NAHUM 3:11 - Edisana ñwed Abasi Ibom

¹¹ Afo ŋko eyeŋwɔŋ mmin akpa, onyuŋ onimi: afo ŋko eyenyuŋ oyom ebiet ifure abak usua.

NAHUM 3:11 Referans Kwoze

ISAIAH 49:26

Ndien nyenɔ mmɔ eke efikde fi obuk idem mmɔ eta; ndien mmɔ eyeŋwɔŋ iyip idem mmɔ ekpa, nte ke obufa wine: ndien ofuri obukidem eyefiɔk, ete ke ami Jehovah ndi andiyaŋa fi, ke andifak fi onyuŋ edi Ɔkpɔsɔŋ Abasi Jacob.

ISAIAH 2:10

Duk ke akwa itiat, nyuŋ dibe ke ntan, baŋa ndik Jehovah, ye ubom ubɔŋ esie.

LUKE 23:30

Adaŋoro mmɔ eyetɔŋɔ ndidɔhɔ ikpɔ obot ete, Eduɔ etɔ nnyin: eyenyuŋ edɔhɔ ŋkpri obot ete, Efuk nnyin.

NAHUM 1:10

Koro ke ini mmɔ esuk ebebari nte ikɔt ŋkukim, enyuŋ eŋwɔŋ wine ekpa, eyeta mmɔ nte etak nnyanyaŋa eke asatde ama.

HOSEA 10:8

Ŋkokoŋo ebiet Aven, kpa idiɔk-ŋkpɔ Israel emesobo: mbarekpe, ye mbara ŋkukwɔinɔ eyekɔri ke mme itie-uwa mmɔ; ndien mmɔ eyedɔhɔ ikpɔ obot, ete, Mbufo efuk nnyin, enyuŋ edɔhɔ ŋkpri ebot, ete, Mbufo eduɔŋɔ nnyin ke idem.

JEREMIAH 4:5

Mbufo etiŋ ke Judah, enyuŋ ebuk ke Jerusalem, enyuŋ edɔhɔ, enyuŋ efuri ukorowo ke isɔŋ; efiori ɔkpɔsɔŋ, enyuŋ edɔhɔ ete, Mbufo esop idem, ndien yak nnyin iduk ke mme obio ibibene.

ISAIAH 2:19

Ndien mmɔ eyeduk ke aba itiat, ye ke ndudu isɔŋ, ebaŋa ndik Jehovah, ye ubom ubɔŋ esie, ke ini enye adahade ke enyɔŋ ndidikhe isɔŋ.

ŊWED MME PSALM 75:8

Koro cup odude Jehovah ke ubɔk; wine onyuŋ ofut mbuaha ɔyɔhɔ ke esit; enye onyuŋ ada enye ɔtɔhɔ: kpu-kpru mme idiɔk owo ke ererimbot enyene ndikɔrɔde nnyuŋ ŋŋwɔŋ ntak esie.

NAHUM 2:1

ANDISUAN ɔmɔdɔk edi ke iso fo; tiŋ enyin ke ɔkɔ ekɔŋ, kpeme ɔkpɔ-usuŋ, sɔŋɔ isin, sɔŋɔ odudu eti-eti.

MICAH 7:17

Mmɔ eyedei ntan nte urukikɔt, eyetie ke ndudu mmɔ enyek idem nte mme andinyɔni ke ntan: eyetiene Jehovah Abasi nnyin ke ndik, enyuŋ edikhe fi.

AMOS 9:3

Ekpenyuŋ edibe ke ibuot Carmel, nyeyom mmɔ, nnyuŋ nsio mmɔ do; ekpedibe mi ke enyin ke idem isɔŋ akamba mmɔŋ, ŋkpowuk urukikɔt mi, nte oto aka okodom mmɔ do:

JEREMIAH 51:57

Ndien nyenam mbɔŋ mmɔ, ye mme ɔfiɔkŋkpɔ owo mmɔ, ye mme etubom mmɔ, ye ikpɔ owo mmɔ, ye mbon uko mmɔ eŋwɔŋ ekpa: ndien mmɔ eyede nsinsi idap, idinyuŋ idemekede; emi edi uyo edidem, Jehovah mme udim edi enyiŋ esie.

JEREMIAH 8:14

“Nsinam nnyin itiede? Mbufo esop idem, ndien nnyin iyeduk ke obio ibibene, inyuŋ itie do suŋ: koro Jehovah Abasi nnyin esinde nnyin ke ndobo, onyuŋ ɔnɔde nnyin mmɔŋ etidot iŋwɔŋ: koro nnyin inamde idiɔk ye Jehovah.

ISAIAH 63:6

Ndien nyedigi mme idut ke iyaresit mi, nnyuŋ nnam mmɔ eŋwɔŋ eyuhɔ ke ifuresit mi, nnyuŋ nnam enyam mmɔ ɔsuhɔre ke isɔŋ.

ISAIAH 29:9

Mbufo enam ubigi, enyuŋ eyik, ebre mbre, enyuŋ etie nnan; mmɔ eyuhɔ, edi idige wine anam; mmɔ eteŋ, edi idige mmin anam.

1 SAMUEL 14:11

Ekem mmɔ mbiba ewut mbon-ekɔŋ mme Philistine idem mmɔ: ndien mme Philistine edɔhɔ ete, Sese, mme Hebrew ke ewɔŋɔ ke obube emi mmɔ edibede ke esit.

1 SAMUEL 13:6

Ke adaŋemi nditɔ Israel ekutde mbaba oro ababade mmɔ (koro efikde mmɔ) mmɔ edibe ke aba itiat, ye ke ikɔt, ye ke ikpɔ itiat, ye ke ŋkokoŋo ebiet, ye ke obube.