NEHEMIAH 7:2 - Edisana ñwed Abasi Ibom

² Ndien ami ndɔhɔ Hanani eyenete mi, ye Hananiah etubom akwa ufɔk, nte ekara Jerusalem; (koro enye edide owo akpanikɔ, onyuŋ abakde Abasi akan ediwak owo):

NEHEMIAH 7:2 Referans Kwoze

NEHEMIAH 1:2

Ndien Hanani, owo nditɔ-ete mi kiet, oto edi, ye ndusuk nditɔ Judah, ndien mbup mmɔ mbaŋa mme Jew oro ekebɔhɔde, emi esuhɔde ke otu mmɔ oro eketode ke itie ntaŋ-mfep, nnyuŋ mbup mbaŋa Jerusalem.

MATTHEW 25:21

Ɔbɔŋ esie ete, Omotim anam, afo eti asaŋutom ye owo akpanikɔ: akanam akpanikɔ ke se miwakke; nyenim fi ekpeme ediwak ŋkpɔ; duk ke idara ɔbɔŋ fo.

ŊWED MME PSALM 101:6

Ntiŋ enyin ke mbon akpanikɔ ke isɔŋ, man mmɔ eduŋ ye ami: owo eke asaŋade ke usuŋ emi ɔfɔnde ama, eyenam ŋkpɔ mi.

NEHEMIAH 10:23

Anaiah, Hoshea, Hananiah,

NEHEMIAH 2:8

ye ŋwed kiet eke ndade nsɔk Asaph andikpeme akai emi enyenede edidem, ete enye ɔnɔ mi eto ke eke obubɔk usuŋ edikoŋ ufɔk temple, ye ke eke ibibene obio, ye ke eke ufɔk eke ami ndiduŋde ke esit. Ndien edidem ɔnɔ mi oto edifɔn ubɔk Abasi mi emi odude ye ami.

1 NDIDEM 18:3

Ekem Ahab okot Obadiah, emi edide etubom ufɔk esie. (Ndien Obadiah abak Jehovah eti-eti:

2 ŊWED TIMOTHY 2:2

Nyuŋ men mme ikɔ emi okokopde mi ke inua ke iso ediwak ntiense, yak nɔ mbon akpanikɔ, eke edikemede ndikpep owo eŋwen ŋko.

1 ŊWED CORINTH 4:2

Ŋkɔm owo eyom ete mme akama-ukpɔhɔre edi mme anam-akpanikɔ.

DANIEL 6:4

Ndien ikpɔ owo ye mbɔŋ oro esin ubɔk eyom ndikut ikɔ eke ekpedoride Daniel ke edem ŋkpɔ obio; edi mmɔ ikemeke ndikut baba ŋkpɔ kiet ye idiɔk ido kiet eke ekpedoride enye, koro enye edide owo akpanikɔ, ndien mmɔ ikwe baba ndudue kiet, ye baba idiɔk ido kiet eke ekpedoride enye.

ŊWED JOB 1:1

OWO kiet, ekere Job, okodu ke isɔŋ Uz: ndien owo oro ɔfɔn ama, onyuŋ enen, onyuŋ abak Abasi, onyuŋ afara ke idiɔk.

NEHEMIAH 13:13

Ndien nda Shelemiah oku, ye Zadok ɔfiɔk-ŋwed, ye Pedaiah owo mme Levite kiet, nnim ke mme ese-ufɔk unim-ŋkpɔ: ndien Hanan eyen Zaccur, eyen Mattaniah, onyuŋ ɔbɔ mmɔ ubɔk, koro ebatde mmɔ ke mbon akpanikɔ; ndien mmɔ eyene ndideme nnɔ nditɔ-ete mmɔ.

NEHEMIAH 5:15

Edi ama edi mbemiso mme andikara oro ekebemde mi iso, mmɔ eketuk mbio-obio, enyuŋ ebɔ mmɔ uyo ye wine, ekɔrɔ ye shekel silver aba. Ikɔt mmɔ ŋko enyuŋ ekara mbio-obio.

1 NDIDEM 18:12

Ndien ama ekem ke ini ami ndinyɔŋɔde ŋkpɔŋ fi, spirit Jehovah eyemen fi aka ke ebiet eke mmendifiɔkke; ndien ke ini ŋkade ŋketiŋ nnɔ Ahab, ndien enye midikwe fi, enye eyewot mi; edi owo fo edi andibak Jehovah toto ke ini uyen mi.

2 SAMUEL 23:3

Abasi Israel ɔdɔhɔ, Akwa Itiat Israel etiŋ ɔnɔ mi, ete, Edinen andikara owo eyedu, ada uteŋe Abasi akara;

NUMBERS 12:7

Moses owo mi itiehe ntem: enye edi owo akpanikɔ ke ofuri ufɔk mi.

EXODUS 18:21

Afo nyuŋ mek mbon ikike ke otu kpukpru owo, owo eke ebakde Abasi, mbon akpanikɔ eke esuade ŋwo: nyuŋ dori mmɔ ete edi mme etubom mme tɔsin, ye mme etubom mme ikie, ye mme etubom mme aba ye udop, ye mme etubom mme duop.

GENESIS 42:18

Ekem, ke ɔyɔhɔ usen ita, Joseph ɔdɔhɔ mmɔ ete, Mbufo enam ŋkpɔ emi edu uwem; ami mfefehe Abasi.

MATTHEW 24:45

Anie ndien edi asaŋutom emi anamde akpanikɔ, onyuŋ enyenede ɔniɔŋ, emi ete esie okonimde ete, akara mbon ufɔk imɔ, onyuŋ ɔnɔ mmɔ udia ke edikem ini?

NEHEMIAH 7:3

ndien ndɔhɔ mmɔ, nte ekuberere usuŋ Jerusalem tutu eyo ɔsɔŋ; ndien adaŋemi mmɔ esuk edade do, yak eberi itim, enyuŋ ekɔbi: mmɔ enyuŋ enim ndusuk mbio Jerusalem, ete ekpeme, kpukpru owo ke itie ukpeme mmɔ, ye kpukpru owo ke iso esien mmɔ.