔk ikɔ emi esiakde enɔ mmɔ.

ZECHARIAH 14:21

Ndien kpukpru eso ke Jerusalem ye ke Judah eyedi ndisana ŋkpɔ Jehovah mme udim: ndien kpukpru mme awa-uwa eyedi edida mmɔ, enyuŋ etem ŋkpɔ ke esit. Ndien ke usen oro baba Canaanite kiet ididuhe aba ke ufɔk Jehovah mme udim.

1 NDIDEM 8:66

Ke ɔyɔhɔ usen itiaita enye ayak mbon oro enyɔŋɔ: ndien mmɔ ekɔm edidem, enyuŋ enyɔŋɔ ke mme tent mmɔ, edat esit enyuŋ enem esit ebaŋa kpukpru mfɔn emi Jehovah ɔkɔfɔnde David owo esie, ye Israel ikɔt esie.

1 CHRONICLES 16:27

Ubɔŋ ye ukpono edu enye ke iso; odudu ye idaresit edu ke ebiet esie.

ŊWED MME PSALM 89:17

Koro afo edide ubɔŋ odudu mmɔ: mfɔnido fo eyenyuŋ emenere nduk nnyin ke

ISAIAH 49:5

Ndien ke emi, emi edi uyo Jehovah emi okobotde mi ke itie-eyen onim ke owo esiemɔ, man nda Jacob mfiak nsɔk enye; edi iditaŋke Israel ibon; edi ami nyennyene ukpono ke iso Jehovah, Abasi mi omonyuŋ edi odudu mi.