NEHEMIAH 4:10 - Edisana ñwed Abasi Ibom

¹⁰ Ndien Judah ɔdɔhɔ, ete, Odudu mbon mbiomo ebieŋe, ibombom ŋwure enyuŋ ewak; ndien nnyin ikemeke ndibɔp ibibene.

NEHEMIAH 4:10 Referans Kwoze

HAGGAI 1:2

Ntem ke Jehovah mme udim ɔdɔhɔ, ete, Mbio-obio emi edɔhɔ ete, Ini ikemke, ini eke ekpebɔpde ufɔk Jehovah.

EZEKIEL 29:18

Eyen owo, Nebuchadrezzar edidem Babylon ekesin mbon-ekɔŋ esie enam akwa utom ebaŋa Tyre: kpukpru ibuot ekabare edi ibɔ, kpukpru afara enyuŋ eyaŋade: ndien enye ye mbon-ekɔŋ esie ikwe ŋkpɔ-eyen-utom ke Tyre, nte ekemde ye utom oro enye akanamde abaŋa enye:

2 CHRONICLES 2:18

Ndien enye onim tɔsin mmɔ ata ye duop ke mbon mbiomo, ye tɔsin anaŋ ke mme andisɔi ke obot, ye tɔsin ita ye ikie itiokiet ke mme ese-utom, eke enamde mmɔ eken enam utom.

NUMBERS 32:9

Koro adaŋemi mmɔ edɔkde ekesim ke ebedeŋ Eshcol, enyuŋ ekutde isɔŋ oro, mmɔ enam esit odorore nditɔ Israel ndika ŋkoduk ke isɔŋ emi Jehovah ɔkɔnɔde mmɔ.

NUMBERS 13:31

Edi mme mmɔ oro ekesaŋde ye enye edɔk, edɔhɔ ete, Nnyin ikemeke ndidɔk ŋkaŋwana ye mmɔ oro: koro mmɔ esɔŋde ekan nnyin.

2 CHRONICLES 34:13

Mmɔ enyuŋ edi mbɔŋ mbon-mbiomo, ye mme eteme kpukpru mme anam-utom ke oruk usɔ ekededi: ndusuk Levite enyuŋ edi mme ewet-ŋwed, ye mme ekpe-ikpe, ye mme etie-usuŋ.

NEHEMIAH 4:2

Enye onyuŋ ɔdɔhɔ ke iso nditɔ-ete esie, ye mbon-ekɔŋ Samaria, ete, Mbukpo Jew emi ke enam nso? Nte ediyak mmɔ? Mme mmɔ ediwa uwa? Mme mmɔ edinam ema ke usen kiet? Nte mmɔ edidemere itiat esioŋo ke ibombom ntan, ndien mmɔ ema eta ikaŋ?

NEHEMIAH 4:9

Ndien nnyin ikpe Abasi nnyin ubɔk, inyuŋ inim mbon-ukpeme ibaŋa mmɔ ke uwemeyo, ye ke okoneyo, ibak mmɔ.

NEHEMIAH 4:11

Ndien mme asua nnyin edɔhɔ, ete, “Mmɔ idifiɔkke, idinyuŋ ikwe, tutu nnyin iduk ke otu mmɔ, inyuŋ iwot mmɔ, inyuŋ inam utom mmɔ edop.”