NEHEMIAH 5:2 - Edisana ñwed Abasi Ibom

² Ndien ndusuk edu do emi edɔhɔde ete, Nnyin, ye nditɔ-iren nnyin, ye nditɔ-iban nnyin, iwak: yak nnyin ikut ndien ibokpot, idia idu uwem.

NEHEMIAH 5:2 Referans Kwoze

MALACHI 2:2

minyuŋ inimke ke esit, minyuŋ inɔŋɔ enyiŋ mi ukpono, Jehovah mme udim ɔdɔhɔ, nyedɔŋ isuŋi oro utom ke ɔtɔ mbufo, nnyuŋ nnam nti ŋkpɔ mbufo ekabare edi isuŋi: mma nnyuŋ nsuŋi mmɔ mma, koro mbufo mikereke ke esit.

GENESIS 43:8

Ndien Judah ɔdɔhɔ Israel, ete esie, ete, Yak eyen oro aka ye ami, ndien nnyin iyedaha ika; man idu uwem, ikukpaŋa, ye nnyin, ye afo, ye nditɔwɔŋ nnyiŋ.

GENESIS 42:2

Enye onyuŋ ɔdɔhɔ ete, Sese, mmokop nte ibokpot odu ke Egypt: mbufo esuhɔre eka do, enyuŋ edep do enɔ nnyin; man nnyin idu uwem, ikukpa.

GENESIS 41:57

Ndien kpukpru mme idut edi ke Egypt, etiene Joseph edidep ibokpot: koro akaŋ ɔsɔŋde ke kpukpru mme idut.

DEUTERONOMY 23:19

Kubuɔt eyen-usɔ ubɔ udori; edide udori ke okuk, onyuŋ edide udori ke udia, mme udori ke ŋkpɔ ekededi eke ebuɔtde edia udori:

2 NDIDEM 4:1

EKEM ŋwan kiet ke otu iban nditɔ mme prophet eseme ɔnɔ Elisha, ete, Ebe mi, owo fo, amakpa; afo omonyuŋ ɔfiɔk ete ke owo fo edi owo eke abakde Jehovah: ndien owo-ebuɔt esie emedi ndida nditɔ-iren mi iba ke idemesie nnim ke ifin.

NEHEMIAH 5:3

Ndusuk ŋko edu do emi edɔhɔde, ete, Nnyin imada iŋwaŋ nnyin, ye iŋwaŋ vine nnyin, ye ufɔk nnyin, inim ubiɔŋ, man ikut ibokpot ke akaŋ.

HAGGAI 1:6

Mbufo etetɔ ediwak ŋkpɔ ke isɔŋ, ndien ekut esisit; edia ŋkpɔ, edi ikemke: eŋwɔŋ, edi iyuhɔke; esine ŋkpɔ ke idem, edi ikopke ufiop; anam-utom ke utip onyuŋ esin utip ke ekpat eke otibede ndudu.

GENESIS 47:19

ndien idinam didie ikpaŋa ke iso fo, ye nnyin ye iŋwaŋ nnyin ŋko? dep nnyin ye iŋwaŋ nnyin ke udia, ndien nnyin ye iŋwaŋ nnyin iyedi ikɔt Pharaoh: nyuŋ nɔ nnyin uduot-ŋkpɔ, ndien nnyin iyedu uwem, idikpaŋake, iŋwaŋ nnyin idinyuŋ inaŋa ikpikpu.