ndien mmɔ eyenam fi usua-usua, enyuŋ ebɔ fi kpukpru utom fo, enyuŋ ekpɔŋ fi iferi ye ikpikpu: ndien eyeyarare iferi use fo, ye oburobut ido fo ye use fo.
Ndien nyeda ufup mi nnam ikɔ ye afo, ndien mmɔ eyenam fi ŋkpɔ ke iyaresit: eyesibe fi ibuo ye utɔŋ efep; ndien nsuhɔ fo eyeduɔŋɔ ke ofut: mmɔ eyemen nditɔ-iren fo ye nditɔ-iban fo efep; enyuŋ eta nsuhɔ fo ke ikaŋ.
Nyuŋ dɔhɔ isɔŋ Israel, ete, Ntem ke Jehovah ɔdɔhɔ, ete, Sese, ami mmɔŋ nnam ikɔ ye afo; ndien nyesio ofut mi ke efɔk esie, nnyuŋ nsibe eti owo ye idiɔk ke otu mfep.