NEHEMIAH 13:2 - Edisana ñwed Abasi Ibom

² koro mmɔ mikadaha uyo ye mmɔŋ idisobo ye nditɔ Israel, edi eka ekekpe Balaam ebaŋa mmɔ, ete enye osuŋi mmɔ: edi Abasi nnyin akabare isuŋi oro edi eridiɔŋ.

NEHEMIAH 13:2 Referans Kwoze

DEUTERONOMY 23:5

Edi Jehovah Abasi fo ikonyimeke ndikop nnɔ Balaam; edi Jehovah Abasi fo ama ɔkpuhɔre isuŋi esin ke eridiɔŋ ɔnɔ fi: koro Jehovah Abasi fo amade fi.

MATTHEW 25:40

Ndien Edidem eyebɔrɔ mmɔ ete, Ke akpanikɔ ke ndɔhɔ mbufo, Adaŋa nte mbufo ekanamde ŋkpɔ emi enɔ kiet ke otu nditɔ-ete Mi, kpa ata ŋkpri emi, mbufo ekanam enɔ Mi.

MICAH 6:5

O ikɔt mi, mbɔk, mbufo eti se Balak edidem Moab okodiomide, ye se Balaam eyen Beor ɔkɔbɔrɔde enye, ɔtɔŋɔde ke Shittim tutu osim ke Gilgal: man mbufo efiɔk edinen ido Jehovah.

ŊWED MME PSALM 109:28

Mmɔ eyesuŋi, edi afo eyediɔŋ: mmɔ edaha eda, ndien eyekut but; ndien esit eyedat owo fo.

NUMBERS 23:18

Ndien enye emen uyo esie, onyuŋ ɔdɔhɔ ete, Daha ke enyɔŋ, Balak, kop; kpaŋ utɔŋ ke ikɔ mi, O eyen Zippor:

2 PETER 2:15

Mmɔ ekpɔŋ edinen usuŋ ediyo ebine afaŋ Balaam eyen Beor, emi akamade utip ukwaŋido;

DEUTERONOMY 23:3

Eyen Ammon ye eyen Moab ekuduk ke esop Jehovah, baba ke idem ɔyɔhɔ emana mmɔ duop, ekuduk ke esop Jehovah ke nsinsi:

DEUTERONOMY 23:4

koro mmɔ mikedaha uyo ye mmɔŋ isobo ye mbufo ke usuŋ, ke ini mbufo etode ke Egypt ewɔŋɔ; koro mmɔ ekenyuŋ edade okuk enɔ Balaam eyen Beor emi otode ke Pethor ke Mesopotamia, ebaŋa fi, ete enye edisuŋi fi.