NEHEMIAH 1:4 - Edisana ñwed Abasi Ibom

⁴ Edikem ke ini ŋkopde ikɔ emi, nsuhɔre ntie, nnyuŋ ntua eyet, nnyuŋ nseme ndusuk usen, nnyuŋ ntre udia, nnyuŋ mbɔŋ akam ke iso Abasi enyɔŋ.

NEHEMIAH 1:4 Referans Kwoze

DANIEL 9:3

Ndien ŋwuk iso mi nse Ɔbɔŋ Abasi, nnyuŋ nyom mkpe-ubɔk, ye eseme, ye utre-udia, ye ɔfɔŋ-ikpo, ye ntɔŋ:

ŊWED MME PSALM 137:1

KE mben akpa mmɔŋ Babylon, do ke nnyin ikɔsuhɔre itie, inyuŋ itua eyet, ke ini nnyin itide Zion.

EZRA 10:1

EKEM adaŋemi Ezra akanamde mkpeubɔk, okonyuŋ ayararede, atua eyet, onyuŋ ɔduɔ ke isɔŋ ke iso ufɔk Abasi, ata akwa otu iren-owo, ye iban, ye nditɔwɔŋ emi etode ke Israel, esop idem ke ɔtɔ esie: koro kpukpru owo etuade eyet eti-eti.

NEHEMIAH 2:4

Ndien edidem ɔdɔhɔ mi, ete, Nso ke afo oyom? Ndien ŋkpe Abasi enyɔŋ ubɔk.

ŊWED MBON ROME 12:15

Edara ye mmɔ emi edarade; etuaŋa ye mmɔ emi etuaŋade.

ZEPHANIAH 3:18

Nyesop mmɔ eke etuade ebaŋa usɔrɔ, (mmɔ eto ye afo,) emi ebiomde esuene ebaŋa enye.

DANIEL 2:18

Yak mmɔ ebeŋe Abasi enyɔŋ mbɔm ebaŋa ndibe ŋkpɔ emi, man ekusobo Daniel ye mme nsaŋa esie ke otu mme ɔfiɔk ŋkpɔ owo Babylon efen.

EZRA 9:3

Ndien ke ini ŋkopde ikɔ emi, ŋwai edisine-ŋkpɔ mi, ye ekura mi nnyuŋ ndibere idet ibuot mi, ye eke ntaŋebek mi, ndien nsuhɔre ntie ke mkpa-idem.

JONAH 1:9

Ndien enye ɔbɔrɔ mmɔ, ete, Ami ndi eyen Hebrew; ami nnyuŋ mbak Jehovah Abasi enyɔŋ, emi akanamde inyaŋ ye obot.

2 SAMUEL 12:16

Ndien David ekpe Abasi ubɔk ɔnɔ eyen oro; David onyuŋ etre udia ŋko, onyuŋ oduk, ɔsuhɔre ana ke isɔŋ ke ofuri okoneyo.

ŊWED MME PSALM 136:26

Oh mbufo ekɔm Abasi enyɔŋ: koro ima esie odude ke nsinsi.

DANIEL 10:2

Ke ini oro ami Daniel ntie ntua eyet ke ofuri usen edip ye kiet.

2 NDIDEM 22:19

koro esit fo ememde, afo onyuŋ ɔsuhɔrede idemfo onim ke iso Jehovah, ke ini afo okopde se nkɔdɔhɔde mbaŋa ebiet emi, ye mme andiduŋ ke esit, nte ke mmɔ edidi ŋwure ye isuŋi, ndien afo ama onyuŋ awai edisine-ŋkpɔ fo, onyuŋ atua eyet ke iso mi; ami ŋko mmokop, Jehovah ɔdɔhɔ.

2 CHRONICLES 6:13

Koro Solomon akanamde okpokoro okpoho, ɔdiɔk ke ufɔt okure, uniɔŋ esie ibio-idomo-okuk ition, ubom esie ibio-idomo-okuk ition, ye idaha esie ibio-idomo-okuk ita: ndien ada ke esit, onyuŋ ɔtɔŋɔ edɔŋ esie ke iso ofuri esop Israel, onyuŋ atat ubɔk esie ese enyɔŋ,

EZRA 1:2

Ntem ke Cyrus edidem Persia ɔdɔhɔ, ete, Jehovah Abasi enyɔŋ ɔmɔnɔ mi kpukpru mme idut ererimbot, omonyuŋ eteme mi, ete ndiɔŋ ufɔk Jerusalem emi odude ke Judah nnɔ imɔ.

EZRA 9:5

Ekem ke ini uwa mbubreyo, ndaha ke itie mfuhɔ mi; ndien adaŋa emi ŋwaide edisine-ŋkpɔ mi ye ekura mi, ami ntɔŋɔ edɔŋ, nnyuŋ mmenere ubɔk nse Jehovah Abasi mi, nnyuŋ ndɔhɔ nte,

NEHEMIAH 2:20

Ndien ami mbɔrɔ mmɔ ikɔ, nnyuŋ ndɔhɔ mmɔ, nte, Abasi enyɔŋ eyenɔ nnyin unen: ndien nnyin ikɔt esie iyedaha ke enyɔŋ, inyuŋ ibɔp: edi mbufo inyeneke udeme, ye itie, ye ŋkpɔ eriti ke Jerusalem.

ŊWED MME PSALM 102:15

Ndien mme idut eyefehe enyiŋ Jehovah, kpukpru ndidem ererimbot eyenyuŋ ebak ubɔŋ fo.