NEHEMIAH 2:6 - Edisana ñwed Abasi Ibom

⁶ Ndien edidem ɔdɔhɔ mi (ŋwan esie etie enye ke ŋkaŋ) ete, Isaŋ fo edidi adaŋa didie? Afo edinyuŋ afiak ini ewe? Ndien ŋkpɔ enem edidem esit, ndien enye ɔdɔŋ mi utom; ami nnyuŋ nnim ini nnɔ enye.

NEHEMIAH 2:6 Referans Kwoze

NEHEMIAH 13:6

Edi ke ofuri ini emi ŋkoduhe ke Jerusalem, koro ke ɔyɔhɔ isua Artaxerxes edidem Babylon edip ye duopeba, ami ŋkaka ke ɔtɔ edidem; ndien ke utit ndusuk usen, ŋkpe edidem ubɔk:

ISAIAH 65:24

Ndien ama ekem, ke mmɔ mika-ikotke kaŋa, ami nyeyere: ke mmɔ esuk edɔhɔde ikɔ, ami nyekop.

NEHEMIAH 5:14

Ndien ŋko toto ke usen oro enye (edidem) okonimde mi ke andikara mmɔ ke isɔŋ Judah, toto ke ɔyɔhɔ isua edip tutu osim ɔyɔhɔ isua Artaxerxes edidem edip ye duopeba, ofuri isua duopeba, ami ye nditɔ-ete mi idiaha udia andikara.

ISAIAH 58:12

Ndien eyewɔrɔ ke ɔtɔ fo ebɔp ŋkani ndon: afo eyediɔŋ ŋwure, ediwak emana; ndien eyekot fi, ete, Andidiɔŋ ŋwure, Anditɔŋɔ ntak nnam ɔkpɔ-usuŋ man eduŋ.

NEHEMIAH 2:4

Ndien edidem ɔdɔhɔ mi, ete, Nso ke afo oyom? Ndien ŋkpe Abasi enyɔŋ ubɔk.

ISAIAH 61:4

Ndien mmɔ eyebɔp ŋwure ebiet eset, eneŋere akani nsobo, eyenyuŋ ediɔŋ mme obio eke ebiarade, mme nsobo ediwak emana.

NEHEMIAH 1:11

Mbɔk, O Ɔbɔŋ, kpaŋ utɔŋ fo ke mkpeubɔk owo fo, ye ke mkpeubɔk ikɔt fo emi emade ndibak enyiŋ fo: mbɔk, nyuŋ nam owo fo okut unen mfin emi nyuŋ nam owo emi atua enye mbɔm. Ndien ami ndi akama-wine edidem.

NEHEMIAH 2:5

Ndien ndɔhɔ edidem, nte, Edieke edidem amade, owo fo onyuŋ enemde fi, nte afo ɔkpɔdɔŋ mi utom ke Judah, ke obio udi mme ete mi, man ndiɔŋ enye.

DANIEL 9:25

Fiɔk, ndien, nyuŋ tim nim ke ibuot, ete, ke ɔtɔŋɔde ke ini emi uyo ɔwɔrɔde, ete etɔŋɔ ntak ediɔŋ enyuŋ ebɔp Jerusalem, tutu osim ke ini Messiah Ɔbɔŋ, eyedi urua itiaba ye urua ata ye iba: eyetɔŋɔ ntak ediɔŋ aŋwa ye ukpe, kpa ke ini nnanenyin.