NEHEMIAH 1:9 - Edisana ñwed Abasi Ibom

⁹ ndien mbufo ema efiak etiene mi, enyuŋ enim ibet mi, enyuŋ enam mmɔ; mbufo ekpesuana tutu esim ke utit enyɔŋ, ŋkpataŋ mmɔ do mbon, nnyuŋ nda mmɔ ndi ke ebiet emi ŋkemekde man nnim enyiŋ mi do.

NEHEMIAH 1:9 Referans Kwoze

JEREMIAH 32:37

sese, ami nyetaŋ mmɔ ke kpukpru mme idut emi ŋkebinde mmɔ nsin do, ke iyaresit mi, ye ke ifuresit mi, ye ke akwa ikpahesit, mbon; ndien nda mmɔ mfiak ke ɔtɔ emi, nnyuŋ nyak mmɔ eduŋ ke ifure.

MATTHEW 24:31

Ndien Enye eyesio mme angel Esie ɔdɔŋ ye akwa uyom ukorowo, mmɔ eyenyuŋ etaŋ ndimek ikɔt Esie ke ikpehe ofim mbinaŋ ebon ɔtɔ kiet, ɔtɔŋɔde ke utit heaven kiet tutu osim eken.

JEREMIAH 12:15

Ndien ama ekem ke adaŋemi ndiberede mmɔ mma, nyetɔŋɔ ntak ntua mmɔ mbɔm, nnyuŋ nda mmɔ mfiak kiet kiet ke udeme mmɔ, ye kiet kiet ke obio mmɔ.

ISAIAH 56:8

Ɔbɔŋ Jehovah, emi obonde nditɔ Israel eke ekebinde efep, ete, Nyesuk mbon (owo efen) nnɔ enye, ŋkɔrɔ ye nditɔ esie emi ema ekebono.

ŊWED MME PSALM 147:2

Edi Jehovah ɔdiɔŋ Jerusalem: enye ataŋ nditɔ Israel emi ebinde mmɔ efep, obon.

EZRA 6:12

Ndien yak Abasi emi akanamde enyiŋ esie oduŋ do, osobo kpukpru ndidem ye obio eke edimenerede ubɔk mmɔ ndikpuhɔre, nnyuŋ ŋwuri ufɔk Abasi emi odude ke Jerusalem. Ami Darius mmowuk ewuhɔ: yak emen idem enam.”

DEUTERONOMY 12:5

Edi mbufo eyom ebiet emi Jehovah Abasi mbufo edimekde ke otu kpukpru mme esien mbufo osio, ete inim enyiŋ esie, man enye oduŋ do, enyuŋ eka do:

EZEKIEL 36:24

Nyenyuŋ mmen mbufo mfep ke mme idut, nnyuŋ ntaŋ mbufo ke kpukpru mme obio; ndien nda mbufo ndi ke isɔŋ mbufo

JEREMIAH 31:10

Mbufo mme idut ekop uyo Jehovah, ndien ekwɔrɔ enye ke mme-isuo eke eyomde usuŋ, enyuŋ edɔhɔ, ete, Enye emi akasuande Israel eyetaŋ mmɔ obon, onyuŋ ɔbɔk mmɔ nte ɔbɔk-erɔŋ ɔbɔkde ufene esie.

ISAIAH 11:12

Ndien enye eyemenere banner ke enyɔŋ ɔnɔ mme idut, onyuŋ obon nditɔ Israel emi ekebinde efep, ndien nditɔ Jacob emi esuanade ke enye editaŋ ke edem isɔŋ mbinaŋ.

ŊWED MME PSALM 106:47

O Jehovah Abasi nnyin, nyaŋa nnyin, nyuŋ taŋ nnyin ke mme idut di bon, man nnyin ikɔm edisana enyiŋ fo, inyuŋ ibure mbure ke itoro fo.

1 NDIDEM 9:3

Ndien Jehovah ɔdɔhɔ enye, ete, Mmokop akam fo, ye mkpe-ubɔk fo oro afo akanamde ke iso mi: mmonim ufɔk emi afo ɔkɔbɔpde, ke edisana, man nnim enyiŋ mi do ke nsinsi: ndien enyin mi ye esit mi eyedu do kpukpru ini.

JEREMIAH 3:14

Jehovah ɔdɔhɔ, ete, Mbufo nditɔ mfiakedem efiak edem; koro ami ŋkɔdɔde mbufo: ndien nyeda mbufo kiet ke obio, ye iba ke oruk, nnyuŋ nda mbufo ndi ke Zion:

1 CHRONICLES 16:35

Mbufo enyuŋ edɔhɔ, ete, Nyaŋa nnyin, O Abasi emi anyaŋade nnyin, nyuŋ sio nnyin ke mme idut, taŋ bon ɔtɔ kiet, man nnyin ikɔm edisana enyiŋ fo, inyuŋ ibure ke itoro fo.

DEUTERONOMY 12:21

Edieke ebiet emi Jehovah Abasi fo edimekde ndinim enyiŋ esie do, oyomde fi usun akan ndien da enaŋ fo ye erɔŋ fo eke Jehovah ɔnɔde fi, wot kpa nte ŋketemede fi, nyuŋ ta ke ebiet fo, kpa nte esit fo amade.

1 NDIDEM 8:48

ndien efiak edem etiene fi ke ofuri esit mmɔ, ye ke ofuri ukpɔŋ, mmɔ ke isɔŋ mme asua mmɔ oro eketaŋde mmɔ efep, enyuŋ ebɔŋ akam enɔ fi ese usuŋ isɔŋ mmɔ, emi afo ɔkɔnɔde mme ete mmɔ, ye obio emi afo emekde, ye ufɔk emi mbɔpde nnɔ enyiŋ fo:

ŊWED MME PSALM 107:3

onyuŋ ataŋ mmɔ ke mme idut, ke edem usiaha-utin ye ke edem usop, ye ke edere, ye ke inyaŋ, edi.

ISAIAH 27:12

Ndien ama ekem ke usen oro, Jehovah eyetuak, ɔtɔŋɔde ke isɔŋ akpa tutu osim ke idim Egypt, ndien eyetaŋ mbufo kiet kiet ebon, O nditɔ Israel.

JEREMIAH 6:22

Ntem ke Jehovah ɔdɔhɔ, ete, Sese, idut kiet oto ke edem edere edi, akamba idut eyenyuŋ edemere ke ŋkaŋ ererimbot.

EZEKIEL 14:6

Dɔhɔ ndien ufɔk Israel, ete, Ntem ke Ɔbɔŋ Jehovah ɔdɔhɔ, ete, Mbufo ekabare, ekabare kpa idem mbufo ke ibɔk mbufo efep; enyuŋ ekabare iso mbufo kpukpru efep ke mbubiam ŋkpɔ mbufo.

LEVITICUS 26:3

Edieke mbufo edisaŋade ke mme ewuhɔ mi, edinyuŋ enimde mbet mi, enyuŋ enam mmɔ:

DEUTERONOMY 30:1

NDIEN ama ekem, ke adaŋemi kpukpru ŋkpɔ emi etienede fi, kpa eridiɔŋ ye isuŋi, emi nnimde ke iso fo, afo onyuŋ ekerede mmɔ ke esit fo, ke otu kpukpru mme idut eke Jehovah Abasi fo ebinde fi ekesin do,

ZECHARIAH 8:7

Ntem ke Jehovah mme udim ɔdɔhɔ, ete, Sese, ami nyenyaŋa ikɔt mi ke idut edem usiaha-utin, ye ke idut usop-utin mfep; nnyuŋ nda mmɔ ndi,