NEHEMIAH 2:13 - Edisana ñwed Abasi Ibom

¹³ Ndien nsaŋa ke okoneyo ke inua-otop ebedeŋ ŋwɔrɔ ŋka ke iso obube mmɔŋ dragon, ye ke inua-otop ifum, ndien ntim nse ibibene Jerusalem emi owurede, mme itim esie enyuŋ eta ikaŋ.

NEHEMIAH 2:13 Referans Kwoze

NEHEMIAH 1:3

Ndien mmɔ edɔhɔ mi, ete, Mme mmɔ oro eketode ke itie ntaŋ-mfep esuhɔ ko ke province, ke etie ke akwa ukut, ye ke esuene: ibibene Jerusalem onyuŋ owure, itim esie ema enyuŋ eta ikaŋ.

NEHEMIAH 2:17

Ndien ndɔhɔ mmɔ, nte, Mbufo emekut idiɔk itie emi nnyin itiede ke esit, nte Jerusalem anade ndon, nte mme itim esie enyuŋ etade ikaŋ: mbufo edi, nnyin idiɔŋ ibibene Jerusalem, man nnyin ikudi aba ŋkpɔ but.

NEHEMIAH 2:3

ami nnyuŋ ndɔhɔ edidem, nte, Yak edidem akam odu uwem ke nsinsi: ke didie ke iso mikpɔfuhɔke mi ke ini obio emi edide ebiet udi mme ete mi edide ndon, mme itim esie ema enyuŋ eta ikaŋ?

2 CHRONICLES 26:9

Uzziah onyuŋ ɔbɔp edikoŋ ufɔk ke Jerusalem, ke ɔtɔ inua-otop inuk, ye ke eke inua-otop ebedeŋ, ye ke eke inua-otop ke ɔtɔ ukabare ibibene, onyuŋ anam mmɔ esɔŋɔ.

NEHEMIAH 12:31

Ndien nda mbɔŋ Judah ndɔk ke enyɔŋ ibibene, ndien ntim nnim ikpɔ ŋka ekɔm, ye udim isaŋ iba; kiet ke nnasia ke enyɔŋ ibibene inua-otop ifum:

NEHEMIAH 2:15

Ndien nsaŋa ke itihere ndɔk ke okoneyo nnyuŋ ntim nse ibibene, ndien ŋkabare ndi ke inua-otop ebedeŋ. Ntem ke mfiak.

JEREMIAH 5:10

Mbufo edɔk ke ibibene esie ekewuri; edi ekunam ema: ekibi enye nnyɔninyɔ efep: koro mmɔ minyeneke Jehovah.

NEHEMIAH 2:12

Ekem ami ndaha ke enyɔŋ ke okoneyo, owo esisit enyuŋ esaŋa ye ami: ndien ŋkɔdɔhɔke baba owo kiet se Abasi mi ekesinde mi ke esit, ete nnam ke Jerusalem: unam baba kiet inyuŋ iduhe ye ami, ke mibɔhɔke unam emi ndorode ke esit.