NAHUM 3:10 - Edisana ñwed Abasi Ibom

¹⁰ Mmɔ eketaŋ enye efep ŋko, enye aka nte mbuot ekɔŋ: mmɔ enyuŋ esuok nditɔ-wɔŋ esie mbak-mbak ke mbuot kpukpru efak: enyuŋ esin afia ebaŋa mbɔŋ esie, enyuŋ ekɔŋ kpukpru ikpɔ owo esie ke ŋkpɔkɔbi.

NAHUM 3:10 Referans Kwoze

ISAIAH 20:4

kpasuk ntre ke edidem Assyria edida mbuot ekɔŋ ke Egypt, ye mbon ntaŋ-mfep ke Ethiopia, nditɔwɔŋ ye ŋkani iren, ɔnyɔŋ iferi ye ukot ikpikpu, ifuhi onyuŋ ɔfuhɔre mmɔ anam Egypt ŋkpɔ but.

OBADIAH 1:11

Ke usen oro afo akadade ke edem usua, ke usen emi isen owo eketaŋde mbon-ekɔŋ esie efep, emi isen owo enyuŋ edukde ke inua-otop esie, enyuŋ esinde afia ebaŋa Jerusalem, afo ŋko eketie nte owo mmɔ kiet.

JOEL 3:3

Mmɔ ekenyuŋ esin afia ebaŋa ikɔt mi; enyuŋ enɔ eyen-eren ke akpara, enyuŋ enyam eyen-aŋwan ke wine eke ekpeŋwɔŋde.

HOSEA 13:16

Samaria eyesio isop; koro enye ɔsɔŋde ibuot ye Abasi esie: mmɔ eyeduɔŋɔ ke ofut. Eyesuok abak-inua mmɔ mbai-mbai, enyuŋ esiak iban mmɔ eke eyomode idibi.

ŊWED ESEME 2:19

Daha ke enyɔŋ tua ke okoneyo ke eritɔŋɔ efen, ŋwaŋade esit fo nte mmɔŋ ke iso Ɔbɔŋ: menere ubɔk fo nɔ enye baŋa ukpɔŋ nditɔ ɔwɔŋ fo, emi eduɔŋɔde mba ke biɔŋ ke ibuot kpukpru mme efak.

ISAIAH 13:16

Eyeyibi nditɔ-ɔwɔŋ mmɔ ke iso mmɔ ŋko; eyebume ufɔk mmɔ, enyuŋ ebiat iban mmɔ.

AMOS 1:13

Ntem ke Jehovah ɔdɔhɔ, ete, Idiɔk ido nditɔ Ammon ita ye inan iyakke mi ŋkabare enye (ufen) mfep; koro mmɔ esiakde iban idibi ke Gilead, man esehere adaŋa mmɔ.

ŊWED ESEME 4:1

GOLD anam didie akabare ebire! ata eti gold anam didie ɔkpuhɔre! Mme itiat edisana ebiet emeduɔŋɔ ke ibuot kpukpru mme efak.

ISAIAH 13:6

Mbufo etuaŋa; koro usen Jehovah emekpere: ɔmɔŋ edi nte nsobo eke otode Ata Ɔkpɔsɔŋ.

ŊWED MME PSALM 137:8

O adiaha Babylon, emi edisobode; ɔfɔfɔn ɔnɔ enye emi edidade erinam emi afo akanamde nnyin, osio usiene ye afo.

2 NDIDEM 8:12

Ndien Hazael obup ete, Ɔbɔŋ mi atua nso? Ndien enye ete, Koro mfiɔkde mme idiɔk-ŋkpɔ emi afo edinamde nditɔ Israel; afo eyekim ikaŋ ke mkpɔsɔŋ ebiet mmɔ, onyuŋ owot mkparawa mmɔ ke ofut, onyuŋ oyibi nditɔwɔŋ mmɔ, onyuŋ asiak iban mmɔ eke eyomode idibi.

ŊWED JOB 6:27

Edi mbufo enyime ndisin afia mbaŋa eyen-akpa, nnyuŋ nnyam ufan mbufo nte ŋkpɔ-urua.

ŊWED MME PSALM 137:9

Ɔfɔfɔn ɔnɔ owo eke edimumde nditɔ-ɔwɔŋ fo oyibi ke itiat.

ŊWED MME PSALM 149:8

Man ekɔbi ndidem mmɔ ke ŋkpɔkɔbi, ye mbɔŋ mmɔ ke ebuka ukwak;

ISAIAH 19:4

Ndien nyeda Egypt nsin ke ubɔk ɔsɔŋ-ido ete; ɔsɔŋ-ubɔk edidem eyenyuŋ akan mmɔ; emi edi uyo Ɔbɔŋ Jehovah mme udim.

EZEKIEL 29:7

Ke adaŋemi mmɔ emumde fi ke ubɔk, afo ɔbuŋɔ onyuŋ asiak mmɔ ofuri afara: ndien ke ini mmɔ eberede idem ye afo, afo ɔbuŋɔ onyuŋ ayak ofuri isin mmɔ ada.