NAHUM 3:19 - Edisana ñwed Abasi Ibom

¹⁹ Nditaha fo inyeneke erikɔbɔ: unan fo omodoro ufiɔn: kpukpru mmɔ eke ekopde etop fo eyekwak ubɔk ebaŋa fi: koro anie owo odu eke idiɔk ido fo mikesimke enye kpukpru ini?

NAHUM 3:19 Referans Kwoze

MICAH 1:9

Koro unan esie odorode ufiɔn; koro enye osimde Judah: enye omoduk ke inua-otop ikɔt mi, kpa ke Jerusalem.

ŊWED ESEME 2:15

Kpukpru owo eke esaŋade ke usuŋ ebe ekwak ubɔk ebaŋa fi; mmɔ esi enyuŋ eyibi ibuot mmɔ ebaŋa adiaha Jerusalem, ete, Nte emi edi obio eke ekedɔhɔde ete ke enye eye ama, onyuŋ adat ofuri ererimbot esit?

ŊWED JOB 27:23

Ekwak ubɔk ese enye; enyuŋ esi enye ebin ke ebiet esie efep.

JEREMIAH 46:11

O adiaha Egypt eyenɔwɔŋ, dɔk ke Gilead ka da balsam: afo eyenam ibɔk awak ke ikpikpu; idige nte ekɔkde fi.

ISAIAH 37:18

Ke akpanikɔ, O Jehovah, ndidem Assyria ema esuan kpukpru mme obio ye isɔŋ mmɔ;

ERIYARARE 18:20

Edara ebaŋa enye O heaven, ye mbufo nti ikɔt Abasi ye mme apostle ye mme prophet, koro Abasi ama ekpe ikpe ibuot mbufo ye enye.

ERIYARARE 17:2

emi ndidem isɔŋ ekenamde use ye enye, mme andiduŋ ke isɔŋ ekenyuŋ eŋwɔŋde wine use esie eyuhɔ.

ERIYARARE 13:7

Ndien enɔ enye ndiŋwana eŋwan ye ikɔt Abasi, ndinyuŋ ŋkan mmɔ; enyuŋ enɔ enye nsɔŋ-uyo ndikara kpukpru esien ye obio ye usem ye idut.

EZEKIEL 25:6

Koro ntem ke Ɔbɔŋ Jehovah ɔdɔhɔ, ete, Koro afo akwakde ubɔk fo, onyuŋ amiade ikpat, onyuŋ adatde esit ke ofuri iseri fo abaŋa isɔŋ Israel.

JEREMIAH 10:22

Uyo etop! sese, ke edi. Akamba mkpo onyuŋ oto ke idut edere edi, ndinim mme obio Judah ke ŋkpɔ nditaha, ye ke iduŋ mme jackal.

JEREMIAH 30:12

Koro ntem ke Jehovah ɔdɔhɔ, ete, Inyeneke nte ekɔkde unan fo, ufen fo ɔmɔdiɔk akan.

ISAIAH 37:11

Sese, afo omokop se ndidem Assyria ekenamde ye kpukpru mme idut ke erisobo mmɔ. Ndien nte afo edibɔhɔ?

JONAH 1:2

Daha ke enyɔŋ ka ke Nineveh akwa obio oro, nyuŋ kwɔrɔ baŋa enye, koro idiɔk ido mmɔ ɔmɔdɔk edi ke iso mi.