NEHEMIAH 6:12 - Edisana ñwed Abasi Ibom

¹² Ndien, sese, ŋkut nte ke idige Abasi ɔdɔŋ enye utom; edi enye eketiŋ prophecy emi abaŋa mi: koro Tobiah ye Sanballat ekenɔde enye ŋkpɔ.

NEHEMIAH 6:12 Referans Kwoze

EZEKIEL 13:22

Koro mbufo edade nsu eyat edinen owo esit, emi ami mmenyatke; enyuŋ esɔŋde mme idiɔk owo ubɔk, man enye okukpɔŋ idiɔk ido esie afiak, man enim enye uwem:

ERIYARARE 18:13

ye cinnamon, ye balsam, ye ufuɔŋkpɔ, ye myrrh, ye frankincense, ye wine, ye aran, ye eti ndomuyo, ye ibokpot, ye ufene, ye erɔŋ; ye enaŋ-mbakara, ye ukpat-ŋkpɔ, ye ikpɔhidem owo, ye ukpɔŋ owo.

2 PETER 2:3

Ke mbumek mmɔ ke eyeda ikɔ abiaŋa ekama mbufo enam mbubine; toto ke eset ubiom-ikpe mmɔ itreke ndibine mme mmɔ emi, nsobo mmɔ inyuŋ iyetke idap.

1 PETER 5:2

nnyuŋ ndide ntiense ndutuhɔ Christ, nnyuŋ ndide abuana ke ubɔŋ emi ediya-rarede, nte, Ekpeme udim-erɔŋ Abasi emi odude ke otu mbufo; ese ebaŋa mmɔ ke ima esit nte Abasi oyomde, ekuyak etie nte enyenyik mbufo; ekunam emi ebaŋa mbukpo udori, edi enam ke erinyime esit;

TITUS 1:7

Koro ada idaha ufɔk Abasi enyenede ndidi owo eke mme owo minyeneke se etiŋde edian, nte akama-ukpɔhɔre Abasi. Enye inyeneke ndidi itun, inyeneke ndisɔp nyat esit, inyeneke ndidi owo mmin ye ifiopesit, enye ikponyuŋ idiɔkke itɔŋ ibine idiɔk udori.

1ŊWED TIMOTHY 3:3

Enye ikpe-dige owo mmin, ye owo mfiomo; edi enyene ndidi suŋ-suŋ owo, emi midige owo utɔk, minyuŋ isinke esit ke okuk.

1 ŊWED CORINTH 12:10

enɔ owo efen ukeme ndinam utom-odudu; enɔ enye eken ukeme ndisiak uduak Abasi; enyuŋ enɔ enye eken ukeme ndidomo mme spirit mfiɔk; enɔ enye eken ukeme ndisem nsio-nsio oruk usem; enyuŋ enɔ enye eken ukeme ndikabare usem.

1 ŊWED CORINTH 2:15

Edi owo eke enyenede spirit odomo kpukpru ŋkpɔ ɔfiɔk, edi owo idomoke enye.

UTOM MME APOSTLE 20:33

Ŋkesinde esit ke silver, mme gold, mme edisine-ŋkpɔ owo baba kiet.

MICAH 3:11

Mme etubom esie ebiere ikɔ ke okuk, mme oku esie enyuŋ eteme owo ke inyene, mme prophet esie enyuŋ ebre mfa ke silver: ndien mmɔ ebere edem ye Jehovah, ete, Nte Jehovah iduhe ke otu nnyin? Idiɔk-ŋkpɔ idisimke nnyin.

EZEKIEL 13:19

Nte mbufo eyenyuŋ esabare mi enɔ ikɔt mi ke uyɔhɔ ubɔk barley ye ke ŋkeŋe uyo, man ewot ukpɔŋ eke midikpaha, enyuŋ eda ukpɔŋ eke mididuhe uwem enim ke uwem, ke erisu emi mbufo esude enɔ ikɔt mi emi ekopde nsu.

EZEKIEL 13:7

Nte mbufo ikekwe nsunsu ŋkukut, ikonyuŋ idɔhɔke mfa abiaŋa? Ndien mbufo edɔhɔ ete, “Uyo Jehovah:” ndien idige ami ŋkɔdɔhɔ.

JEREMIAH 28:15

Jeremiah prophet onyuŋ ɔdɔhɔ Hananiah prophet, ete, Hananiah, kop ndien: Jehovah ikɔdɔŋke fi; edi afo anam mbio-obio emi ebuɔt idem ke nsu.

JEREMIAH 23:25

Mmokop uyo mme prophet emi etiŋde nsunsu o-prophecy ke enyiŋ mi, ete, “Mmadaba ndap, mmadaba ndap.”

JEREMIAH 23:16

Ntem ke Jehovah mme udim ɔdɔhɔ, ete, Mbufo ekukop ikɔ mme prophet emi etiŋde prophecy enɔ mbufo: mmɔ esin mbufo edama idat: etiŋ ŋkukut eke otode mmɔ ke esit, itoho Jehovah ke inua.

JEREMIAH 14:14

Ndien Jehovah ɔdɔhɔ mi, ete, Mme prophet etiŋ nsunsu a-prophecy ke enyiŋ mi: ŋkɔdɔŋke mmɔ utom, nnyuŋ ntemeke mmɔ, nnyuŋ ndɔhɔke ye mmɔ; mmɔ emen ŋkukut nsu, ye idiɔŋ, ye ikpikpu ŋkpɔ, ye abiaŋa esit mmɔ etiŋ enɔ mbufo.

ISAIAH 56:11

Mme ebua emi ŋko ekpum okpum, ifiɔkke uyuhɔ; ndien mme ekpemerɔŋ ŋko ke idem mmɔ ifiɔkke nditim nnam: kpukpru mmɔ emekabare ese usuŋ mmɔ, owo kiet kiet ese udori esiemɔ eke otode ke edem esie.

1 JOHN 4:1

NDIMA, ekunim kpukpru spirit ke akpanikɔ, edi edomo mme spirit ese mme mmɔ edi eke Abasi: koro ediwak prophet nsu ema ewɔŋɔ eduk edi ke ererimbot.

NEHEMIAH 6:11

Ndien ndɔhɔ, Nte owo ntem nte ami ekpefehe? Ndien anie owo ntem nte ami okpoduk ke temple man odu uwem? Ndukke.

NEHEMIAH 6:13

Mmɔdo ekenɔde enye ŋkpɔ, man ami ndikhe, nnyuŋ nnam ntem, nnyuŋ ndue, man edi idiɔk etop ye mmɔ, man mmɔ esuene mi.